Bɔfoi 17:16 - ŊMALƐ KRƆŊKRƆŊ LƐ

¹⁶ Be ni Paulo mɛɔ Sila kɛ Timoteo yɛ Atene lɛ, ena akɛ eji maŋ ni eyi obɔ̃ kɛ amãgãi sɔŋŋ, ni ehao lɛ.

Ṅmãle̱ Kroṅkroṅ Le̱

¹⁶ Agbe̱ne̱ beni Paulo mẽo̱ame̱ ye̱ Atēne le̱, emumo̱ mli wo la ye̱ emli, beni ena maṅ le̱ ní emli eyi obõ ke̱ amãgãi so̱ṅṅ le̱.

Bɔfoi 17:16 ပူးပေါင်းရင်းမြစ်များ

1 Maŋtsɛmɛi 19:10

Elia to he ekɛɛ, “Miye Yehowa, Nyɔŋmɔ Taiatsɛ lɛ, he awuŋã kɛ hiɛdɔɔ, ejaakɛ Israelbii lɛ ekwa Bo kɛ amɛteŋ kpãŋmɔ lɛ, amɛkumɔ ofɔleshãa latɛi lɛ, ni amɛkɛ klante egbe ogbalɔi lɛ hu, ni mi, mi pɛ eshwɛ, ni amɛmiitao mi hu amɛgbe.”

1 Maŋtsɛmɛi 19:14

Elia jie enaa ekɛɛ, “Miye Yehowa, Nyɔŋmɔ Taiatsɛ lɛ, he awuŋã kɛ hiɛdɔɔ, ejaakɛ Israelbii lɛ ekwa Bo kɛ amɛteŋ kpãŋmɔ lɛ, amɛkumɔ ofɔleshãa latɛi lɛ, ni amɛkɛ klante egbe ogbalɔi lɛ hu ni mi pɛ eshwɛ, ni amɛmiitao mi hu amɛgbe.”

Lalai 119:136

Mihiŋmɛiŋ yaafonu hoɔ tamɔ faa, ejaakɛ ayeee omlai lɛ anɔ.

Lalai 119:158

Mikwɛɔ mɛi ni bɛ hemɔkɛyeli lɛ, ni amɛnii feɔ mi taŋ; ejaakɛ amɛyeee okitãi lɛ anɔ.

Lalai 69:9

ejaakɛ owe lɛ he hiɛdɔɔ tsoɔ yɛ mimli tamɔ la; ni ahorai ni mɛi bɔɔ bo lɛ ebashwie minɔ.

Yeremia 20:9

Kɛji mikɛɛ akɛ, “Mitsiŋ Yehowa tã, ni miwieŋ yɛ egbɛi mli dɔŋŋ lɛ,” minuɔ he yɛ mitsuiŋ akɛ nɔ ko miitso tamɔ la ni atsi naa awo miwui amli. La nɛɛ naatsii etɔ mi, ni minyɛɛɛ dɔŋŋ.

Mika 3:8

Shi mi lɛ, Yehowa kɛ emumɔ kɛ ehewalɛ lɛ woɔ mimli obɔ̃, ni ehãa mileɔ nɔ ni ji jalɛ, ni ehãa mi ekãa ni akɛkɛɔ Israelbii lɛ nɔ ni hi kɛ nɔ ni ji eshai ni amɛfeɔ lɛ.

Marko 3:5

Ni ekwɛ amɛhiɛiaŋ kɛkpe kɛ mlifu, ejaakɛ edɔ lɛ akɛ amɛtsui wa nɛkɛ; ni ekɛɛ nuu lɛ akɛ, “Kpã onine lɛ mli!” Ekpã mli, ni atsa enine lɛ ni eye emuu.

Yohane 2:13

Agbɛnɛ Yudafoi lɛ aHehoo lɛ eshɛ etã, ni Yesu tee Yerusalɛm.

Bɔfoi 17:15

Mɛi ni yajie Paulo gbɛ lɛ kɛ lɛ tee Atene tɔ̃ɔ; ni be ni eshɛ amɛ akɛ Sila kɛ Timoteo aba eŋɔɔ oya lɛ, amɛyi mli amɛtee.

Bɔfoi 17:21

Shi Atenebii fɛɛ kɛ gbɔi ni yɔɔ jɛi lɛ, nɔ ni eshwɛ amɛ pɛ ji sane hee ko gbaa kɛ sane toiboo.

Bɔfoi 17:23

Ejaakɛ be ni mihoɔ ni mikwɛ nii ni nyɛjaa lɛ, mina afɔleshãa latɛ ko hu ni aŋma yɛ nɔ akɛ, ‘Nyɔŋmɔ ni aleee lɛ nɔŋ.’ No hewɔ lɛ, mɔ ni nyɛleee lɛ ni kɛ̃ lɛ nyɛjaa lɛ lɛ, lɛ nɔŋŋ ehe sane mijajeɔ mitsɔ̃ɔ nyɛ nɛɛ.

Bɔfoi 18:1

Nii nɛɛ asɛɛ lɛ, Paulo je Atene ni eyiŋ etee Korinto.

Bɔfoi 20:22

Ni agbɛnɛ lɛ, naa, efi mi yɛ mumɔ mli hewɔ lɛ miiya Yerusalɛm, ni mileee nɔ ni baaba minɔ yɛ jɛi,

1 Tesalonikabii 3:1

No hewɔ lɛ, be ni wɔnyɛɛɛ dɔŋŋ lɛ, wɔkpɛ mli akɛ ashi wɔ kome yɛ Atene,

2 Petro 2:7

ni kɛji ejie Lot, jalɔ, mɔ ni hao yɛ nɔtɔ̃lɔi lɛ anyɛnyɛntswibɔɔ jeŋba lɛ he lɛ, yɛ mli