Bɔfoi 17:14 - ŊMALƐ KRƆŊKRƆŊ LƐ

¹⁴ Kɛkɛ ni amrɔ lɛ nyɛmimɛi lɛ yajie Paulo gbɛ ni eya ŋshɔnaagbɛ; shi Sila kɛ Timoteo hi Beroia.

Ṅmãle̱ Kroṅkroṅ Le̱

¹⁴ Ke̱ke̱ ni amrõ le̱ nyemimei le̱ yadšie Paulo gbe̱ ní eya eyatšṍ ṅšo̱ hĩe; ši Sila ke̱ *Timoteo hĩ dše̱i. *16,1.

Bɔfoi 17:14 ပူးပေါင်းရင်းမြစ်များ

Mateo 10:23

Shi kɛ amɛmiiwa nyɛ yi yɛ maŋ ko mli lɛ, nyɛjoa foi nyɛyaa ekroko mli; shi miikɛɛ nyɛ anɔkwale mli akɛ nyɛgbeŋ Israel maji lɛ fɛɛ naa dani Gbɔmɔ Bi lɛ aaaba.

Bɔfoi 1:15

Nɛkɛ be nɛɛ mli lɛ Petro te shi edamɔ nyɛmimɛi lɛ ateŋ (mɛi fɛɛ ni ebabua amɛhe naa lɛ aaafee oha kɛ nyɔŋmai enyɔ) ni ekɛɛ,

Bɔfoi 15:22

Kɛkɛ ni esa bɔfoi lɛ kɛ onukpai lɛ kɛ asafo muu lɛ fɛɛ hiɛ akɛ amɛaafãmɔ hii komɛi yɛ amɛ diɛŋtsɛ amɛteŋ, ni atsu amɛ kɛ Paulo kɛ Barnaba kɛya Antiokia. Hii nɛɛ ji Yuda, mɔ ni atsɛɔ lɛ Barsaba hu lɛ, kɛ Sila; gbɔmɛi nɛɛ ji hiɛnaanɔbii yɛ nyɛmimɛi lɛ ateŋ.

Bɔfoi 16:1

Kɛkɛ ni Paulo ba Derbe kɛ Listra. Kaselɔ ko yɛ jɛi ni atsɛɔ lɛ Timoteo; enyɛ lɛ Yudayoo ko ni ehe wiemɔ lɛ eye ni, shi etsɛ lɛ Helanyo ni.

Bɔfoi 17:10

Ni amrɔ̃ lɛ nyɛmimɛi lɛ jie Paulo kɛ Sila gbɛ nyɔɔŋ kɛtee Beroia. Ni be ni amɛshɛ jɛi lɛ, amɛyabote Yudafoi lɛ akpeehe lɛ mli.

Bɔfoi 17:15

Mɛi ni yajie Paulo gbɛ lɛ kɛ lɛ tee Atene tɔ̃ɔ; ni be ni eshɛ amɛ akɛ Sila kɛ Timoteo aba eŋɔɔ oya lɛ, amɛyi mli amɛtee.

Bɔfoi 17:4

Ni amɛteŋ mɛi komɛi he ye, ni amɛkɛ amɛhe kpɛtɛ Paulo kɛ Sila he; nakai nɔŋŋ Helabii Nyɔŋmɔ gbeyeishelɔi lɛ ateŋ mɛi babaoo kɛ yei hiɛnaanɔbii lɛ hu pii fee.

Bɔfoi 17:6

Shi be ni amɛnaaa amɛ lɛ, amɛkpala Yason kɛ nyɛmimɛi lɛ ateŋ mɛi komɛi kɛtee maŋ lɛ onukpai lɛ ahiɛ ni amɛbolɔ akɛ, “Mɛnɛɛmɛi ni amɛtsɔ̃ jeŋ hiɛ ebu shi lɛ eba biɛ nɛɛ hu,

Bɔfoi 18:5

Shi be ni Sila kɛ Timoteo jɛ Makedonia ba lɛ, Paulo hiɛ dɔ yɛ wiemɔ lɛ he ni eye odase veveeve etsɔ̃ɔ Yudafoi lɛ akɛ Yesu ji Kristo lɛ.

Bɔfoi 19:22

Shi be ni etsu mɛi ni sɔ̃mɔɔ lɛ lɛ ateŋ mɛi enyɔ, Timoteo kɛ Erasto, Makedonia lɛ, lɛ diɛŋtsɛ lɛ ehi Asia be fioo.

Bɔfoi 20:3

Ni eye nyɔji etɛ̃ yɛ jɛi, ni akɛni Yudafoi lɛ ewo lɛ ka be ni eheɔ efã kɛya Siria hewɔ lɛ, eto eyiŋ akɛ eeeku esɛɛ eyatsɔ̃ Makedonia ekoŋŋ.

Bɔfoi 9:25

Shi ekaselɔi lɛ kɛ lɛ wo kafu mli nyɔɔŋ, ni amɛshiu lɛ kɛtsɔ̃ gbogbo lɛ nɔ kɛyayi shi.

Bɔfoi 9:30

Be ni nyɛmimɛi lɛ nu he lɛ amɛkɛ lɛ tee Kaisarea, ni amɛwo lɛ gbɛ kɛtee Tarso.

1 Timoteo 1:3

Tamɔ bɔ ni be ni miyaa Makedonia ni mikpa bo fai akɛ ohi shi yɛ Efeso, koni obɔ mɛi komɛi akɔkɔ akɛ amɛkatsɔ̃ɔ tsɔ̃ɔmɔi krokomɛi.

Tito 1:5

Enɛ hewɔ mishi bo yɛ Kreta, koni oto nii ni eshwɛ lɛ gbɛjianɔ pɛpɛɛpɛ, ni owowoo onukpai yɛ maŋ fɛɛ maŋ mli, tamɔ bɔ ni mikɛɛ bo momo lɛ.

Yoshua 2:16

Rahab kɛɛ hii lɛ akɛ, “Nyɛyaa gɔji lɛ anɔ koni mɛi ni atsu akɛ amɛyatao nyɛ lɛ kɛ nyɛ akakpe. Nyɛtea nyɛhe yɛ jɛi gbii etɛ̃ kɛyashi mɛi ni etiu nyɛ lɛ aaaku amɛsɛɛ kɛaaba; no sɛɛ dani nyɛyi gbɛ nyɛya.”