Bɔfoi 17:11 - ŊMALƐ KRƆŊKRƆŊ LƐ

¹¹ Shi mɛnɛɛmɛi asu hi fe mɛi ni yɔɔ Tesalonika lɛ, ni amɛ lɛ amɛhere wiemɔ lɛ kɛ amɛtsui fɛɛ, ni daa gbi lɛ amɛkpaa ŋmalɛi lɛ amli amɛkwɛɔ akɛ nibii nɛɛ yɛ mli nakai lo.

Ṅmãle̱ Kroṅkroṅ Le̱

¹¹ Ši mene̱mei asu hĩ fè mei ní yo̱ Tesalonika le̱, ni ame̱ le̱ ame̱dšie ame̱yitšoṅ ame̱mõ wiemo̱ le̱ mli, ni dā *ame̱kpaä ṅmãle̱i le̱ amli ame̱kwe̱o̱ ake̱ nibii ne̱ ye̱ mli nakai lo. *Ioh. 5,39.

Bɔfoi 17:11 ပူးပေါင်းရင်းမြစ်များ

Hiob 23:12

Mitswako Nyɔŋmɔ naa wiemɔ ko mifɔ̃ko afã dã; mikɛto mitsui shishi tɔ̃ɔ.

Lalai 119:100

Minuɔ niiashishi kwraa fe hiimeji tete po, ejaakɛ miyeɔ okpɔi lɛ anɔ.

Lalai 119:148

Mibɛɛɛ mihiŋmɛi nyɔɔŋnyɔɔŋ fɛɛ; koni majwɛŋ oshiwoi lɛ ahe.

Lalai 119:97

Oo, misumɔɔ omla lɛ akɛ nɔ ko! Gbi muu fɛɛ lɛ, no he mijwɛŋɔ.

Abe̱i 1:5

Nilelɔ hu nuɔ, ni ekaseɔ nii efataa enilee he. Amɛhãa mɔ ni nuɔ niiashishi hu leɔ ŋaa.

Abe̱i 8:10

Nyɛmɔa mitsɔsemɔ lɛ moŋ mli fe jwiɛtɛi, kɛ nilee hu mli fe shika ŋmiiŋmi.

Abe̱i 9:9

Tsɔ̃ɔmɔ nilelɔ nii, ni eeele nii efata nɔ ni ele momo lɛ he; tsɔ̃ɔmɔ jalɔ nii, ni enilee aaafa.

Yesaia 34:16

Nyɛtaoa yɛ Yehowa wolo lɛ mli koni nyɛkanea. Kooloi nɛɛ ateŋ ekome folo nɛkɛ eshwɛŋ ni eyaŋ jɛi, ni eko eko hefatalɔ ebɔŋ lɛ. Ejaakɛ eje Yehowa naa, ni efã, ni Emumɔ lɛ ji nɔ ni baabua amɛnaa.

Yesaia 8:20

Nyɛtoa he akɛ, “Nyɛmɔa Yehowa wiemɔ lɛ kɛ ehe odaseyeli lɛ mli. Anɔkwa, nɔ ni nifeelɔi lɛ kɛɔ nyɛ lɛ, nɔ kpakpa ko ejɛŋ mli.”

Yeremia 2:21

Mitɛo bo akɛ wain tso kpakpa ni jɛ wu kpakpa mli. Shi te fee tɛŋŋ ni ofite otsɔ̃ kooŋ wain tso kwraa nɛɛ?

Mateo 13:23

Shi shikpɔŋ kpakpa ni adu wu lɛ yɛ nɔ lɛ ji mɔ ni nuɔ wiemɔ lɛ ni eyoɔ sɛɛ, ni esaa ewoɔ yibii hu, eko oha, eko nyɔŋmai ekpaa, kɛ eko nyɔŋmai etɛ̃.”

Luka 1:2

tamɔ bɔ ni mɛi ni na kɛ amɛhiŋmɛii kɛjɛ shishijee mli ni amɛ ji wiemɔ lɛ he sɔ̃ɔlɔi lɛ jaje tsɔ̃ɔ wɔ lɛ hewɔ lɛ,

Luka 11:3

Hã wɔ wɔdaaŋŋmaa daa gbi,

Luka 16:29

Ni Abraham kɛɛ lɛ akɛ, ‘Amɛyɛ Mose kɛ gbalɔi lɛ yɛ jɛi; amɛbo amɛ toi!’

Luka 24:44

Ni ekɛɛ amɛ akɛ, “Enɛɛmɛi ji miwiemɔi ni mikɛ nyɛ wie be ni mikɛ nyɛ yɔɔ lolo lɛ, akɛ ja nibii fɛɛ ni aŋma yɛ Mose mla lɛ kɛ Gbalɔi lɛ kɛ Lalai lɛ amli yɛ mihe lɛ na ba mli.”

Yohane 3:21

Shi mɔ ni feɔ anɔkwalenii lɛ baa la lɛ he, koni enitsumɔi lɛ aje kpo, ejaakɛ Nyɔŋmɔ mli atsu yɛ.”

Yohane 5:39

Nyɛtaoɔ ŋmalɛi lɛ amli, ejaakɛ nyɛ diɛŋtsɛ nyɛsusuɔ akɛ nomɛi amli nyɛnaa naanɔ wala yɛ; ni nomɛi nɔŋŋ ji nii ni yeɔ mihe odase lɛ.

Bɔfoi 10:33

Kɛkɛ ni amrɔ lɛ nɔŋŋ mitsu oŋɔɔ, ni ofee jogbaŋŋ akɛ oba. No hewɔ lɛ, agbɛnɛ wɔ fɛɛ wɔyɛ biɛ yɛ Nyɔŋmɔ hiɛ koni wɔbo nibii fɛɛ ni Nyɔŋmɔ efã bo akɛ okɛɛ lɛ toi.”

Bɔfoi 11:1

Agbɛnɛ bɔfoi lɛ kɛ nyɛmimɛi ni yɔɔ Yudea lɛ fɛɛ nu akɛ jeŋmajiaŋbii lɛ hu emɔ Nyɔŋmɔ wiemɔ lɛ mli.

Bɔfoi 17:1

Paulo kɛ Sila tsɔ̃ Amfipoli kɛ Apolonia, ni amɛba Tesalonika, he ni Yudafoi akpeehe ko yɔɔ lɛ.

Bɔfoi 2:41

Kɛkɛ ni abaptisi mɛi ni he ewiemɔ lɛ, ni nakai gbi lɛ nɔ nɔŋŋ lɛ akɛ susumai aaafee akpei etɛ̃ fata amɛhe.

5 Mose 29:29

“Teemɔŋ nibii lɛ Yehowa, wɔNyɔŋmɔ lɛ, koome nɔ ni; shi kɛji ajie nɔ ko kpo atsɔ̃ɔ pɛ, nɔ lɛ etsɔ̃ wɔ kɛ wɔbii anɔ kɛmiiya naanɔ, bɔ ni afee ni wɔye mla nɛɛ mli wiemɔi lɛ fɛɛ kwa nɔ.”

1 Tesalonikabii 1:6

Ni nyɛ lɛ, nyɛtsɔ̃mɔ mɛi ni kaseɔ wɔ kɛ Nuŋtsɔ lɛ, akɛni nyɛkɛ Mumɔ Krɔŋkrɔŋ mli miishɛɛ mɔ wiemɔ lɛ mli yɛ amanehulu babaoo mli lɛ.

1 Tesalonikabii 2:13

Enɛ hewɔ ni wɔ hu wɔdaa Nyɔŋmɔ shi ni wɔfɔ̃ɔɔ lɛ, ejaakɛ be ni nyɛnine shɛ Nyɔŋmɔ wiemɔ ni nyɛnu yɛ wɔnaa lɛ nɔ lɛ, nyɛmɔ mli akɛ Nyɔŋmɔ wiemɔ, tamɔ bɔ ni eji hu lɛɛlɛŋ lɛ, shi jeee akɛ gbɔmɛi awiemɔ ko. Wiemɔ nɛɛ tsuɔ hewalɛ nii yɛ nyɛ ni nyɛheɔ nyɛyeɔ lɛ nyɛmli.

2 Tesalonikabii 2:10

kɛ efɔŋ mli shishiumɔ fɛɛ ni akɛ shishiuɔ mɛi ni hiɛ baakpãtã ejaakɛ amɛmɔ̃ɔɔ anɔkwale suɔmɔ lɛ mli ni akɛhere amɛyiwala lɛ.

Yakobo 1:21

No hewɔ lɛ, nyɛshɛrɛa nyaŋemɔ nitsumɔ kɛ efɔŋ ni afeɔ kɛtekeɔ nɔ fɛɛ nyɛshwiea, ni nyɛkɛ heshibaa aherea wiemɔ lɛ ni atɛo yɛ nyɛmli ni yɔɔ hewalɛ ni ekɛaahere nyɛsusumai ayiwala lɛ.

1 Petro 2:2

Akɛ fufɔbii ni afɔ amɛ bianɛ lɛ, nyɛshwea wiemɔ lɛ mli fufɔ krɔŋŋ lɛ, koni nyɛdara yɛ mli kɛna yiwalaheremɔ,