Bɔfoi 17:1 - ŊMALƐ KRƆŊKRƆŊ LƐ

¹ Paulo kɛ Sila tsɔ̃ Amfipoli kɛ Apolonia, ni amɛba Tesalonika, he ni Yudafoi akpeehe ko yɔɔ lɛ.

Ṅmãle̱ Kroṅkroṅ Le̱

¹ Agbene ame̱tšṍ Amfipoli ke̱ Apolonia, ni ame̱ba Tesalonika, heni Iudafoi akpēhe yo̱ le̱. 1 Tes. 2,2.

Bɔfoi 17:1 ပူးပေါင်းရင်းမြစ်များ

Bɔfoi 14:1

Yɛ Ikonium nɛɛ hu Paulo kɛ Barnaba tee Yudafoi lɛ akpeehe lɛ ni amɛyawie amɛtsɔ̃ɔ amɛ bɔ ni ehã Yudafoi lɛ kɛ Helabii lɛ ateŋ mɛi babaoo he ye.

Bɔfoi 15:21

Ejaakɛ kɛjɛ blema beebe lɛ Mose yɛ mɛi ni shiɛɔ lɛ yɛ maŋ fɛɛ maŋ nɔ, ni daa hejɔɔmɔ gbi lɛ akaneɔ ewoji lɛ yɛ kpeehei lɛ.”

Bɔfoi 16:13

Hejɔɔmɔ gbi lɛ nɔ lɛ, wɔjɛ maŋ lɛ mli wɔtee faa ko naa, he ni wɔjwɛŋmɔ kɛɛ wɔ akɛ asɔleɔ yɛ lɛ, ni wɔyatara shi, ni wɔkɛ yei ni ebabua amɛhe naa yɛ jɛi lɛ wie.

Bɔfoi 17:10

Ni amrɔ̃ lɛ nyɛmimɛi lɛ jie Paulo kɛ Sila gbɛ nyɔɔŋ kɛtee Beroia. Ni be ni amɛshɛ jɛi lɛ, amɛyabote Yudafoi lɛ akpeehe lɛ mli.

Bɔfoi 17:11

Shi mɛnɛɛmɛi asu hi fe mɛi ni yɔɔ Tesalonika lɛ, ni amɛ lɛ amɛhere wiemɔ lɛ kɛ amɛtsui fɛɛ, ni daa gbi lɛ amɛkpaa ŋmalɛi lɛ amli amɛkwɛɔ akɛ nibii nɛɛ yɛ mli nakai lo.

Bɔfoi 17:13

Shi be ni Yudafoi ni yɔɔ Tesalonika lɛ nu akɛ Paulo eyajaje Nyɔŋmɔ wiemɔ lɛ yɛ Beroia hu lɛ, amɛba jɛi hu ni amɛbawo mɛi lɛ ayiŋ ni amɛhã amɛ jijaa.

Bɔfoi 20:4

Ni Sopatre, Beroianyo lɛ ni ji Pirho bi lɛ, kɛ Aristarko kɛ Sekundo, Tesalonikabii lɛ, kɛ Gaio, Derbenyo lɛ, kɛ Timoteo, kɛ Asiabii ni ji Tihiko kɛ Trofimo lɛ, kɛ lɛ tee Asia.

Bɔfoi 27:2

Shi be ni wɔbote Adramitio lɛlɛ ko ni baafã kɛyatsɔ̃ Asia ŋshɔnaa maji lɛ anɔ lɛ mli lɛ, wɔfã, ni Aristarko, Makedonianyo ni jɛ Tesalonika lɛ fata wɔhe.

Filipibii 4:16

ejaakɛ be ni miyɔɔ Tesalonika lɛ hu nyɛtsu shi kome kɛ shii enyɔ fɛɛ abahã mi nii ni hiaa mi lɛ.

1 Tesalonikabii 1:1

Paulo kɛ Silvano kɛ Timoteo ŋma yahã Tesalonikabii asafo ni yɔɔ Nyɔŋmɔ, Tsɛ lɛ, kɛ Nuŋtsɔ Yesu Kristo mli lɛ: Dromɔ kɛ hejɔlɛ ahã nyɛ!

1 Tesalonikabii 2:2

Wɔna nɔ momo, ni afee wɔ niseniianii hu yɛ Filipi, tamɔ bɔ ni nyɛle lɛ, kɛ̃lɛ wɔna ekãa yɛ wɔNyɔŋmɔ lɛ mli ni wɔkɛjaje Nyɔŋmɔ Sanekpakpa lɛ wɔtsɔ̃ɔ nyɛ, tsɛbelɛ ate shi ashi wɔ babaoo.

2 Tesalonikabii 1:1

Paulo kɛ Silvano kɛ Timoteo ŋma yahã Tesalonikabii asafo ni yɔɔ wɔTsɛ Nyɔŋmɔ lɛ kɛ Nuŋtsɔ Yesu Kristo mli lɛ.

2 Timoteo 4:10

Ejaakɛ ní Dema esumɔ amrɔmrɔ je nɛɛŋ hewɔ lɛ, eshi mi etee Tesalonika. Kreske etee Galatia, Tito etee Dalmatia.