Bɔfoi 16:9 - ŊMALƐ KRƆŊKRƆŊ LƐ

⁹ Ni nyɔɔŋ lɛ Paulo na yɛ ninaa mli akɛ nuu Makedonianyo ko damɔ shi miikpa lɛ fai akɛ, “Ba Makedonia ni obaye obua wɔ!”

Ṅmãle̱ Kroṅkroṅ Le̱

⁹ Ni nyōṅ le̱ Paulo na nii, ake̱ nū Makedonianyo ko damo̱ ši mikpale fai ake̱: Ba Makedonia ní obaye obuawo̱!

Bɔfoi 16:9 ပူးပေါင်းရင်းမြစ်များ

Bɔfoi 10:3

Aaafee gbɛkɛ ŋmɛji etɛ̃ mli lɛ, ena yɛ ninaa mli faŋŋ akɛ Nyɔŋmɔ bɔfo ko ba eŋɔɔ bakɛɛ lɛ akɛ, “Kornelio!”

Bɔfoi 10:30

Ni Kornelio kɛɛ akɛ, “Ŋmɛnɛ ji gbii ejwɛ aaafee ŋmɛji etɛ̃ mli nɛkɛ pɛ, miisɔle yɛ mishĩa nɛɛ; ni naa, nuu ko ni wo atade kaŋkaŋ badamɔ mihiɛ,

Bɔfoi 16:10

Shi be ni ena nii lɛ pɛ lɛ, amrɔ lɛ wɔtao akɛ wɔya Makedonia, ejaakɛ wɔkɔ sɛɛ akɛ Nuŋtsɔ lɛ etsɛ wɔ kɛmiiya jɛi koni wɔyajaje Sanekpakpa lɛ wɔtsɔ̃ɔ amɛ.

Bɔfoi 16:12

Wɔjɛ jɛi lɛ, wɔtee Filipi ni ji Makedonia shikpɔŋ lɛ nɔ maŋ wulu kɛ Romabii ashimɔmɔhe lɛ. Ni wɔhi nɛkɛ maŋ nɛɛ mli gbii kplaŋŋ.

Bɔfoi 18:5

Shi be ni Sila kɛ Timoteo jɛ Makedonia ba lɛ, Paulo hiɛ dɔ yɛ wiemɔ lɛ he ni eye odase veveeve etsɔ̃ɔ Yudafoi lɛ akɛ Yesu ji Kristo lɛ.

Bɔfoi 19:21

Nii nɛɛ asɛɛ lɛ, Paulo to eyiŋ yɛ mumɔ lɛ mli akɛ eeeyatsɔ̃ Makedonia kɛ Akaia kɛya Yerusalɛm, ni ekɛɛ, “Kɛji mishɛ jɛi lɛ, ja miyakwɛ Roma hu.”

Bɔfoi 19:22

Shi be ni etsu mɛi ni sɔ̃mɔɔ lɛ lɛ ateŋ mɛi enyɔ, Timoteo kɛ Erasto, Makedonia lɛ, lɛ diɛŋtsɛ lɛ ehi Asia be fioo.

Bɔfoi 19:29

Ni maŋ lɛ mli fɛɛ fee sakasaka; ni amɛkɛ jwɛŋmɔ kome tsɛ̃ kɛtee nikwɛmɔhe lɛ, ni amɛyamɔmɔ Gaio kɛ Aristarko ni ji Makedoniabii ni fata Paulo he kɛfã gbɛ lɛ.

Bɔfoi 20:1

Be ni gidigidifeemɔ lɛ sɛɛ efo lɛ, Paulo tsu ayatsɛ kaselɔi lɛ kɛba eŋɔɔ ni ewie etsɔ̃ɔ amɛ ni ekɛ amɛ ye shɛɛ, ni eyi mli kɛmiiya Makedonia.

Bɔfoi 20:3

Ni eye nyɔji etɛ̃ yɛ jɛi, ni akɛni Yudafoi lɛ ewo lɛ ka be ni eheɔ efã kɛya Siria hewɔ lɛ, eto eyiŋ akɛ eeeku esɛɛ eyatsɔ̃ Makedonia ekoŋŋ.

Bɔfoi 27:2

Shi be ni wɔbote Adramitio lɛlɛ ko ni baafã kɛyatsɔ̃ Asia ŋshɔnaa maji lɛ anɔ lɛ mli lɛ, wɔfã, ni Aristarko, Makedonianyo ni jɛ Tesalonika lɛ fata wɔhe.

Bɔfoi 9:38

Lida kɛ Yopa jɛkɛɛɛ kwraa, ni be ni kaselɔi lɛ nu akɛ Petro yɛ Lida lɛ, amɛtsu hii enyɔ kɛtee eŋɔɔ amɛyakpa lɛ fai akɛ ekashashao shi, shi eba amɛŋɔɔ oya.

Romabii 15:26

Ejaakɛ Makedonia kɛ Akaia fɛɛ kɛ tsuijurɔ etsu onia ko kɛhã krɔŋkrɔŋbii ni yɔɔ Yerusalɛm lɛ ateŋ ohiafoi lɛ.

2 Korintobii 11:9

Ni be ni mikɛ nyɛ yɔɔ ni efi mi tete lɛ, mifeee jatsu mihãaa mɔ ko mɔ ko, ejaakɛ nii ni hia mi lɛ, nyɛmimɛi ni jɛ Makedonia ba lɛ hã shɛ midɛŋ, ni mile mihenɔkwɛmɔ yɛ nɔ fɛɛ nɔ mli, ni masaa male mihenɔkwɛmɔ, koni mikatsɔ̃ jatsu mihã nyɛ.

2 Korintobii 12:7

Shi bɔ ni afee ni mikawo mihe nɔ tuutu ko yɛ kpojiemɔi lɛ adaramɔ ni amɛdara kɛtɛke nɔ lɛ hewɔ lɛ, ahã mi ŋmei ko yɛ miheloo mli, ni ji Satan bɔfo, koni egbala mi mai, ni mikawo mihe nɔ tuutu.

2 Korintobii 7:5

Ejaakɛ shi be ni wɔba Makedonia lɛ hu, wɔnaaa wɔgbɔmɔtso hejɔlɛ kwraa; shi moŋ he fɛɛ he lɛ amanehulu sɔŋŋ wɔnaa: wɔkponɔgbɛ lɛ nɔmɔi, wɔmligbɛ lɛ gbeyeishemɔi.

2 Korintobii 8:1

Shi, anyɛmimɛi, wɔmiihã nyɛle dromɔ ni Nyɔŋmɔ kɛduro Makedonia asafoi lɛ,

2 Korintobii 9:2

Ejaakɛ mile bɔ ni nyɛna he tsui ni mishwãa mifɔ̃ɔ nyɛnɔ mitsɔ̃ɔ Makedoniabii lɛ akɛ Akaiabii esaa amɛhe amɛto kɛjɛ nyɛsɛɛ afi lɛ beebe; ni nyɛmɔdɛŋbɔɔ lɛ ewo mɛi pii ahiɛdɔɔ.

5 Mose 30:13

Ni jeee ŋshɔ sɛɛ hu eyɔɔ ni nyɛaakɛɛ akɛ, ‘namɔ aaafo ŋshɔ koni eyaŋɔ ekɛbahã wɔ, ni wɔnu ni wɔye nɔ?’

1 Tesalonikabii 4:10

ejaakɛ nyɛfeɔ nakai hu nyɛhãa nyɛmimɛi fɛɛ ni yɔɔ Makedonia muu lɛ fɛɛ lɛ. Shi wɔmiikpa nyɛ fai, anyɛmimɛi, akɛ nyɛfee kɛteke nɔ fe tsutsu lɛ.