Bɔfoi 15:32 - ŊMALƐ KRƆŊKRƆŊ LƐ

³² Shi Yuda kɛ Sila lɛ, akɛni amɛ diɛŋtsɛ hu gbalɔi ji amɛ hewɔ lɛ, amɛwie saŋŋ kɛshɛje nyɛmimɛi lɛ amii ni amɛkɛwo amɛ hewalɛ.

Ṅmãle̱ Kroṅkroṅ Le̱

³² Ši Iuda ke̱ Sila le̱, ake̱ noni ame̱dientše̱ hũ *gbalo̱i dšiame̱ le̱, ame̱ke̱ wiemo̱ babaō še̱dše nyemimei le̱ amī ni ame̱woame̱ hewale̱. *11,27; 13,1.

Bɔfoi 15:32 ပူးပေါင်းရင်းမြစ်များ

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

Bɔfoi 13:1

Shi gbalɔi kɛ tsɔɔlɔi komɛi yɛ Antiokia asafo lɛ mli, amɛ ji Barnaba kɛ Simeon, mɔ ni atsɛɔ lɛ Niger hu lɛ, kɛ Lukio, Kirenenyo lɛ, kɛ Manahen, mɔ ni alɛ lɛ kɛ lumɔ Herode lɛ kɛ Saul.

1 Petro 5:12

Mitsɔ̃ wɔnyɛmi Silvano ni ji anɔkwafo tamɔ bɔ ni mibuɔ lɛ lɛ nɔ miŋma nyɛ wolo fioo nɛɛ mikɛmiiwo nyɛ ekãa, ni mikɛmiiye odase miishi sɛɛ akɛ enɛ ji Nyɔŋmɔ anɔkwa dromɔ lɛ. Nyɛdamɔa shi shiŋŋ yɛ mli.

1 Petro 5:10

Shi dromɔ fɛɛ Nyɔŋmɔ ni tsɛ nyɛ kɛba enaanɔ anunyam lɛ mli yɛ Kristo Yesu mli lɛ, kɛ nyɛna amanehulu fioo nɛɛ etã lɛ, lɛ diɛŋtsɛ eeesaa nyɛ pɛ, ni eeewaje nyɛ, ni eeewo nyɛ hewalɛ ni eeehã nyɛfi shi shiŋŋ.

1 Petro 5:1

No hewɔ lɛ, onukpai ni yɔɔ nyɛteŋ lɛ, mi ni mi ji onukpa lɛ eko kɛ Kristo amanehului lɛ ahe odasefonyo ni baana anunyam ni abaajie kpo lɛ hu eko lɛ; ŋaa ni miwoɔ amɛ nɛ.

2 Timoteo 4:2

Shiɛmɔ wiemɔ lɛ, kã he, be ni hi jio, be ni ehiii jio, kã hiɛ, wo ŋaa, tsɔ̃ɔmɔ nii kɛ tsuishitoo fɛɛ.

1 Timoteo 2:1

Agbɛnɛ nɔ klɛŋklɛŋ ni miwoɔ he ŋaa ji akɛ ahiɛ faikpamɔi, sɔlemɔi, mlidaamɔi, shidai amli, ahã gbɔmɛi fɛɛ,

2 Tesalonikabii 3:12

Nɛkɛ mɛi nɛɛ wɔmiiwo amɛ kitã ni wɔmiiwo amɛŋaa yɛ Nuŋtsɔ Yesu Kristo mli akɛ amɛtsu nii waa ni amɛye amɛ diɛŋtsɛ amɛdɛŋ ŋmaa.

1 Tesalonikabii 5:20

nyɛkagbea gbalɛi lɛ ahe guɔ.

1 Tesalonikabii 5:14

Ni wɔmiikpa nyɛ fai, anyɛmimɛi, nyɛwiea nyɛtsɔ̃a hejɔ̃lɔi lɛ, nyɛwoa gbeyelɔi lɛ ekãa; nyɛwaa mɛi ni yɔɔ gbedee lɛ; nyɛtoa nyɛtsui shi nyɛhãa mɛi fɛɛ.

1 Tesalonikabii 4:1

Naagbee lɛ, anyɛmimɛi, nyɛkase yɛ wɔŋɔɔ bɔ ni sa akɛ nyɛba nyɛjeŋ ni esa Nyɔŋmɔ hiɛ. Nyɛmiifee nakai, shi wɔmiikpa nyɛ fai ni wɔmiiwo nyɛ ŋaa yɛ Nuŋtsɔ Yesu mli akɛ nyɛfee ni ateke nɔ fe tsutsu lɛ.

1 Tesalonikabii 3:2

ni wɔtsu Timoteo ni ji wɔnyɛmi kɛ Nyɔŋmɔ sɔ̃ɔlɔ kɛ wɔnaanyo nitsulɔ yɛ Kristo Sanekpakpa lɛ mli lɛ. Wɔtsu lɛ ni ebawo nyɛ hewalɛ ni eshɛje nyɛmii yɛ nyɛhemɔkɛyeli lɛ gbɛfaŋ,

1 Tesalonikabii 2:11

Tamɔ bɔ nɔŋŋ ni nyɛle akɛ wɔhiɛ nyɛteŋ mɔ fɛɛ mɔ tamɔ tsɛ hiɛɔ ebii.

Efesobii 3:5

Teemɔ sane nɛɛ, yinɔi ni eho lɛ mli lɛ ahãaa gbɔmɛiabii ale, tamɔ bɔ ni agbɛnɛ ajie kpo atsɔ̃ɔ ebɔfoi krɔŋkrɔŋi kɛ gbalɔi lɛ kɛtsɔ̃ Mumɔ lɛ nɔ lɛ.

1 Korintobii 14:32

Gbalɔi amumɔi lɛ baa amɛhe shi amɛhãa gbalɔi lɛ;

1 Korintobii 14:29

Shi gbalɔi lɛ, mɛi enyɔ loo mɛi etɛ̃ awie, ni mɛi ni eshwɛ lɛ ahala mli.

1 Korintobii 14:3

Shi mɔ ni gbaa lɛ, gbɔmɛi ekɛwieɔ ni ekɛhã amɛnane amɔ shi, ni ekɛwo amɛ hewalɛ, ni ekɛshɛje amɛmii.

1 Korintobii 1:8

Lɛ nɔŋŋ eeewaje nyɛ kɛaatee naagbee ni nyɛhe akaba kpa ko yɛ wɔNuŋtsɔ Yesu Kristo gbi lɛ nɔ.

Romabii 12:8

mɔ ni wieɔ tsɔ̃ɔ mɛi lɛ, ehiɛ wiemɔ kɛ tsɔ̃ɔmɔ lɛ mli; mɔ ni kɛ enii feɔ ejurɔ lɛ, efee kɛ tsui krɔŋŋ; mɔ ni yeɔ onukpa lɛ, ebɔ mɔdɛŋ; mɔ ni naa mɔbɔ lɛ, efee kɛ tsuijurɔ.

Romabii 12:6

ni dromɔ ni akɛhã wɔ lɛ naa lɛ, wɔyɛ dromɔ keenii srɔtoi, mɔ fɛɛ mɔ kɛ enɔ; kɛji mɔ ko nɔ ji akɛ egba lɛ, egba yɛ hemɔkɛyeli bɔ ni akɛhã lɛ lɛ naa;

Bɔfoi 20:2

Ni be ni eyatsɔ̃ jɛi niiaŋ ni ekɛ wiemɔi pii wo amɛŋaa lɛ, eba Akaia.

Bɔfoi 18:23

Ni ehi jɛi fioo, ni no sɛɛ lɛ, eyi mli ekoŋŋ ni eyakpa Galatia kɛ Frigia shikpɔji lɛ anɔ ewo kaselɔi lɛ fɛɛ ahewalɛ.

Bɔfoi 15:41

Ni etsɔ̃ Siria kɛ Kilikia eyawo asafoi lɛ ahewalɛ.

Bɔfoi 15:22

Kɛkɛ ni esa bɔfoi lɛ kɛ onukpai lɛ kɛ asafo muu lɛ fɛɛ hiɛ akɛ amɛaafãmɔ hii komɛi yɛ amɛ diɛŋtsɛ amɛteŋ, ni atsu amɛ kɛ Paulo kɛ Barnaba kɛya Antiokia. Hii nɛɛ ji Yuda, mɔ ni atsɛɔ lɛ Barsaba hu lɛ, kɛ Sila; gbɔmɛi nɛɛ ji hiɛnaanɔbii yɛ nyɛmimɛi lɛ ateŋ.

Bɔfoi 15:1

Ni mɛi komɛi jɛ Yudea ba ni amɛbatsɔ̃ɔ nyɛmimɛi lɛ akɛ, “Kɛji afolɔɔɔ nyɛ ketia yɛ gbɛnaa ni Mose eto lɛ naa lɛ, anyɛŋ nyɛyiwala ahere.”

Bɔfoi 11:27

Shi nɛkɛ bei nɛɛ amli lɛ, gbalɔi komɛi jɛ Yerusalɛm ba Antiokia.

Bɔfoi 2:40

Ni ewie wiemɔi krokomɛi pii ekɛye odase ni ekɛwo amɛ ŋaa akɛ, “Nyɛhãa aherea nyɛyiwala kɛjea yinɔ kɔɔdɔŋ nɛɛ mli.”

Luka 11:49

Enɛ hewɔ nɔŋŋ ni Nyɔŋmɔ nilee lɛ kɛɛ, ‘Mibatsu gbalɔi kɛ bɔfoi kɛya amɛŋɔɔ, ni amɛaagbe amɛteŋ mɛi komɛi ni amɛaawa mɛi komɛi ayi,’

Mateo 23:34

No hewɔ lɛ, naa, miitsu gbalɔi kɛ nilelɔi kɛ mlatsɔɔlɔi kɛba nyɛŋɔɔ, ni nyɛaagbe amɛteŋ mɛi komɛi ni nyɛaasɛŋ mɛi komɛi, ni mɛi krokomɛi lɛ nyɛaayi amɛ kpelebii yɛ nyɛkpeehei lɛ, ni nyɛaawa amɛ yi kɛaajɛ maŋ kome mli kɛaatee ekroko mli.

Daniel 11:1

“Maŋtsɛ Dario, Medianyo lɛ, klɛŋklɛŋ afi lɛ mli lɛ, mi hu midamɔ shi, ni mifi Mikael sɛɛ kɛwo lɛ hewalɛ.

Bɔfoi 15:3

No hewɔ lɛ, be ni asafo lɛ ebajie amɛ gbɛ lɛ, amɛtsɔ̃ Foinikia kɛ Samaria ni amɛgba jeŋmaji lɛ atsakemɔ lɛ, ni amɛkɛhã nyɛmimɛi lɛ fɛɛ na miishɛɛ naakpa.

Bɔfoi 15:27

No hewɔ lɛ, wɔtsu Yuda kɛ Sila, ni amɛ hu amɛkɛ amɛdaaŋ wiemɔ abajaje nibii nɛɛ amɛtsɔ̃ɔ nyɛ.

Bɔfoi 15:31

Ni be ni amɛkane lɛ, amɛmii shɛ amɛhe yɛ hewalɛ ni ewo amɛ lɛ hewɔ.