Bɔfoi 15:18 - ŊMALƐ KRƆŊKRƆŊ LƐ

¹⁸ Nuŋtsɔ lɛ ni hã ale enɛ kɛjɛ teteete lɛ kɛɛ.

Ṅmãle̱ Kroṅkroṅ Le̱

¹⁸ Nyoṅmo̱ le enitšumo̱i le̱ fẽ ke̱-dše̱ dšeṅ šišidšē.

Bɔfoi 15:18 ပူးပေါင်းရင်းမြစ်များ

Yesaia 44:7

Namɔ kɛ mi ye egbɔ? Ha mɔ lɛ akɛɛ, ha ejaje yɛ mihiɛ. Kɛjɛ blema, namɔ egba nii ni nyiɛ gbɛ kɛbaa dã. Amɛgba wɔ nii ni baaba hu.

Yesaia 45:21

Nyɛbaa koni nyɛbajajea nyɛsane lɛ; nyɛhãa amɛyaa ajina! Namɔ ji mɔ ni jeeŋmɔ ko lɛ egba nɔ ni eba nɛɛ? Namɔ kɛɛ enɛ kɛjɛ blema? Aso jeee mi, Yehowa, ni? Ni misɛɛ lɛ Nyɔŋmɔ ko bɛ dɔŋŋ ni ji Nyɔŋmɔ jalɔ kɛ Yiwalaherelɔ? Misɛɛ lɛ mɔ ko mɔ ko bɛ dɔŋŋ.”

Amos 9:12

Ni Israelbii lɛ baaku amɛsɛɛ amɛbashɔ̃ Edom shikpɔŋ ni eshwɛ lɛ, kɛ shikpɔji krokomɛi fɛɛ ni tsutsu ko lɛ migbɛi kã amɛnɔ lɛ.” Nɔ ni Yehowa, mɔ ni baatsu nɛkɛ nibii nɛɛ, ekɛɛ nɛ,

Zakaria 14:7

Asaŋ je naŋ; anaŋ be ni ji shwane kɛ be ni ji gbɛkɛ, ejaakɛ gbɛkɛ tete lɛ hulu miitso. (Yehowa pɛ ji mɔ ni le nɛkɛ gbi nɛɛ).

4 Mose 23:19

Nyɔŋmɔ jeee gbɔmɔ adesa ni eeemale, aloo gbɔmɔ ni eeeshwa ehe yɛ nɔ ni efee hewɔ. Mɛni ekɛɛ dã ni efeee; aloo ewo ehe shi ni eyeee nɔ?

Mateo 13:35

koni nɔ ni gbalɔ lɛ wie lɛ aba mli akɛ, “Magbele minaa yɛ abɛbuai amli; magba nii ni akɛtee kɛjɛ jeŋ shishijee lɛ.”

Mateo 25:34

Kɛkɛ lɛ Maŋtsɛ lɛ aaakɛɛ mɛi ni yɔɔ eninejurɔ nɔ lɛ akɛ, ‘Nyɛbaa, nyɛ mɛi ni miTsɛ ejɔɔ nyɛ, nyɛbaŋɔa maŋtsɛyeli lɛ ni asaa ato nyɛ kɛjɛ jeŋ shishijee lɛ!

Bɔfoi 17:26

ni lá kome ekɛbɔ gbɔmɛi adesai fɛɛ, ni amɛhi shikpɔŋ lɛ fɛɛ nɔ, ni yinɔi ni eto lɛ kɛ amɛshihilɛhei lɛ ahusui lɛ ekpɛ mli eto momo,

Efesobii 1:11

Lɛ emli wɔna gboshinii lɛ hu yɛ, wɔ mɛi ni ajie wɔ ato yɛ mɔ ni tsuɔ nibii fiaa lɛ gbɛjianɔtoo naa, yɛ eyiŋ ni eto bɔ ni lɛ diɛŋtsɛ esumɔɔ lɛ naa,

Efesobii 1:4

Nyɔŋmɔ nɛɛ, lɛ ehala wɔ yɛ lɛ nɔŋŋ emli dani ato jeŋ shishi, koni wɔfee krɔŋkrɔŋ ni wɔhe akahi kpa ko yɛ ehiɛ.

Efesobii 3:9

Ni mihã mɛi fɛɛ ana teemɔ sane lɛ he gbɛjianɔtoo lɛ faŋŋ, teemɔ sane ni akɛtee kɛjɛ yinɔi ni eho lɛ amli kɛbashi amrɔ nɛɛ yɛ Nyɔŋmɔ mɔ ni bɔ nii fɛɛ lɛ mli lɛ,

2 Tesalonikabii 2:13

Shi wɔ lɛ, esa akɛ wɔdaa Nyɔŋmɔ shi daa yɛ nyɛhewɔ, anyɛmimɛi ni Nuŋtsɔ lɛ sumɔɔ, ejaakɛ Nyɔŋmɔ ehala nyɛ akɛ klɛŋklɛŋ yibii ehã yiwalaheremɔ kɛtsɔ̃ nyɛhe ni Mumɔ Krɔŋkrɔŋ lɛ tsuɔ kɛ he ni nyɛheɔ anɔkwale lɛ nyɛyeɔ lɛ nɔ.

1 Petro 1:20

Ahala lɛ ato momosa dani ato jeŋ shishi, shi ajie lɛ kpo yɛ bei lɛ anaagbee mli yɛ nyɛhewɔ.

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 17:8

Kooloo lɛ ni ona lɛ be ko mli lɛ eyɛ, shi amrɔ nɛɛ ebɛ, ni ebaajɛ bu kwɔŋkwɔŋ lɛ mli eje kpo kɛya hiɛkpãtãmɔ mli. Ni mɛi ni yɔɔ shikpɔŋ lɛ nɔ ni aŋmako amɛgbɛii yɛ wala wolo lɛ mli kɛjɛ jeŋ shishijee lɛ anaa aaakpɛ amɛhe kɛ amɛna kooloo lɛ akɛ be ko mli lɛ, eyɛ shi amrɔ nɛɛ ebɛ, ni ebaaba lɛ.