Bɔfoi 14:1 - ŊMALƐ KRƆŊKRƆŊ LƐ

¹ Yɛ Ikonium nɛɛ hu Paulo kɛ Barnaba tee Yudafoi lɛ akpeehe lɛ ni amɛyawie amɛtsɔ̃ɔ amɛ bɔ ni ehã Yudafoi lɛ kɛ Helabii lɛ ateŋ mɛi babaoo he ye.

Ṅmãle̱ Kroṅkroṅ Le̱

¹ Ni eha mli ake̱, beni ame̱yo̱ Ikoniom le̱, ame̱yi enyo̱ le̱ fẽ ame̱te Iudafoi le̱ akpẽhe le̱ ni ame̱yawĩe ame̱tšõame̱ dšogbāṅ, ni Iudafoi le̱ ke̱ Helabii le̱ ateṅ mei babaō hé ye.

Bɔfoi 14:1 ပူးပေါင်းရင်းမြစ်များ

Marko 7:26

Shi yoo lɛ jeŋmajiaŋ yoo ji lɛ, ni he ni ejɛ ji Foinike ni yɔɔ Siria lɛ. Ebakpa Yesu fai ni efã mumɔ fɔŋ lɛ yɛ ebiyoo lɛ mli.

Yohane 12:20

Shi Helabii komɛi yɛ mɛi ni ba koni amɛbaja Nyɔŋmɔ yɛ gbijurɔ lɛ nɔ lɛ ateŋ.

Yohane 7:35

No hewɔ lɛ, Yudafoi lɛ kɛɛkɛɛ amɛhe akɛ, “Nɛgbɛ mɔ nɛ baaya ni wɔnaŋ lɛ? Ani mɛi ni egbɛ eshwã Helabii lɛ ateŋ lɛ aŋɔɔ ebaaya, ni eyatsɔ̃ɔ Helabii lɛ anii?

Bɔfoi 11:21

Ni Nuŋtsɔ lɛ hewalɛ fata amɛhe, ni mɛi babaoo he ye, ni amɛkpale kɛba Nuŋtsɔ lɛ ŋɔɔ.

Bɔfoi 13:43

Ni be ni mɛi ni yɔɔ kpeehe lɛ ekpa lɛ, Yudafoi kɛ mɛi ni sheɔ Nyɔŋmɔ gbeyei ni emɔ Yudafoi lɛ ajamɔ lɛ mli lɛ ateŋ mɛi pii nyiɛ amɛsɛɛ, ni Paulo kɛ Barnaba wie tsɔ̃ɔ amɛ, ni amɛwo amɛ ŋaa akɛ amɛhi Nyɔŋmɔ dromɔ lɛ mli.

Bɔfoi 13:46

Ni Paulo kɛ Barnaba wie kɛ ekãa amɛkɛɛ, “Kulɛ nyɛ tsutsu esa akɛ ajaje Nyɔŋmɔ wiemɔ lɛ atsɔ̃ɔ; shi akɛni nyɛŋwã wiemɔ lɛ ni nyɛbuuu nyɛhe akɛ nyɛsa naanɔ wala lɛ hewɔ lɛ, naa, wɔdɔ wɔyi kɛmiiya jeŋmajiaŋbii lɛ aŋɔɔ.

Bɔfoi 13:5

Ni be ni amɛshɛ Salami lɛ, amɛjaje Nyɔŋmɔ wiemɔ lɛ yɛ Yudafoi lɛ akpeehei lɛ. Amɛkɛ Yohane hu nyiɛ akɛ amɛsɔ̃ɔlɔ.

Bɔfoi 13:51

Shi amɛ lɛ amɛkpokpo amɛnajiashi mlu amɛshwie amɛnɔ, ni amɛyiŋ kɛtee Ikonium.

Bɔfoi 14:19

Shi Yudafoi komɛi jɛ Antiokia kɛ Ikonium ba jɛi bawo asafoi lɛ ayiŋ, ni amɛtswia Paulo tɛi, ni amɛgbala lɛ kɛjɛ maŋ lɛ mli ejaakɛ amɛsusu akɛ egbo.

Bɔfoi 14:2

Shi Yudafoi ni heee wiemɔ lɛ yeee lɛ wo jeŋmajiaŋbii lɛ ayiŋ koni amɛte shi amɛwo nyɛmimɛi lɛ.

Bɔfoi 14:21

Ni be ni amɛjaje Sanekpakpa lɛ amɛtsɔ̃ɔ yɛ Derbe ni amɛfee mɛi pii kaselɔi lɛ, amɛku amɛsɛɛ kɛtee Listra kɛ Ikonium kɛ Antiokia.

Bɔfoi 16:1

Kɛkɛ ni Paulo ba Derbe kɛ Listra. Kaselɔ ko yɛ jɛi ni atsɛɔ lɛ Timoteo; enyɛ lɛ Yudayoo ko ni ehe wiemɔ lɛ eye ni, shi etsɛ lɛ Helanyo ni.

Bɔfoi 16:2

Ni nyɛmimɛi lɛ ni yɔɔ Listra kɛ Ikonium lɛ yeɔ ehe odase kpakpa.

Bɔfoi 17:12

Hewɔ lɛ amɛteŋ mɛi pii he ye, Helayei ni yɔɔ gbɛi kɛ hii hu pii.

Bɔfoi 17:17

No hewɔ lɛ, ekɛ Yudafoi ni yɔɔ kpeehe lɛ kɛ Helafoi Nyɔŋmɔ gbeyeishelɔi lɛ kɛ mɛi ni kɛ lɛ kpeɔ daa gbi yɛ jara lɛ nɔ lɛ yiyii.

Bɔfoi 17:4

Ni amɛteŋ mɛi komɛi he ye, ni amɛkɛ amɛhe kpɛtɛ Paulo kɛ Sila he; nakai nɔŋŋ Helabii Nyɔŋmɔ gbeyeishelɔi lɛ ateŋ mɛi babaoo kɛ yei hiɛnaanɔbii lɛ hu pii fee.

Bɔfoi 18:4

Shi daa Hejɔɔmɔ gbi lɛ, Paulo yawieɔ etsɔ̃ɔ mɛi yɛ kpeehe lɛ, ni ebɔɔ mɔdɛŋ akɛ etsake Yudafoi kɛ Helabii lɛ.

Bɔfoi 18:8

Shi kpeehe lɛ onukpa lɛ ni atsɛɔ lɛ Krispo lɛ kɛ ewe muu lɛ fɛɛ he Nuŋtsɔ lɛ nɔ amɛye, ni Korintobii lɛ ateŋ mɛi pii hu ni nu wiemɔ lɛ, amɛhe amɛye, ni abaptisi amɛ.

Bɔfoi 19:10

Ehiɛ nakai feemɔ aahu afii enyɔ sɔŋŋ, ni mɛi fɛɛ ni yɔɔ Asia lɛ, Yudafoi kɛ Helabii lɛ fɛɛ, nu Nuŋtsɔ Yesu wiemɔ lɛ.

Bɔfoi 19:17

Ni be ni Yudafoi kɛ Helabii fɛɛ ni yɔɔ Efeso lɛ nu enɛ lɛ, gbeyei mɔmɔ amɛ fɛɛ, ni awo Nuŋtsɔ Yesu gbɛi lɛ hiɛ nyam naakpa.

Bɔfoi 19:8

Ni Paulo tee kpeehe lɛ, ni eyawie kɛ ekãa, ni etsɔ̃ɔ amɛ nii kɛ mɔdɛŋbɔɔ nyɔji etɛ̃ sɔŋŋ ni amɛhe Nyɔŋmɔ maŋtsɛyeli lɛ he sane lɛ amɛye.

Bɔfoi 2:47

ni amɛ jieɔ Nyɔŋmɔ yi, ni amɛhiɛ ba nyam yɛ maŋ muu lɛ fɛɛ hiɛ. Ni Nuŋtsɔ lɛ ŋɔɔ mɛi ni ahere amɛyiwala lɛ efataa asafo lɛ he gbi fɛɛ gbi.

Bɔfoi 20:21

ni miye odase mitsɔ̃ɔ Yudafoi kɛ Helabii fɛɛ akɛ amɛkpale kɛba Nyɔŋmɔ ŋɔɔ ni amɛhe wɔNuŋtsɔ Yesu nɔ amɛye.

Bɔfoi 21:28

ni amɛbolɔ akɛ, “Ataamɛi Israelbii, nyɛbafataa wɔhe! Naa nuu lɛ ni wieɔ maŋ nɛɛ kɛ Mla lɛ kɛ biɛ nɛɛ he efɔŋ etsɔ̃ɔ mɛi fɛɛ yɛ he fɛɛ he lɛ; ni esaa ekɛ Helabii eba Sɔlemɔ we lɛ ekɛbabule He Krɔŋkrɔŋ nɛɛ hu.”

Bɔfoi 9:20

Ni amrɔ lɛ nɔŋŋ eshiɛ yɛ kpeehei lɛ akɛ Yesu ji Nyɔŋmɔ Bi lɛ.

Romabii 1:16

Ejaakɛ mihiɛ gbooo Kristo Sanekpakpa lɛ he, ejaakɛ eji Nyɔŋmɔ hewalɛ ni akɛhereɔ mɔ fɛɛ mɔ ni heɔ yeɔ lɛ yiwala, Yudanyo lɛ tsutsu kɛ Helanyo hu.

Romabii 10:12

Ejaakɛ srɔto ko bɛ Yudanyo kɛ Helanyo teŋ; ejaakɛ Nuŋtsɔ kome amɛ fɛɛ amɛyɔɔ, ni niiatsɛ hu ji lɛ ha mɛi fɛɛ ni boɔ tsɛɔ lɛ lɛ.

Galatabii 2:3

Shi Tito tete ni kɛ mi yɔɔ ni eji Helanyo lɛ, anyɛɛɛ enɔ akɛ efo ketia.

Galatabii 3:28

Yudanyo bɛ lɛ, Helanyo hu bɛ dɔŋŋ; nyɔŋ bɛ lɛ, odehe hu bɛ dɔŋŋ; nuu bɛ lɛ, yoo hu bɛ dɔŋŋ: ejaakɛ nyɛ fɛɛ lɛ mɔ kome ji nyɛ yɛ Kristo Yesu mli.

Kolosebii 3:11

Enɛ mli lɛ Helanyo kɛ Yudanyo, ketiafolɔ kɛ foolɔ, gbɔ, Sikitianyo, nyɔŋ kɛ odehe ko bɛ dɔŋŋ, shi moŋ Kristo ji nii fiaa yɛ mɛi fɛɛ mli.

2 Timoteo 3:11

miyiwai, mimanehului ni mina yɛ Antiokia kɛ Ikonium kɛ Listra lɛ, nɔ yiwai srɔtoi abɔ ni mina ni Nuŋtsɔ lɛ jie mi kɛjɛ fɛɛ mli lɛ.