Bɔfoi 13:6 - ŊMALƐ KRƆŊKRƆŊ LƐ

⁶ Ni be ni amɛfo mli kɛtsɔ̃ ŋshɔkpɔ muu lɛ fɛɛ nɔ kɛtee Pafo lɛ, amɛna Yudanyo ŋkunyaayelɔ ko ni ji amale gbalɔ ni atsɛɔ lɛ Bar-Yesu lɛ;

Ṅmãle̱ Kroṅkroṅ Le̱

⁶ Ni beni ame̱fo mli ye̱ ṅšo̱kpo̱ mū le̱ fẽ no̱ ke̱-baše̱ Pafo le̱, ame̱na Iudanyo ṅkũnyāyelo̱ ke̱ amalegbalo̱ ko ní atšé̱o̱le̱ Baryesu le̱,

Bɔfoi 13:6 ပူးပေါင်းရင်းမြစ်များ

1 Maŋtsɛmɛi 22:22

Ni Yehowa bi lɛ akɛ, “Yɛ mɛɛ gbɛ nɔ?” Mumɔ lɛ to he ekɛɛ, “Maya, ni mibatsɔ̃ amale mumɔ yɛ gbalɔi lɛ fɛɛ anaa.” Kɛkɛ ni Yehowa kɛɛ akɛ, “Yaa koni oyalaka lɛ; onine baashɛ enɔ.”

1 Kronika 10:13

Anɔkwa ni Saul eyayeee lɛ hewɔ ni egbo lɛ. Saul eyayeee Yehowa anɔkwa ejaakɛ eyayeee Yehowa kitãi lɛ anɔ ejaakɛ etee eyafee nii yɛ sisatsɛlɔ ŋɔɔ ekɛbi nii,

2 Mose 22:18

“Akaŋmɛ yoo ŋkunyaayelɔ gbɛ ni ehi jeŋ.

3 Mose 20:6

“Kɛji mɔ ko yabi nii yɛ mɛi ni tsɛɔ sisai aŋɔɔ lɛ, mate shi mawo lɛ, ni mibuŋ lɛ mishiŋ miwebii lɛ anɔ dɔŋŋ.

Zakaria 13:3

Ni kɛji mɔ ko aaaba ekoŋŋ akɛ gbalɔ ji lɛ lɛ, etsɛ kɛ enyɛ ni fɔ lɛ tete aaakɛɛ lɛ akɛ, ‘Gbalɔ amalelɔ ji bo, ni osa gbele, ejaakɛ oomale yɛ Yehowa gbɛi mli.’ Ni kɛji ekã he eegba lolo lɛ etsɛ kɛ enyɛ ni fɔ lɛ lɛ baatsu lɛ nɔ̃, koni amɛgbe lɛ.

Mateo 16:17

Ni Yesu here nɔ ekɛɛ lɛ akɛ, “Ajɔɔ bo, Simon, Yona bi; ejaakɛ jeee heloo kɛ lá jie enɛ tsɔ̃ɔ bo, shi moŋ miTsɛ ni yɔɔ ŋwɛi lɛ.

Mateo 24:24

Ejaakɛ amale kristoi kɛ amale gbalɔi aaate shi ni amɛaafee okadii wuji kɛ ashwãi amɛtsɔ̃ɔ, bɔ ni kɛ aaaho lɛ amɛaalaka halamɔbii lɛ tete.

Mateo 7:15

“Shi nyɛhiɛ ahia nyɛhe nɔ yɛ amale gbalɔi lɛ ahe; amɛkɛ too wolo haa amɛhe kɛbaa nyɛŋɔɔ, shi amɛmligbɛ lɛ klãji fulɔi ji amɛ.

Marko 10:46

Ni amɛshɛ Yeriko. Ni be ni ekɛ ekaselɔi lɛ kɛ asafo yuu jɛ jɛi amɛyaa lɛ, Timeo bi Bartimeo, shwilafo nibalɔ lɛ, ta gbɛjegbɛ lɛ toi eebala nii.

Bɔfoi 13:13

Shi be ni Paulo kɛ emɛi lɛ fã kɛjɛ Pafo lɛ, amɛkɛ lɛlɛ ba Perga yɛ Pamfilia; ni Yohane shi amɛ, ni eku esɛɛ kɛtee Yerusalɛm ekoŋŋ.

Bɔfoi 13:8

Shi Elima ŋkunyaayelɔ lɛ (egbɛi lɛ shishi yɛ Hela wiemɔ mli ji no) ku amɛnaa, ejaakɛ eetao ni ekpale amralo lɛ kɛjɛ hemɔkɛyeli lɛ he.

2 Korintobii 11:13

Ejaakɛ nɛkɛ mɛi nɛɛ ji amale bɔfoi, nitsulɔi shishiulɔi ni tsakeɔ amɛhe amɛfeɔ Kristo bɔfoi.

2 Timoteo 3:8

Shi tamɔ bɔ ni Yane kɛ Yambre ku Mose naa lɛ, nakai nɔŋŋ nɛkɛ mɛi nɛɛ kuɔ anɔkwale lɛ naa; gbɔmɛi ni yitseiaŋ efite, mɛi ni jeee mɛi komɛi yɛ hemɔkɛyeli lɛ gbɛfaŋ.

1 Yohane 4:1

Suɔmɔmɛi, nyɛkahea mumɔ fɛɛ mumɔ nyɛyea; shi moŋ nyɛkaa mumɔi lɛ nyɛkwɛa akɛ Nyɔŋmɔ mli amɛjɛ lo, ejaakɛ amalegbalɔi pii eba je lɛ mli.

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.