Bɔfoi 13:32 - ŊMALƐ KRƆŊKRƆŊ LƐ

³² Ni wɔ lɛ, shi ni ewo wɔtsɛmɛi lɛ he Sanekpakpa lɛ wɔjajeɔ wɔtsɔ̃ɔ nyɛ nɛɛ,

Ṅmãle̱ Kroṅkroṅ Le̱

³² Ni wo̱ le̱, ši ni ewo wo̱tše̱mei le̱ he sanekpakpa le̱ wo̱dšadšeo wotšõo̱nye ne̱, K. 23.

Bɔfoi 13:32 ပူးပေါင်းရင်းမြစ်များ

1 Mose 12:3

Majɔɔ mɛi ni jɔɔ bo, ni mɔ ni lomɔɔ bo lɛ, malomɔ lɛ; kɛtsɔ̃ onɔ lɛ aaajɔɔ shikpɔŋ lɛ nɔ wekui fɛɛ.”

1 Mose 22:18

Ni oshwiei lɛ amli aaajɛ ajɔɔ shikpɔŋ lɛ nɔ maji fɛɛ, ejaakɛ obo mi toi.’ ”

1 Mose 26:4

ni maye kitã ni mikã otsɛ Abraham lɛ nɔ. Mibahã oshwiei afa tamɔ bɔ ni mikã otsɛ Abraham kitã lɛ. Mibahã oshwiei afa tamɔ ŋwɛi ŋulamii, ni mibaŋɔ nɛkɛ shikpɔji nɛɛ fɛɛ mahã oshwiei lɛ. Oshwiei lɛ mli aaajɛ ajɔɔ shikpɔŋ lɛ nɔ jeŋ maji lɛ fɛɛ,

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

Yesaia 11:1

Tso fɔ aaakwɛ̃ kɛaajɛ Ishai tso kuku lɛ mli, ni tso nine ko aaahere kɛaajɛ eshishi fã lɛ mli awo yibii.

Yesaia 40:9

Ao Zion, miishɛɛ saneshiɛlɔ, kwɔɔ kɛya gɔŋ ni kwɔ ko nɔ. Yerusalɛm, miishɛɛ saneshiɛlɔ, wo ogbee nɔ kɛ hewalɛ, wo nɔ, kaashe gbeyei! Kɛɛmɔ Yuda maji lɛ akɛ “Naa, nyɛNyɔŋmɔ lɛ miiba!”

Yesaia 41:27

Mi tsuutsu mikɛɛ Zion akɛ, “Mitsu bɔfo kɛ sane kɛ ŋɔɔmɔ kɛtee Yerusalɛm akɛ ebii miiba.

Yesaia 52:7

Kwɛ bɔ ni sanekpakpashiɛlɔ ni shiɛɔ hejɔlɛ, sanekpakpashiɛlɔ ni shiɛɔ yiwalaheremɔ lɛ naji yɔɔ fɛo yɛ gɔji lɛ anɔ, mɔ ni kɛɔ Zion akɛ, “Naa, oNyɔŋmɔ lɛ ni yeɔ maŋtsɛ agbɛnɛ.”

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Yesaia 7:14

No hewɔ lɛ, Nuŋtsɔ lɛ diɛŋtsɛ baatsɔ̃ɔ nyɛ okadi. Naa, Oblayoo foro ko baana musu, ni ebaafɔ binuu, ni eeewo lɛ gbɛi Imanuel

Yeremia 23:5

“Mi, Yehowa, miikɛɛ akɛ, naa be ko miiba ni matee maŋtsɛ jalɛ saneyelɔ ko shi ni jɛ David mli. Ebaaye maŋtsɛ yɛ nilee naa, ni ebaakojo jalɛ naa ni ebaaye jalɛ sane yɛ shikpɔŋ lɛ fɛɛ nɔ.

Ezekiel 34:23

Mibato tookwɛlɔ kome maha amɛ, ni ji mitsulɔ David, ni lɛ eeelɛ amɛ; ebaalɛ amɛ ni eeetsɔ̃ amɛkwɛlɔ.”

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

Hagai 2:7

Mibahoso je lɛ mli majimaji lɛ, ni abaaloo amɛmli jwetrii lɛ kɛaaba biɛ mikɛbawo Sɔlemɔ we lɛ mli, ni eeeyi obɔ̃ tɔ kɛ anunyam sɔŋŋ.

Zakaria 13:1

“Nakai gbi lɛ nɔ lɛ abaagbele nu hiŋmɛi naa ahã David we lɛ kɛ mɛi ni yɔɔ Yerusalɛm lɛ, koni akɛfɔ amɛhe eshai kɛ amɛhe muji ashwie.”

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Zakaria 6:12

No sɛɛ lɛ, okɛɛ lɛ akɛ bɔ ni Yehowa, Taiatsɛ lɛ kɛɛ nɛ, ‘Naa, nuu lɛ ni egbɛi ji Tsonine lɛ, ebaada yɛ enajiaŋ, ni lɛ ebaama Yehowa Sɔlemɔ we lɛ.

Zakaria 9:9

Omli afili bo, bo Zion biyoo; Bɔɔ oshe waa, bo Yerusalɛm biyoo! Naa, omaŋtsɛ lɛ miiba oŋɔɔ; Eeba kɛ agbojee kɛ kunimyeli. Eta teji oblanyo ni ji teji yoo bi ko nɔ.

Maleaki 3:1

Yehowa, Taiatsɛ lɛ, kɛɛ akɛ, “Naa, miitsu mibɔfo lɛ kɛtsɔ̃ mihiɛ koni ebasaa gbɛ lɛ eto mi. Kɛkɛ lɛ Nuŋtsɔ ni nyɛtaoɔ lɛ lɛ baaba Sɔlemɔ we lɛ trukaa. Kpãŋmɔ Bɔfo lɛ ni nyɛshwe lɛ aahu lɛ aaashɛ shi.”

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Luka 1:19

Ni bɔfo lɛ to he ekɛɛ, “Mi ji Gabriel ni damɔɔ Nyɔŋmɔ hiɛ lɛ, ni atsu mi akɛ mikɛ bo abawie ni migba bo sane kpakpa nɛɛ.

Luka 2:10

Ni bɔfo lɛ kɛɛ amɛ akɛ, “Nyɛkashea gbeyei; ejaakɛ naa, mibagba nyɛ miishɛɛ sane kpeteŋkple ni ji maŋ fɛɛ nɔ;

Bɔfoi 10:36

Nyɔŋmɔ tsu akɛ wiemɔ lɛ yahã Israelbii ni etsɔ̃ Yesu Kristo nɔ ejaje hejɔlɛ Sanekpakpa etsɔ̃ɔ amɛ. Yesu nɛɛ ji mɛi fɛɛ aNuŋtsɔ.

Bɔfoi 13:23

Mɔ nɛ shwie mli Nyɔŋmɔ jie Yesu kɛjɛ yɛ shiwoo lɛ naa ehã Israel akɛ yiwalaherelɔ.

Bɔfoi 13:38

No hewɔ lɛ, anyɛmimɛi hii, nyɛnaa nyɛlea akɛ mɔ nɛ nɔŋŋ nɔ atsɔ̃ɔ ajajeɔ eshaifaa atsɔɔ nyɛ lɛ; ni nibii fɛɛ ni anyɛŋ abu nyɛ bem yɛ he yɛ Mose Mla lɛ naa lɛ,

Bɔfoi 14:15

“Ataamɛi, mɛni nyɛfeɔ nɛɛ? Wɔ hu gbɔmɛi adesai ji wɔ tamɔ nyɛ nɔŋŋ, ni wɔmiijaje Sanekpakpa wɔmiitsɔ̃ɔ nyɛ, koni nyɛku nyɛsɛɛ kɛjɛ nɛkɛ yakayakanii nɛɛ ahe kɛba Nyɔŋmɔ hiɛkãalɔ lɛ ŋɔɔ, mɔ ni fee ŋwɛi kɛ shikpɔŋ kɛ ŋshɔ kɛ nii fɛɛ ni yɔɔ amɛmli lɛ.

Bɔfoi 26:6

Ni agbɛnɛ lɛ, shi ni Nyɔŋmɔ ewo wɔtsɛmɛi lɛ hiɛnɔkãmɔ lɛ hewɔ midãmɔ biɛ ni akojoɔ mi nɛɛ.

Bɔfoi 3:19

No hewɔ lɛ, nyɛtsakea nyɛtsui ni nyɛkua nyɛsɛɛ, koni agbe nyɛhe eshai lɛ,

Bɔfoi 5:42

Ni gbi fɛɛ gbi lɛ amɛfɔ̃ɔɔ nitsɔɔmɔ kɛ Yesu Kristo shiɛmɔ yɛ Sɔlemɔ we lɛ kɛ shĩai.

Romabii 1:2

Sanekpakpa nɛɛ Nyɔŋmɔ ewo he shi eto momo yɛ egbalɔi lɛ anaa yɛ Ŋmalɛi Krɔŋkrɔŋi lɛ amli,

Romabii 10:15

Ni te aaafee tɛŋŋ ni amɛaashiɛ, kɛ atsuko amɛ lɛ? Tamɔ bɔ ni aŋma akɛ, “Kwɛ bɔ ni Sanekpakpashiɛlɔi ni shiɛɔ nikpakpai lɛ anaji yɔɔ fɛo ha!”

Romabii 4:13

Ejaakɛ jeee Mla nɔ ni Abraham ye hewɔ ni Nyɔŋmɔ wo lɛ loo eshwiei ashi akɛ je lɛ aaatsɔ̃ enɔ lɛ, shi moŋ akɛni ehe eye ni Nyɔŋmɔ bu lɛ akɛ jalɔ lɛ hewɔŋ.

Romabii 9:4

Amɛ ji Israelbii lɛ; ni amɛnɔ ji bitsɔ̃mɔ lɛ kɛ anunyam lɛ kɛ kpãŋmɔi lɛ kɛ mlahãmɔ lɛ kɛ jamɔ lɛ kɛ shiwoi lɛ,

5 Mose 18:15

“Yehowa, nyɛNyɔŋmɔ lɛ, baatee gbalɔ ko ni tamɔ mi shi yɛ nyɛ nyɛteŋ, ni lɛ toi esa akɛ nyɛbo.