Bɔfoi 13:26 - ŊMALƐ KRƆŊKRƆŊ LƐ

²⁶ “Ataamɛi kɛ anyɛmimɛi, Abraham shwiei kɛ Nyɔŋmɔ gbeyeishelɔi ni yɔɔ nyɛteŋ, wɔ atsu akɛ nɛkɛ yiwalaheremɔ sane nɛɛ bahã.”

Ṅmãle̱ Kroṅkroṅ Le̱

²⁶ Atāmei ke̱ anyemimei, Abraham sešibii ke̱ nyeteṅ mei ní šeo̱ Nyoṅmo̱ gbeyei, nye ake̱ ne̱ke̱ yiwalaheremo̱ sane ne̱ bahã. K. 46.

Bɔfoi 13:26 ပူးပေါင်းရင်းမြစ်များ

2 Kronika 20:7

WɔNyɔŋmɔ, oshwie shikpɔŋ nɛɛ nɔ bii lɛ yɛ omaŋ ni ji Israel hiɛ, ni okɛ shikpɔŋ lɛ hã oshieŋtsɛ Abraham shwiei lɛ akɛ amɛgboshinii kɛmiiya naanɔ.

Yesaia 41:8

Shi bo Israel, mitsulɔ Yakob, mishieŋtsɛ Abraham shwie, ni miŋɔ bo;

Yesaia 46:13

Miha miyiwalaheremɔ ebɛŋkɛ; ebɛ shɔŋŋ. Midɛŋ yiwalaheremɔ lɛ etsɛŋ. Mibahere Yerusalɛm, ni mahã Israel hiɛ aba nyam.”

Yesaia 48:1

Nyɛ Israelbii, nyɛ mɛi ni akɛ Israel gbɛi ewo nyɛ, ni nyɛjɛ Yuda mli, nyɛboa enɛ toi! Nyɛkɛ Yehowa gbɛi lɛ kãa kitã, ni nyɛkɛɔ akɛ Israel Nyɔŋmɔ lɛ, lɛ ji Nyɔŋmɔ, shi anɔkwale kome nɛkɛ bɛ mli.

Mateo 10:6

shi moŋ nyɛyaa Israel we toi ni elaaje lɛ aŋɔɔ.

Mateo 3:9

Ni nyɛkasusua ni nyɛkɛɛ yɛ nyɛmli akɛ, ‘Wɔ lɛ wɔtsɛ ji Abraham;’ shi miikɛɛ nyɛ akɛ, Nyɔŋmɔ aaanyɛ etee bii ashi kɛjɛ tɛi nɛɛ amli ehã Abraham.

Luka 1:69

Ni etee walaheremɔ aklonto shi ehã wɔ yɛ etsulɔ David we lɛ.

Luka 1:77

koni okɛ walaheremɔ he nilee ahã omaŋ lɛ yɛ amɛhe eshaifaa

Luka 24:47

ni ashiɛ tsuitsakemɔ kɛ eshaifaa yɛ egbɛi lɛ mli atsɔ̃ɔ maji fɛɛ, ni abɔ̃i kɛjɛ Yerusalɛm.

Yohane 6:68

Simon Petro here lɛ nɔ akɛ, “Nuŋtsɔ, namɔ ŋɔɔ wɔɔtee? Bo oyɔɔ naanɔ wala wiemɔi lɛ;

Bɔfoi 10:2

Nyɔŋmɔ jalɔ ni, ni ekɛ ewe lɛ fɛɛ sheɔ Nyɔŋmɔ gbeyei, ni efeɔ maŋbii lɛ ejurɔ pii, ni ekpaa Nyɔŋmɔ fai daa.

Bɔfoi 10:35

Shi moŋ maŋ fɛɛ maŋ mli lɛ, mɔ ni sheɔ lɛ gbeyei ni etsuɔ jalɛnii lɛ, lɛ ji mɔ ni saa ehiɛ.

Bɔfoi 13:43

Ni be ni mɛi ni yɔɔ kpeehe lɛ ekpa lɛ, Yudafoi kɛ mɛi ni sheɔ Nyɔŋmɔ gbeyei ni emɔ Yudafoi lɛ ajamɔ lɛ mli lɛ ateŋ mɛi pii nyiɛ amɛsɛɛ, ni Paulo kɛ Barnaba wie tsɔ̃ɔ amɛ, ni amɛwo amɛ ŋaa akɛ amɛhi Nyɔŋmɔ dromɔ lɛ mli.

Bɔfoi 13:46

Ni Paulo kɛ Barnaba wie kɛ ekãa amɛkɛɛ, “Kulɛ nyɛ tsutsu esa akɛ ajaje Nyɔŋmɔ wiemɔ lɛ atsɔ̃ɔ; shi akɛni nyɛŋwã wiemɔ lɛ ni nyɛbuuu nyɛhe akɛ nyɛsa naanɔ wala lɛ hewɔ lɛ, naa, wɔdɔ wɔyi kɛmiiya jeŋmajiaŋbii lɛ aŋɔɔ.

Bɔfoi 16:17

Enyiɛ wɔ kɛ Paulo sɛɛ ni ebolɔɔ akɛ, “Nɛkɛ gbɔmɛi nɛɛ, Nyɔŋmɔ ni yɔɔ ŋwɛi shɔŋŋ lɛ tsuji ji amɛ, ni amɛmiijaje yiwalaheremɔ gbɛ lɛ amɛmiitsɔ̃ɔ nyɛ.”

Bɔfoi 22:5

bɔ ni osɔfonukpa lɛ tete kɛ onukpai lɛ fɛɛ aaanyɛ aye mi odase. Amɛdɛŋ miŋɔ woji kɛjɛ ni kulɛ mikɛyaahã nyɛmimɛi ni yɔɔ Damasko lɛ, ni miyafimɔ mɛi ni yɔɔ jɛi lɛ hu kɛba Yerusalɛm koni agbala amɛ toi.

Bɔfoi 28:28

“No hewɔ lɛ, nyɛnaa nyɛlea akɛ, atsu akɛ Nyɔŋmɔ yiwalaheremɔ lɛ eyahã jeŋmaji lɛ, ni amɛ lɛ amɛaabo toi hu.” [

Bɔfoi 3:26

Ni Nyɔŋmɔ tee etsulɔ Yesu lɛ shi lɛ, nyɛ tsutsu nyɛŋɔɔ etsu lɛ ni ebajɔɔ nyɛ ni ekpale nyɛteŋ mɔ fɛɛ mɔ kɛjɛ enifɔɔji anii lɛ ahe.”

Bɔfoi 4:12

Ejaakɛ yiwalaheremɔ bɛ mɔ kroko mli; ni asaŋ gbɛi kroko hu bɛ ŋwɛi shishi ni akɛhã gbɔmɛi ni sa akɛ atsɔ̃ nɔ ahere wɔyiwala.”

Bɔfoi 5:20

“Nyɛyaa nyɛyadamɔa Sɔlemɔ we lɛ nyɛjajea nɛkɛ wala nɛɛ wiemɔi lɛ fɛɛ nyɛtsɔ̃a maŋ lɛ!”

Romabii 1:16

Ejaakɛ mihiɛ gbooo Kristo Sanekpakpa lɛ he, ejaakɛ eji Nyɔŋmɔ hewalɛ ni akɛhereɔ mɔ fɛɛ mɔ ni heɔ yeɔ lɛ yiwala, Yudanyo lɛ tsutsu kɛ Helanyo hu.

Efesobii 1:13

Lɛ emli akɛ Mumɔ Krɔŋkrɔŋ ni awo he shi lɛ sɔo nyɛ hu nyɛnaa yɛ be ni nyɛnu anɔkwale lɛ wiemɔ lɛ ni ji yiwalaheremɔ Sanekpakpa lɛ ni nyɛhe nyɛye lɛ.

Kolosebii 1:5

yɛ hiɛnɔkãmɔ ni akɛto ahã nyɛ yɛ ŋwɛi lɛ hewɔ lɛ. Nyɛnu enɛ momo yɛ Sanekpakpa lɛ anɔkwale wiemɔ lɛ mli.