Bɔfoi 13:2 - ŊMALƐ KRƆŊKRƆŊ LƐ

² Shi be ni amɛjaa Nuŋtsɔ lɛ ni amɛhiɔ ŋmaa lɛ, Mumɔ Krɔŋkrɔŋ lɛ kɛɛ, “Nyɛjiea Barnaba kɛ Saul nyɛhãa mi kɛhã nitsumɔ ni mitsɛ amɛ yɛ hewɔ lɛ.”

Ṅmãle̱ Kroṅkroṅ Le̱

² Ši beni ame̱dšáa Nuṅtšo̱ le̱ ní ame̱hīo̱ ṅmā̃ le̱, Mumo̱ kroṅkroṅ le̱ kē̱: Nyefãa Barnaba ke̱ Saulo nyehãami ke̱-ya nitšumo̱ ní *mitšé̱ame̱ ye̱ hewo̱ le̱. *9,15.

Bɔfoi 13:2 ပူးပေါင်းရင်းမြစ်များ

1 Kronika 16:4

David famɔ Levibii lɛ ateŋ mɛi komɛi koni amɛla kɛsɔmɔ yɛ Yehowa Kpãŋmɔ Adeka lɛ hiɛ kɛjie Yehowa, Israel Nyɔŋmɔ lɛ, yi koni amɛda lɛ shi ni amɛkɛkafo lɛ.

Daniel 9:3

Mihi ŋmãa, ni mibu kpekpe, ni mita lamlu mli kɛmiitao Nuŋtsɔ Nyɔŋmɔ lɛ hiɛgbɛ yɛ sɔlemɔ kɛ faikpamɔ mli.

Mateo 17:21

Shi nɛkɛ henɔ nɛɛ, anyɛɛɛ lɛ afã akɛ ja sɔlemɔ kɛ ŋmaahilɛ naa kɛkɛ.]”

Mateo 6:16

“Shi kɛji nyɛmiihi ŋmaa lɛ nyɛkafea nyɛhiɛ mɔbɔmɔbɔ tamɔ osatofoi lɛ; shi amɛfeɔ amɛhiɛ nyanyaanya, koni mɛi ana akɛ amɛmiihi ŋmaa. Miikɛɛ nyɛ anɔkwale mli akɛ amɛnine eshɛ amɛnyɔmɔwoo nɔ momo.

Mateo 9:38

No hewɔ lɛ, nyɛkpaa nikpamɔ nuŋtsɔ lɛ fai, koni ewo nitsulɔi agbɛ kɛba enikpamɔ lɛ mli!”

Luka 10:1

Enɛ sɛɛ lɛ, Nuŋtsɔ lɛ famɔ mɛi krokomɛi nyɔŋmai kpawo hu, ni etsu amɛ enyɔnyɔɔnyɔ kɛtsɔ̃ ehiɛ kɛtee maŋ fɛɛ maŋ nɔ kɛ he fɛɛ he ni lɛ diɛŋtsɛ ebaaya lɛ.

Luka 2:37

ni agbɛnɛ okulafo ji lɛ, ni eye afii nyɔŋmai kpaanyɔ kɛ ejwɛ ni ejeee Sɔlemɔ we lɛ kwraa, ejaa Nyɔŋmɔ kɛ ŋmaahilɛ kɛ faikpamɔ nyɔɔŋ kɛ shwane.

Bɔfoi 10:19

Shi be ni Petro jwɛŋɔ ninaa lɛ he lɛ, Mumɔ lɛ kɛɛ lɛ akɛ, “Naa, hii etɛ̃ komɛi miitao bo;

Bɔfoi 10:30

Ni Kornelio kɛɛ akɛ, “Ŋmɛnɛ ji gbii ejwɛ aaafee ŋmɛji etɛ̃ mli nɛkɛ pɛ, miisɔle yɛ mishĩa nɛɛ; ni naa, nuu ko ni wo atade kaŋkaŋ badamɔ mihiɛ,

Bɔfoi 13:3

Kɛkɛ ni amɛhi ŋmaa ni amɛsɔle, ni amɛkɛ amɛniji ŋmɛ̃lɛ amɛnɔ ni amɛwo amɛ gbɛ.

Bɔfoi 13:4

Akɛni Mumɔ Krɔŋkrɔŋ lɛ etsu Saul kɛ Barnaba akɛ amɛya lɛ, amɛyiŋ amɛtee Seleukia, ni amɛkɛ lɛlɛ jɛ jɛi kɛtee Kipro.

Bɔfoi 14:26

Ni amɛbote lɛlɛ mli yɛ jɛi, ni amɛfã kɛba Antiokia, he ni atu amɛ awo Nyɔŋmɔ dromɔ lɛ dɛŋ kɛhã nitsumɔ ni amɛtsu amɛgbe naa nɛɛ yɛ lɛ.

Bɔfoi 20:28

No hewɔ lɛ, nyɛlea nyɛhenɔkwɛmɔ kɛ toiku lɛ fɛɛ ni Mumɔ Krɔŋkrɔŋ lɛ ewo nyɛ amɛnɔkwɛlɔi lɛ, koni nyɛlɛ Nyɔŋmɔ asafo lɛ ni ekɛ lɛ diɛŋtsɛ elá he lɛ.

Bɔfoi 22:21

Ni ekɛɛ mi akɛ, ‘Yaa, ejaakɛ mibatsu bo jeŋmaji lɛ ni yɔɔ shɔŋŋ lɛ aŋɔɔ.’ ”

Bɔfoi 4:36

Ni Yose, mɔ ni bɔfoi lɛ wo lɛ Barnaba (eshishi ji: Miishɛjemɔ bi) lɛ, ni ji Levinyo ni esɛɛ jɛ Kipro lɛ,

Bɔfoi 6:4

shi wɔ lɛ wɔɔhiɛ sɔlemɔ kɛ wiemɔ lɛ he sɔ̃ɔmɔ lɛ mli.”

Bɔfoi 8:29

Mumɔ lɛ kɛɛ Filipo akɛ, “Yaa ni okɛ ohe ayakpɛtɛ shwiili lɛ he.”

Bɔfoi 9:15

Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ.

Romabii 1:1

Wolo nɛɛ jɛ mi Paulo, Yesu Kristo tsulɔ kɛ bɔfo ni atsɛ lɛ ni ajie lɛ ato ahã Nyɔŋmɔ Sanekpakpa lɛ, dɛŋ.

Romabii 10:15

Ni te aaafee tɛŋŋ ni amɛaashiɛ, kɛ atsuko amɛ lɛ? Tamɔ bɔ ni aŋma akɛ, “Kwɛ bɔ ni Sanekpakpashiɛlɔi ni shiɛɔ nikpakpai lɛ anaji yɔɔ fɛo ha!”

Romabii 15:16

koni mitsɔ̃ Yesu Kristo sɔ̃ɔlɔ mihã jeŋmaji lɛ, ni mitsu Nyɔŋmɔ Sanekpakpa lɛ he nii akɛ osɔfo, ni jeŋmaji lɛ atsɔ̃mɔ afɔle ni sa ehiɛ jogbaŋŋ ni atsuu he yɛ Mumɔ Krɔŋkrɔŋ mli.

1 Korintobii 12:11

Shi nɛkɛ nibii nɛɛ fɛɛ lɛ Mumɔ kome lɛ nɔŋŋ tsuɔ, ni ejaa ehãa bɔ ni esumɔɔ, mɔ fɛɛ mɔ kɛ enɔ.

1 Korintobii 7:5

Nyɛkɛ nyɛhe akakãmaa nyɛhe, akɛ ja nyɛyi enyɔ lɛ fɛɛ nyɛkpãa gbee akɛ nyɛaafee nakai kɛyashi be ko koni nyɛna dekã nyɛsɔle; ni nyɛfee ekome ekoŋŋ, koni Satan akatsɔ̃ nyɛnaa yɛ nyɛhe nɔ ni nyɛnyɛɛɛ nyɛye hewɔ.

2 Korintobii 11:27

Mitsu nii kɛ tɔlɛ, yɛ kpeshii amli kpitiokpitio, yɛ hɔ̃mɔ kɛ kumai mli, yɛ ŋmaahilɛi amli kpitiokpitio, yɛ fɛ̃i kɛ yayainyiɛmɔ mli.

2 Korintobii 6:5

Ayiɔ wɔ ni awoɔ wɔ tsuŋ kpitiokpitio. Afeɔ wɔ soisoi. Wɔtsuɔ nii kɛ kpeshii kɛ deŋmegbomɔ pii. Wɔhiɔ ŋmãa,

Galatabii 1:15

Shi be ni esa Nyɔŋmɔ ni jie mi eto kɛjɛ minyɛ musuŋ beebe ni ekɛ edromɔ lɛ tsɛ mi kɛba lɛ hiɛ,

Efesobii 3:7

No he sɔ̃ɔlɔ ji mi yɛ Nyɔŋmɔ dromɔ nikee nii ni atsɔ̃ ehewalɛ nitsumɔ nɔ akɛhã mi lɛ naa,

5 Mose 10:8

Be ni ayɔɔ gɔŋ lɛ he lɛ, Yehowa ŋɔ Levi akutso lɛ akɛ amɛ amɛtere Kpãŋmɔ Adeka lɛ. Asaŋ amɛ amɛdamɔ ehiɛ amɛsɔmɔ lɛ, ni amɛ pɛ amɛkɛ egbɛi ajɔɔ mɛi. Nitsumɔi nɛɛ amli amɛhiɛ kɛbashi ŋmɛnɛ gbi nɛɛ.

Kolosebii 4:17

Ni nyɛkɛa Arkipo akɛ, “Kwɛmɔ ni ogbe sɔ̃ɔmɔ ni atu awo odɛ̃ŋ yɛ Nuŋtsɔ lɛ mli lɛ naa kwraa!”

1 Timoteo 2:7

ni no hewɔ awo mi shiɛlɔ kɛ bɔfo (anɔkwale miwieɔ yɛ Kristo mli, mimaleee), jeŋmaji atsɔ̃ɔlɔ yɛ hemɔkɛyeli kɛ anɔkwale mli lɛ.

2 Timoteo 1:11

Enɛ he awo mi shiɛlɔ kɛ bɔfo kɛ tsɔɔlɔ yɛ lɛ.

2 Timoteo 2:2

Ni nii ni onu yɛ minaa yɛ odasefoi pii ahiɛ lɛ, tuu owo gbɔmɛi anɔkwafoi adɛŋ, mɛi ni aaanyɛ atsɔ̃ɔ mɛi krokomɛi hu lɛ.

2 Timoteo 4:11

Luka pɛ kɛ mi yɔɔ. Ŋɔɔ Marko ni okɛ lɛ aba, ejaakɛ ehe yɛ sɛɛnamɔ hã mi yɛ sɔ̃ɔmɔ lɛ mli.

2 Timoteo 4:5

Shi bo lɛ, ohiɛ akã shi yɛ nii fɛɛ mli, miamɔ ohiɛ yɛ amanehului amli, tsu Sanekpakpashiɛlɔ nitsumɔ lɛ, gbee osɔ̃ɔmɔ lɛ naa kwraa!

Hebribii 5:4

Ni mɔ ko eŋɔɔɔ nyam nɛɛ ehãaa lɛ diɛŋtsɛ ehe, akɛ ja Nyɔŋmɔ etsɛ lɛ, tamɔ etsɛ Aaron hu lɛ.

1 Samuel 2:11

Kɛkɛ ni Elkana ku esɛɛ etee ewe lɛ yɛ Rama, ni eshi gbekɛnuu fioo, Samuel, lɛ koni esɔmɔ Yehowa yɛ Osɔfo Eli shishi.