Bɔfoi 13:14 - ŊMALƐ KRƆŊKRƆŊ LƐ

¹⁴ Shi amɛ lɛ amɛfo mli kɛjɛ Perga kɛtee Antiokia ni yɔɔ Pisidia lɛ, ni amɛtee kpeehe lɛ yɛ hejɔɔmɔ gbi lɛ nɔ, ni amɛyatara shi.

Ṅmãle̱ Kroṅkroṅ Le̱

¹⁴ Ši ame̱ le̱ ame̱dše̱ Perge ni ame̱fo mli ke̱-ba Antiokia ye̱ Pisidia; ni ame̱te kpēhe le̱ ye̱ hedšō̱mo̱gbĩ le̱ no̱, ni ame̱yatrá ši.

Bɔfoi 13:14 ပူးပေါင်းရင်းမြစ်များ

Luka 4:16

Ni Yesu ba Nazaret, he ni alɛ lɛ yɛ lɛ, ni tamɔ bɔ ni efɔɔ feemɔ lɛ, etee kpeehe lɛ yɛ hejɔɔmɔ gbi lɛ nɔ, ni ete shi koni ekane Ŋmalɛ Krɔŋkrɔŋ lɛ.

Bɔfoi 13:42

Shi be ni amɛje kpeehe lɛ, mɛi lɛ kpa amɛ fai akɛ amɛbajaje nɛkɛ wiemɔi nɛɛ amɛtsɔ̃ɔ amɛ ekoŋŋ yɛ hejɔɔmɔ gbi ni nyiɛ no sɛɛ lɛ nɔ.

Bɔfoi 13:44

Ni hejɔɔmɔ gbi ni nyiɛ sɛɛ lɛ nɔ lɛ, shwɛ fioo ni eba lɛ akɛ maŋ muu lɛ fɛɛ ji mɛi ni babua amɛhe naa ni amɛbo Nyɔŋmɔ wiemɔ lɛ toi lɛ.

Bɔfoi 13:46

Ni Paulo kɛ Barnaba wie kɛ ekãa amɛkɛɛ, “Kulɛ nyɛ tsutsu esa akɛ ajaje Nyɔŋmɔ wiemɔ lɛ atsɔ̃ɔ; shi akɛni nyɛŋwã wiemɔ lɛ ni nyɛbuuu nyɛhe akɛ nyɛsa naanɔ wala lɛ hewɔ lɛ, naa, wɔdɔ wɔyi kɛmiiya jeŋmajiaŋbii lɛ aŋɔɔ.

Bɔfoi 13:5

Ni be ni amɛshɛ Salami lɛ, amɛjaje Nyɔŋmɔ wiemɔ lɛ yɛ Yudafoi lɛ akpeehei lɛ. Amɛkɛ Yohane hu nyiɛ akɛ amɛsɔ̃ɔlɔ.

Bɔfoi 14:19

Shi Yudafoi komɛi jɛ Antiokia kɛ Ikonium ba jɛi bawo asafoi lɛ ayiŋ, ni amɛtswia Paulo tɛi, ni amɛgbala lɛ kɛjɛ maŋ lɛ mli ejaakɛ amɛsusu akɛ egbo.

Bɔfoi 16:13

Hejɔɔmɔ gbi lɛ nɔ lɛ, wɔjɛ maŋ lɛ mli wɔtee faa ko naa, he ni wɔjwɛŋmɔ kɛɛ wɔ akɛ asɔleɔ yɛ lɛ, ni wɔyatara shi, ni wɔkɛ yei ni ebabua amɛhe naa yɛ jɛi lɛ wie.

Bɔfoi 17:2

Ni Paulo tee amɛŋɔɔ tamɔ bɔ ni efɔɔ feemɔ lɛ, ni ekɛ amɛ yayiyii yɛ ŋmalɛi lɛ ahe hejɔɔmɔ gbii etɛ̃ sɔŋŋ,

Bɔfoi 18:4

Shi daa Hejɔɔmɔ gbi lɛ, Paulo yawieɔ etsɔ̃ɔ mɛi yɛ kpeehe lɛ, ni ebɔɔ mɔdɛŋ akɛ etsake Yudafoi kɛ Helabii lɛ.

Bɔfoi 19:8

Ni Paulo tee kpeehe lɛ, ni eyawie kɛ ekãa, ni etsɔ̃ɔ amɛ nii kɛ mɔdɛŋbɔɔ nyɔji etɛ̃ sɔŋŋ ni amɛhe Nyɔŋmɔ maŋtsɛyeli lɛ he sane lɛ amɛye.

Bɔfoi 9:20

Ni amrɔ lɛ nɔŋŋ eshiɛ yɛ kpeehei lɛ akɛ Yesu ji Nyɔŋmɔ Bi lɛ.

2 Timoteo 3:11

miyiwai, mimanehului ni mina yɛ Antiokia kɛ Ikonium kɛ Listra lɛ, nɔ yiwai srɔtoi abɔ ni mina ni Nuŋtsɔ lɛ jie mi kɛjɛ fɛɛ mli lɛ.