Bɔfoi 13:13 - ŊMALƐ KRƆŊKRƆŊ LƐ

¹³ Shi be ni Paulo kɛ emɛi lɛ fã kɛjɛ Pafo lɛ, amɛkɛ lɛlɛ ba Perga yɛ Pamfilia; ni Yohane shi amɛ, ni eku esɛɛ kɛtee Yerusalɛm ekoŋŋ.

Ṅmãle̱ Kroṅkroṅ Le̱

¹³ Ši beni Paulo ke̱ emei le̱ fã ke̱-dše̱ Pafo le̱, ame̱ba Perge ye̱ Pamfilia; ni Iohane kpale ye̱ ame̱se̱, *ni ekũ ese̱ ke̱-te Ierusalem ekoṅ. *15,38.

Bɔfoi 13:13 ပူးပေါင်းရင်းမြစ်များ

Bɔfoi 12:12

Ni be ni eyɔse enɛ lɛ, eba Yohane ni atsɛɔ lɛ Marko hu lɛ nyɛ Maria we lɛ, he ni mɛi pii anaa ebakpe shi ni amɛsɔleɔ yɛ lɛ.

Bɔfoi 15:36

Shi gbii komɛi asɛɛ lɛ, Paulo kɛɛ Barnaba akɛ, “Hã wɔku wɔsɛɛ wɔyasara wɔnyɛmimɛi lɛ yɛ maŋ fɛɛ maŋ ni wɔjaje Nuŋtsɔ lɛ wiemɔ lɛ yɛ mli lɛ mli, ni wɔkwɛ bɔ ni amɛyɔɔ.”

Bɔfoi 15:38

Shi Paulo lɛ, lɛ lɛ esusu akɛ esaaa akɛ amɛaaŋɔ mɔ ni kpale yɛ amɛsɛɛ yɛ Pamfilia ni ekɛ amɛ eyaaa nitsumɔ lɛ amɛfata amɛhe.

Bɔfoi 2:10

Frigia kɛ Pamfilia, Ijipt kɛ Libia niiaŋ yɛ Kirene masɛi kɛ gbɔi ni jɛ Roma, Yudafoi kɛ mɛi ni etsɔ̃mɔ Yudafoi,

Bɔfoi 27:13

Shi be ni wuoyigbɛ kɔɔyɔɔ bɔ̃i tswaa nyrakee lɛ, efee amɛ akɛ nɔ ni amɛtaoɔ lɛ eba mli, ni amɛfã kɛsharã Kreta he kpaakpa.

Bɔfoi 27:5

Ni be ni wɔfo Kilikia kɛ Pamfilia ŋshɔ lɛ, wɔbamã Mira yɛ Likia.

Kolosebii 4:10

Aristarko, minaanyo gboklɛfonyo lɛ, miibi nyɛ; kɛ Marko ni ji Barnaba nyɛmi bi (mɔ ni miwo nyɛ shi yɛ ehe akɛ nyɛhere lɛ atuu kɛ eba nyɛŋɔɔ lɛ)

2 Timoteo 4:11

Luka pɛ kɛ mi yɔɔ. Ŋɔɔ Marko ni okɛ lɛ aba, ejaakɛ ehe yɛ sɛɛnamɔ hã mi yɛ sɔ̃ɔmɔ lɛ mli.