Bɔfoi 13:12 - ŊMALƐ KRƆŊKRƆŊ LƐ

¹² Kɛkɛ lɛ, be ni amralo lɛ na nɔ ni afee lɛ, ehe eye, ni ehe jɔ̃ ehe yɛ nɔ ni atsɔ̃ɔ yɛ Nuŋtsɔ lɛ he lɛ hewɔ.

Ṅmãle̱ Kroṅkroṅ Le̱

¹² Ke̱ke̱ ni amralo le̱, beni ena noni afe le̱, ehé eye, ni ehe dšõ ehe ye̱ Nuṅtšo̱ le̱ tšõmo̱ le̱ hewo̱.

Bɔfoi 13:12 ပူးပေါင်းရင်းမြစ်များ

Mateo 27:54

Shi be ni asraafoiohaatsɛ lɛ kɛ mɛi ni kɛ lɛ buɔ Yesu he lɛ na shikpɔŋ hosomɔ lɛ kɛ nii ni afee lɛ, amɛshe gbeyei tsɔ̃, ni amɛkɛɛ, “Lɛɛlɛŋ, Nyɔŋmɔ Bi nɛ!”

Luka 4:22

Ni mɛi fɛɛ ye ehe odase, ni amɛnaa kpɛ amɛhe yɛ dromɔ wiemɔi ni jɛ enaa lɛ hewɔ, ni amɛkɛɛ, “Ani jeee Yosef bi lɛ nɛ?”

Luka 7:16

Ni gbeyei mɔmɔ amɛ fɛɛ, ni amɛwo Nyɔŋmɔ hiɛ nyam amɛkɛɛ, “Gbalɔ kpeteŋkple ete shi yɛ wɔteŋ, ni Nyɔŋmɔ ebasara emaŋ lɛ.”

Yohane 7:46

Tsuji lɛ here nɔ akɛ, “Bɔ ni gbɔmɔ nɛɛ wieɔ lɛ, mɔ ko ewieko nakai dã.”

Bɔfoi 13:48

Shi be ni jeŋmajiaŋbii lɛ nu enɛ lɛ amɛna miishɛɛ, ni amɛwo Nyɔŋmɔ wiemɔ lɛ hiɛ nyam, ni mɛi abɔ ni ajie ato naanɔ wala lɛ he ye.

Bɔfoi 13:49

Ni Nuŋtsɔ lɛ wiemɔ lɛ gbɛ shwã yɛ jɛi niiaŋ fɛɛ.

Bɔfoi 13:7

ekɛ amralo Sergio Paulo ni ji nuu nilelɔ lɛ yɔɔ. Amralo nɛɛ tsɛ Barnaba kɛ Saul kɛba eŋɔɔ, eetao akɛ enu Nyɔŋmɔ wiemɔ lɛ.

Bɔfoi 13:8

Shi Elima ŋkunyaayelɔ lɛ (egbɛi lɛ shishi yɛ Hela wiemɔ mli ji no) ku amɛnaa, ejaakɛ eetao ni ekpale amralo lɛ kɛjɛ hemɔkɛyeli lɛ he.

Bɔfoi 15:35

Shi Paulo kɛ Barnaba hi Antiokia amɛtsɔ̃ɔ nii ni amɛjaje Nuŋtsɔ lɛ Sanekpakpa lɛ, ni mɛi krokomɛi pii hu fee nakai nɔŋŋ.

Bɔfoi 15:36

Shi gbii komɛi asɛɛ lɛ, Paulo kɛɛ Barnaba akɛ, “Hã wɔku wɔsɛɛ wɔyasara wɔnyɛmimɛi lɛ yɛ maŋ fɛɛ maŋ ni wɔjaje Nuŋtsɔ lɛ wiemɔ lɛ yɛ mli lɛ mli, ni wɔkwɛ bɔ ni amɛyɔɔ.”

Bɔfoi 18:12

Shi be ni Galio yeɔ amralo yɛ Akaia lɛ, Yudafoi lɛ kɛ jwɛŋmɔ kome te shi wo Paulo, ni amɛkpala lɛ kɛtee kojomɔ sɛ̃i lɛ hiɛ,

Bɔfoi 19:10

Ehiɛ nakai feemɔ aahu afii enyɔ sɔŋŋ, ni mɛi fɛɛ ni yɔɔ Asia lɛ, Yudafoi kɛ Helabii lɛ fɛɛ, nu Nuŋtsɔ Yesu wiemɔ lɛ.

Bɔfoi 19:20

Nɛkɛ hewalɛ gbɛ nɛɛ nɔ Nuŋtsɔ lɛ wiemɔ lɛ tsɔ̃ ekɛshwere ni eye kunim.

Bɔfoi 19:38

No hewɔ lɛ, kɛji Demetrio kɛ enanemɛi ŋaalɔi lɛ kɛ mɔ ko yɛ sane ko lɛ, kojomɔ gbii yɛ, ni amralofoi hu yɛ; nyɛhãa amɛkɛ sane lɛ ayaa amɛhiɛ.

Bɔfoi 19:7

Shi hii lɛ fɛɛ aaafee nyɔŋma kɛ enyɔ.

Bɔfoi 28:7

Ŋshɔkpɔ lɛ nɔ onukpa ni atsɛɔ lɛ Publio lɛ yɛ shikpɔji yɛ jɛi niiaŋ; gbɔmɔ nɛɛ here wɔ hiɛmɛɛ ni ekɛ tsuijurɔ fee wɔ gbɔ gbii etɛ̃ sɔŋŋ.

Bɔfoi 6:10

shi amɛnyɛɛɛ Stefano nilee kɛ mumɔ ni ekɛwieɔ lɛ naa amɛdamɔ.

Bɔfoi 8:25

Agbɛnɛ, be ni amɛye odase ni amɛshiɛ Nuŋtsɔ lɛ wiemɔ lɛ ni amɛku amɛsɛɛ kɛmiiba Yerusalɛm lɛ, amɛjaje Sanekpakpa lɛ amɛtsɔ̃ɔ yɛ Samariabii akrowai pii amli.