Bɔfoi 13:10 - ŊMALƐ KRƆŊKRƆŊ LƐ

¹⁰ ni ekɛɛ, “Ao, bo abonsam bi ni shishiumɔ kɛ kutumpɔo fɛɛ eyi bo obɔ̃, bo jalɛ fɛɛ henyɛlɔ, aso ofɔŋ Nuŋtsɔ lɛ gbɛi trɔmɔi lɛ akɔdɔmɔ̃?

Ṅmãle̱ Kroṅkroṅ Le̱

¹⁰ ni ekē̱: O abonsambi ní šišiumo̱ ke̱ kũtũmpo̱o fẽ eyio obõ, bo dšale̱ fẽ henye̱lo̱; aso ofõõ Nuṅtšo̱ le̱ gbe̱i trõmō̃i le̱ akõdõmo̱?

Bɔfoi 13:10 ပူးပေါင်းရင်းမြစ်များ

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

2 Kronika 17:6

Ni akɛni eye Nyɔŋmɔjamɔ he awuŋã hewɔ lɛ, egu hei ni ajaa jemawɔji yɛ fɛɛ lɛ, ni asaŋ efolɔ jemawɔŋ yoo Ashera lɛ tsei lɛ fɛɛ hu yɛ Yuda.

Jajelɔ 9:3

Nɔ ko ni ejaaa yɛ nii fɛɛ ni afeɔ yɛ je nɛɛŋ ji akɛ mɛi fɛɛ anaagbee afee ekome. Gbɔmɛi atsuiiaŋ eyimɔ obɔ̃bɔ̃ kɛ efɔŋ kɛ sɛkɛyeli nifeemɔi, beiaŋ ni amɛyɔɔ walaŋ, shi no sɛɛ lɛ amɛgboiɔ, ni amɛyaa gbohiiaje.

Yeremia 23:36

Wiemɔ ni ji ‘Yehowa jatsu’ lɛ, ekaje mɔ ko naa kwraa dɔŋŋ, ejaakɛ no etsɔ̃ mɛi fɛɛ adaaŋ kotsa, ejaakɛ nyɛtsɔ̃ Nyɔŋmɔ hiɛkãalɔ, ni ji Yehowa, Taiatsɛ, wɔNyɔŋmɔ, lɛ wiemɔi lɛ ahiɛ nyɛbu shi.

Hosea 14:9

Mɔ ni le nii lɛ, enu saji nɛɛ ashishi; ni hiɛshikãlɔ lɛ ekɔ sɛɛ. Naa, Yehowa gbɛi fɛɛ ja, ni nomɛi mɔ ni feɔ jalɛnii kɛbaa ejeŋ; nomɛi anaa mɔ ni feɔ jalɛnii hiɔ shi yɛ; shi eshafeelɔi tswaa egbɛi lɛ amɛfɔ̃ɔ, ni no hewɔ lɛ, amɛtɛrɛɔ, ni amɛgbeɔ shi.

Mateo 13:38

ŋmɔ lɛ ji je lɛ; wui kpakpai lɛ ji maŋtsɛyeli lɛ mli bii lɛ; jwɛi lɛ ji mɔ fɔŋ lɛ bii lɛ;

Mateo 15:19

Ejaakɛ tsui mli ni susumɔi fɔ̃ji, gbɔmɔgbee, gbãlãfitemɔ, ajwamãŋbɔɔ, juu, amale odaseyeli kɛ oshekuyeli jɛɔ.

Mateo 23:13

“Kpoo hã nyɛ, mlatsɔɔlɔi kɛ Farisifoi, osatofoi! Nyɛŋaa ŋwɛi maŋtsɛyeli lɛ naa nyɛwoɔ gbɔmɛi; nyɛ diɛŋtsɛ lɛ nyɛboteee mli, ni mɛi ni taoɔ mli abote lɛ hu, nyɛŋmɛɛɛ amɛ gbɛ ni amɛbote mli.” [

Mateo 3:7

Shi be ni ena Farisifoi kɛ Sadukifoi lɛ ateŋ mɛi pii baa ebaptisimɔ lɛ he lɛ, ekɛɛ amɛ akɛ “Shinɔi ashwiei, namɔ tsɔ̃ɔ nyɛ akɛ nyɛjo mlifu ni baaba lɛ naa foi?

Luka 11:39

Ni Nuŋtsɔ lɛ kɛɛ lɛ akɛ, “Nyɛ Farisifoi lɛ nyɛtsumɔɔ kpulu he kɛ kã sɛɛ, shi nyɛmli eyi obɔ̃ kɛ juu kɛ fɔ̃.

Luka 11:52

Kpoo hã nyɛ, mlatsɔɔlɔi, ejaakɛ nyɛkɔ nilee naa samfee! Nyɛ diɛŋtsɛ lɛ nyɛboteee mli, ni mɛi ni taoɔ mli abote lɛ hu, nyɛtsi amɛ gbɛ.”

Yohane 1:23

Ekɛɛ, “Mi ji mɔ gbee ni boɔ yɛ ŋa lɛ nɔ akɛ, ‘Nyɛjajea Nuŋtsɔ lɛ gbɛ lɛ,’ ” tamɔ bɔ ni gbalɔ Yesaia kɛɛ lɛ.

Yohane 8:44

Nyɛ lɛ nyɛtsɛ ni nyɛjɛ emli ji abonsam, ni nyɛtsɛ lɛ suɔmɔnaanii nyɛsumɔɔ akɛ nyɛfee. Lɛ lɛ gbɔmɔgbelɔ ji lɛ kɛjɛ teteete, ni ekɛ anɔkwale lɛ bɛ sane ko, ejaakɛ anɔkwale bɛ emli. Kɛ eemale lɛ, esu ni, ejaakɛ amalelɔ kɛ ablatsɛ ji lɛ.

Bɔfoi 20:30

Ni nyɛ diɛŋtsɛ nyɛteŋ hu lɛ, hii ni wieɔ nii ni ejaaa aaate shi, ni amɛaakpala kaselɔi lɛ amɛshwie amɛsɛɛ.

2 Korintobii 11:3

Shi miishe gbeyei akɛ aleenɔ, tamɔ bɔ ni onufu lɛ kɛ ekutumpɔo lɛ laka Hawa lɛ, nakai nɔŋŋ aaafite nyɛ hu nyɛjwɛŋmɔ ni nyɛŋmɛɛ suɔmɔ krɔŋŋ ni nyɛkɛsumɔɔ Kristo lɛ he.

Galatabii 1:7

shi jeee Sanekpakpa kroko ni, fe akɛ mɛi komɛi ni yɔɔ ni hãa nyɛjwɛŋmɔ futuɔ, ni amɛtaoɔ akɛ amɛtsɔ̃ Kristo Sanekpakpa lɛ hiɛ amɛbu shi.

Efesobii 4:14

koni wɔkakã he wɔfee abifabii ni tsɔ̃ɔmɔ fɛɛ tsɔ̃ɔmɔ hosoɔ amɛ tamɔ kɔɔyɔɔ hosoɔ nii, ni ekpalaa amɛ kɛyaa kɛbaa yɛ gbɔmɛi aŋaafɔŋtoo kɛ kutumpɔo ni akɛshishiuɔ mɛi lɛ naa.

2 Petro 2:15

Amɛje gbɛ ni ja lɛ nɔ, ni amɛdu gbɛ kɛyanyiɛ Beor bi Bileam, mɔ ni sumɔ nɔshafeemɔ mli nyɔmɔwoo lɛ, gbɛ lɛ nɔ;

1 Yohane 3:8

Mɔ ni feɔ esha lɛ, ejɛ abonsam mli; ejaakɛ kɛjɛ shishijee beebe lɛ, abonsam feɔ esha. Enɛ hewɔ Nyɔŋmɔ Bi lɛ jie ehe kpo koni efite abonsam nitsumɔi lɛ.