Bɔfoi 12:5 - ŊMALƐ KRƆŊKRƆŊ LƐ

⁵ Be mli ni atsi Petro naa yɛ tsu lɛ mli fɛɛ lɛ, asafo lɛ hiɛ sɔlemɔ mli kɛ lɛ hãmɔ waa diɛŋtsɛ yɛ Nyɔŋmɔ hiɛ.

Ṅmãle̱ Kroṅkroṅ Le̱

⁵ Agbe̱ne̱ atai Petro nā ye̱ tšũ le̱ṅ moṅ; ši asafo le̱ hĩe so̱lemo̱ mli ye̱ Nyoṅmo̱ hĩe ke̱le̱ hãmo̱ wā dientše̱.

Bɔfoi 12:5 ပူးပေါင်းရင်းမြစ်များ

Mateo 18:19

Asaŋ anɔkwale mikɛɔ nyɛ akɛ, kɛji nyɛteŋ mɛi enyɔ kpãa gbee yɛ shikpɔŋ nɛɛ nɔ yɛ sane fɛɛ sane ni amɛbiɔ lɛ he lɛ, miTsɛ ni yɔɔ ŋwɛi lɛ aaafee ahã amɛ.

Luka 18:1

Yesu bu ekaselɔi lɛ abɛ ko ekɛtsɔ̃ɔ akɛ esa akɛ amɛsɔleɔ daa ni ekaje amɛtsine.

Bɔfoi 12:12

Ni be ni eyɔse enɛ lɛ, eba Yohane ni atsɛɔ lɛ Marko hu lɛ nyɛ Maria we lɛ, he ni mɛi pii anaa ebakpe shi ni amɛsɔleɔ yɛ lɛ.

Bɔfoi 12:4

Ni be ni emɔ lɛ lɛ, ewo lɛ tsuŋ, ni etu lɛ ewo asraafoi akui ejwɛ ni mɛi ejwɛɛjwɛ yɔɔ mli dɛŋ ni amɛbu ehe; ni esusu akɛ Hehoo lɛ sɛɛ lɛ eeejie lɛ etsɔ̃ɔ maŋ lɛ.

Bɔfoi 12:6

Shi gbi ni Herode taoɔ akɛ ekɛ Petro aba maŋ lɛ hiɛ lɛ, nakai nyɔɔŋ lɛ mli nɔŋŋ lɛ, ekã asraafoi enyɔ teŋ eewɔ, ni awo lɛ kɔsɔŋkɔsɔi enyɔ, ni bulɔi hu damɔ shinaa lɛ naa amɛmiibu tsu lɛ he.

1 Korintobii 12:26

Ni kɛji henɔ kome miina nɔ lɛ, henii lɛ fɛɛ kɛ lɛ naa nɔ, ni kɛji henɔ kome hiɛ ba nyam hu, henii lɛ fɛɛ kɛ lɛ naa miishɛɛ.

2 Korintobii 1:11

kɛji nyɛfata he kɛkpa fai nyɛhã wɔ, koni mɛi pii ada shi ahã wɔ yɛ dromɔ keenii ni akɛhã wɔ yɛ mɛi pii afaikpamɔ lɛ hewɔ.

1 Tesalonikabii 5:17

nyɛsɔlea ni nyɛkafɔa;

Hebribii 13:3

Nyɛkaia mɛi ni awo amɛ gboklɛi lɛ tamɔ akɛ nyɛkɛ amɛ kãmɔ mli, kɛ mɛi ni afeɔ amɛ efɔŋ lɛ hu, akɛni nyɛ hu nyɛyɛ heloo mli lolo lɛ.

Yakobo 5:16

No hewɔ lɛ, nyɛjajea nyɛnɔtɔ̃mɔi lɛ nyɛtsɔ̃ɔtsɔ̃a nyɛhe, ni nyɛsɔlea nyɛhãa nyɛhe ni nyɛhe atã. Jalɔ sɔlemɔ ni mli wa lɛ nyɛɔ nii babaoo etsuɔ.