Bɔfoi 12:23 - ŊMALƐ KRƆŊKRƆŊ LƐ

²³ Ni amrɔ lɛ nɔŋŋ lɛ, Nuŋtsɔ lɛ bɔfo tswa lɛ nɔ, ejaakɛ ekɛ anunyam lɛ hãaa Nyɔŋmɔ, ni gɔgɔmii ye lɛ, ni egbo.

Ṅmãle̱ Kroṅkroṅ Le̱

²³ Ni amrõ le̱ noṅṅ le̱ Nuṅtšo̱ le̱ bo̱fo tſale̱ nõ, edšake̱ *eke̱ anumnyam le̱ hãã Nyoṅmo̱, ni gõgõmii yele̱, ni edše dšeṅ. *Dan. 5,20.

Bɔfoi 12:23 ပူးပေါင်းရင်းမြစ်များ

2 Maŋtsɛmɛi 19:35

Ni eba mli akɛ nakai gbi lɛ nɔ nɔŋŋ nyɔɔŋ lɛ, Yehowa bɔfo ko tee Asiria asraafoi lɛ ashitoohe lɛ mli, ni eyagbe asraafoi akpei oha kɛ nyɔŋmai kpaanyɔ kɛ enumɔ yɛ jɛi. Be ni je tsɛreɔ lɛ, naa amɛ ni amɛjwere shi ni amɛ fɛɛ amɛgboi.

2 Kronika 32:21

Kɛkɛ ni Yehowa tsu bɔfo ko, ni ebagbe tabilɔi kãkãlɔi lɛ kɛ tatsɛmɛi lɛ kɛ asafoiatsɛmɛi lɛ fɛɛ ni yɔɔ Asiria maŋtsɛ lɛ tabilɔi lɛ ateŋ lɛ. No hewɔ lɛ, Asiria maŋtsɛ lɛ ku esɛɛ kɛtee eshikpɔŋ lɛ nɔ kɛ hiɛgbele. Ni be ni etee eyabote ejemawɔŋ lɛ we lɛ mli lɛ, lɛ diɛŋtsɛ emusuŋ bihii bamɔ lɛ klante, ni amɛgbe lɛ.

Hiob 19:26

ni kɛji mihewolo hiɛ kpãtã nɛkɛ sɛɛ, ni heloo bɛ mihe lɛ, mana Nyɔŋmɔ.

Hiob 7:5

Miheloo ewo gɔgɔmi kɛ muji; miheloo lɛ hiɛ gbiɔ kɛkɛ lɛ eflɛ.

Lalai 115:1

Jeee wɔ, Yehowa, jeee wɔ, shi ogbɛi lɛ moŋ aŋɔ anunyam ahã, yɛ osuɔmɔ ni tsakeee kɛ onɔkwayeli lɛ hewɔ!

2 Mose 10:3

Kɛkɛ ni Mose kɛ Aaron tee Farao ŋɔɔ, ni amɛyakɛɛ lɛ akɛ, “Bɔ ni Yehowa, Hebribii aNyɔŋmɔ lɛ, kɛɛ nɛ, ‘Mɛɛ beyinɔ po oookpɛ̃lɛ koni oba ohe shi ohã mi? Hã mimaŋ lɛ aya koni amɛyaja mi.

2 Mose 12:12

“Ejaakɛ matsɔ̃ Ijipt shikpɔŋ lɛ nɔ kɛho nakai nyɔɔŋ lɛ mli, ni magbe Ijipt shikpɔŋ lɛ nɔ kromɔbi fɛɛ kromɔbi, gbɔmɔ ni jio, kooloo ni jio, koni mahã Ijipt nyɔŋmɔi lɛ fɛɛ ahe guɔ agbo, mi ji Yehowa.

2 Mose 12:23

Ejaakɛ Yehowa baaho koni eyatswia Ijiptbii nii. Kɛji ena lá lɛ yɛ shinaatsei enyɔ lɛ kɛ eyiteŋ nɔ lɛ he pɛ, Yehowa baateke nyɛshiai lɛ, ni eŋmɛŋ hiɛkpãtãlɔ lɛ gbɛ ni ebote nyɛshĩai lɛ amli koni ebatswia nyɛ nii.

2 Mose 12:29

Gbi lɛ nyɔɔŋteŋ lɛ Yehowa tswia Ijipt shikpɔŋ lɛ nɔ kromɔbii fɛɛ nii, kɛjɛ Farao kromɔbi lɛ ni baaye etsɛ sɛɛ yɛ maŋtsɛ sɛi lɛ nɔ lɛ nɔ, kɛyashi gboklɛfonyo ni kã kpabu mli lɛ kromɔbii kɛ shĩa kooloi akromɔbii fɛɛ nɔ.

2 Mose 9:17

Okã he oowo ohe nɔ yɛ mimaŋ lɛ nɔ, ni ohãaa amɛya.

Abe̱i 12:8

Gbɔmɔ nilee akɛjieɔ eyi, shi mɔ ni hiɛ jwɛŋmɔ fɔŋ lɛ, abuuu lɛ.

Yesaia 14:11

Aba ogbojee shi kɛba gbohiiaje, bo kɛ osaŋkui lɛ agbɛɛmɔ lɛ hu. Omlɛgɛ ji saa ni obaakã nɔ, ni gɔgɔmii ji mama ni obaaha.

Yesaia 37:23

Namɔ ahora obɔ, ni asaŋ ojɛ lɛ lɛ? Namɔ obolɔ owo, ni ogbɛ ohiŋmɛiŋ owo lɛ lɛ? Mi, Israel Mɔ Krɔŋkrɔŋ lɛ ni.

Yesaia 51:8

Ejaakɛ amɛhiɛ aaakpãtã tamɔ mama ni omlɛgɛ eye, loo kuŋtu ni gɔgɔmii eye. Shi mikpɔmɔ lɛ aaahi shi kɛaatee naanɔ; ni miyiwalaheremɔ lɛ aaahi shi yinɔi fɛɛ.

Yesaia 66:24

“Ni amɛaaje kpo amɛyakwɛ mɛi ni tse mihiɛ atua lɛ agbohii lɛ. Gɔgɔmii ni yeɔ amɛ lɛ gboiŋ, ni la ni baashã amɛ lɛ agbeŋ. Amɛhe aaafee heloo fɛɛ heloo nyaŋemɔ.”

Ezekiel 28:2

“Gbɔmɔ Adesa kɛɛmɔ Tiro lumɔ lɛ akɛ, bɔ ni Nuŋtsɔ Nyɔŋmɔ kɛɔ nɛ, ‘Owoɔ ohe nɔ ni otsɛɔ ohe nyɔŋmɔ,’ Okɛɔ akɛ, ‘Nyɔŋmɔ ji mi, ni mita nyɔŋmɔi lɛ alumɔ sɛi lɛ nɔ yɛ ŋshɔteŋ;’ tsɛbelɛ gbɔmɔ adesa kɛkɛ ji bo, shi jeee nyɔŋmɔ ko. Tsɛbelɛ obuɔ ohe akɛ ole nii tamɔ nɔ ni nyɔŋmɔ ji bo.

Ezekiel 28:9

Be ni oyɔɔ mɛi ni gbeɔ bo lɛ adɛŋ lɛ, ani ooonyɛ okɛɛ akɛ ‘Nyɔŋmɔ ko ji mi?’ Be mli ni gbɔmɔ kɛkɛ ji bo, shi ojeee nyɔŋmɔ ko lɛ?

Bɔfoi 12:22

Ni mɛi lɛ bolɔ akɛ, “Nyɔŋmɔ gbee nɛ, shi jeee gbɔmɔ gbee ni.”

Bɔfoi 5:19

Shi nyɔɔŋ lɛ Nuŋtsɔ lɛ bɔfo bagbele tsu lɛ shinai lɛ, ni ejie amɛ ekɛɛ,

2 Tesalonikabii 2:4

Eteɔ shi ewoɔ ehe nɔ eshiɔ nɔ fɛɛ nɔ ni atsɛɔ nyɔŋmɔ loo jamɔ lɛ aahu bɔ ni lɛ diɛŋtsɛ eyataa Nyɔŋmɔ We lɛ ni ekɛ ehe tsɔ̃ɔ akɛ lɛ ji Nyɔŋmɔ lɛ.

1 Samuel 25:38

Sane nɛɛ sɛɛ aaafee gbii nyɔŋma lɛ Yehowa tswa Nabal nɔ ni egbo.