Bɔfoi 12:11 - ŊMALƐ KRƆŊKRƆŊ LƐ

¹¹ Ni be ni Petro hiɛ tserɛ lɛ lɛ, ekɛɛ, “Kpaako mina mile krɛdɛɛ akɛ Nuŋtsɔ lɛ etsu ebɔfo lɛ kɛba, ni ebajie mi yɛ Herode dɛŋ kɛ nɔ ni Yudafoi lɛ amaŋ lɛ kwɛɔ gbɛ lɛ fɛɛ mli.”

Ṅmãle̱ Kroṅkroṅ Le̱

¹¹ Ni beni Petro hĩe tšere̱le̱ le̱ ekē̱: Kpāko miná mile kre̱dē̱ ake̱ Nuṅtšo̱ le̱ etšũ ebo̱fo le̱ ke̱-ba, ni ebadšiemi ye̱ Herode deṅ ke̱ Iudafoi le̱ amaṅ le̱ gbe̱kwe̱mo̱ le̱ fẽ mli.

Bɔfoi 12:11 ပူးပေါင်းရင်းမြစ်များ

1 Mose 15:13

Kɛkɛ ni Yehowa kɛɛ Abram akɛ, “Na ole akɛ oshwiei aaatsɔ̃mɔ gbɔi yɛ shikpɔŋ ni jeee amɛnɔ nɔ ni amɛaasɔ̃mɔ shikpɔŋ lɛ nɔ bii lɛ ni gbɔmɛi nɛɛ aaawa oshwiei lɛ ayi afii ohai ejwɛ.

1 Mose 18:13

Yehowa bi Abraham akɛ, “Mɛni hewɔ ni Sara ŋmɔ, ni ekɛɛ akɛ, ‘Aso lɛɛlɛŋ akɛ mi ni mitsɔ yoomo nɛɛ mana bi mafɔ lo?’ lɛ.

1 Mose 26:9

Kɛkɛ ni Abimelek tsɛ Isak ni ekɛɛ lɛ akɛ, “Eei, asomoaŋ, yoo lɛ oŋa ni! Te fee tɛŋŋ ni okɛɛ akɛ, ‘Minyɛmi yoo ji lɛ lɛ?’ ” Ni Isak kɛɛ lɛ akɛ, “Bɔ ni afee ni akagbe mi yɛ ehewɔ, no hã mikɛɛ nakai lɛ.”

2 Samuel 22:1

Be ni Yehowa jie David yɛ ehenyɛlɔi lɛ fɛɛ kɛ Saul hu dɛŋ lɛ, David la lala nɛɛ:

2 Kronika 16:9

Yehowa, ehiŋmɛi kã je lɛ fɛɛ he, ni ehãa mɛi fɛɛ ni yeɔ lɛ anɔkwa kɛ amɛtsui fɛɛ lɛ naa hewalɛ. Oye kwashiai asane pam, ni no hewɔ lɛ, kɛjɛ kɛyaa nɛɛ lɛ, taitai sɔŋŋ ahe obaakã.”

Hiob 31:31

Mishĩaŋbii ekɛŋ akɛ, ‘Wɔteŋ namɔ yeko edɛŋ niyenii etɔko dã?’

Hiob 5:19

Ebaajie bo yɛ amanehului babaoo amli hu, nɔ ko nɔ ko efeŋ bo.

Lalai 109:31

ejaakɛ lɛ efãa ohiafo he, ni ehereɔ eyiwala kɛjɛɔ mɛi ni buɔ lɛ gbele fɔ lɛ adɛŋ.

Lalai 33:18

Yehowa hiŋmɛii yɛ mɛi ni sheɔ lɛ gbeyei ni amɛhiɛ kã esuɔmɔ ni sɛɛ efooo lɛ nɔ lɛ ahe.

Lalai 33:19

Yehowa aaajie amɛ kɛaaje gbele mli, ni eeehã amɛyi ana wala yɛ hɔmɔ be mli.

Lalai 34:22

Yehowa hereɔ etsuji ayiwala; ni mɛi ni baa lɛ abo lɛ, ebuŋ amɛteŋ mɔ ko mɔ ko fɔ.

Lalai 34:7

Mɛi ni sheɔ Yehowa gbeyei lɛ Yehowa bɔfo lɛ bɔleɔ amɛhe kɛkpeɔ, ni ejieɔ amɛ.

Lalai 41:2

Yehowa aaabaa eyi, ni eeena wala, ni aaajɔɔ lɛ yɛ shikpɔŋ lɛ nɔ, ni oŋɔŋ lɛ owoŋ ehenyɛlɔi ni taoɔ lɛ lɛ adɛŋ.

Lalai 97:10

Nyɛ mɛi ni nyɛsumɔɔ Yehowa lɛ, nyɛnyɛa efɔŋ! Nuŋtsɔ lɛ baa emɛi anɔkwafoi lɛ awala yi; ehereɔ amɛyiwala kɛjeɔ mɛi fɔ̃ji adɛŋ.

Daniel 3:25

Nebukadnezar kɛɛ amɛ akɛ, “Miina gbɔmɛi ejwɛ yɛ la lɛ mli. Afimɔko amɛ, ni la lɛ efeee amɛ nɔ ko nɔ ko; ni mɔ ni gbe yi fee ejwɛ lɛ, su tamɔ bɔfo.”

Daniel 3:28

Maŋtsɛ Nebukadnezar kɛɛ akɛ, “Ajie Shadrak kɛ Meshak kɛ Abednego Nyɔŋmɔ lɛ yi, ejaakɛ etsu ebɔfo, ni ebahere etsuji lɛ ni kɛ amɛhiɛ fɔ̃ enɔ lɛ kɛje gbele mli. Amɛtse mifãmɔ lɛ hiɛ atua, ni amɛkã kitã akɛ nɔ ni amɛaaja he ko bii anyɔŋmɔ fe amɛNyɔŋmɔ lɛ amɛkɛ amɛwala moŋ baatse.

Daniel 6:22

MiNyɔŋmɔ lɛ etsu ebɔfo lɛ kɛba, ni ebaŋamɔ jatai lɛ anaabu, ni no hewɔ lɛ, amɛyeko mi awui ko, ejaakɛ yɛ lɛ ehiɛ lɛ miyeɔ bem, ni bo Nii hu, mitɔ̃ko onɔ.”

Luka 15:17

Shi be ni ehiɛ tserɛ lɛ lɛ, ekɛɛ, ‘Apaafoi enyiɛ mitsɛ bɛ ni naa niyenii yeɔ ni eko shwɛɔ, ni hɔ̃mɔ gbeɔ mi yɛ biɛ nɛɛ!

Bɔfoi 12:7

Ni naa, Nuŋtsɔ lɛ bɔfo ko badamɔ emasɛi, ni la kpɛ yɛ tsu lɛ mli ni egba Petro ŋmawu ma ni etsiɛ lɛ ekɛɛ, “Tee shi mramra!” Ni ekɔsɔŋkɔsɔi lɛ kpɔlɔ yɛ eniji.

Bɔfoi 24:27

Shi afii enyɔ sɛɛ lɛ, Porkio Festo ba baye Felike najiaŋ; ni akɛni Felike miisumɔ akɛ efee nɔ ni sa Yudafoi lɛ ahiɛ hewɔ lɛ, eshi Paulo yɛ tsu lɛ mli.

Bɔfoi 25:9

Shi akɛni Festo miisumɔ akɛ efee nɔ ni sa Yudafoi lɛ ahiɛ hewɔ lɛ, ekɛɛ Paulo akɛ, “Oosumɔ akɛ oya Yerusalɛm ni miyakojo bo yɛ jɛmɛ yɛ nɛkɛ saji nɛɛ ahewɔ lo?”

Bɔfoi 5:19

Shi nyɔɔŋ lɛ Nuŋtsɔ lɛ bɔfo bagbele tsu lɛ shinai lɛ, ni ejie amɛ ekɛɛ,

Hebribii 1:14

Ani amɛ fɛɛ lɛ, jeee mumɔ bɔfoi ni sɔ̃mɔɔ ji amɛ, ni atsuɔ amɛ ni amɛbasɔ̃mɔ mɛi ni nine baashɛ yiwalaheremɔ lɛ nɔ akɛ amɛgboshinii lɛ?

2 Petro 2:9

belɛ Nuŋtsɔ lɛ le bɔ ni efeɔ ejieɔ Nyɔŋmɔ gbeyeishelɔi yɛ kaa mli, kɛ bɔ ni efeɔ etoɔ mɛi fɔ̃ji yɛ piŋmɔ mli kɛyashi kojomɔ gbi lɛ nɔ;