Bɔfoi 12:10 - ŊMALƐ KRƆŊKRƆŊ LƐ

¹⁰ Shi be ni amɛho klɛŋklɛŋ bulɔi lɛ kɛ mɛi ni ji enyɔ lɛ ahe lɛ, amɛshɛ dade agbo ni kã kɛyaa maŋ lɛ mli lɛ he, ni lɛ diɛŋtsɛ egbele ehe ehã amɛ, ni amɛje kpo ni amɛfo blohu kome mli, ni amrɔ lɛ bɔfo lɛ shi lɛ.

Ṅmãle̱ Kroṅkroṅ Le̱

¹⁰ Ši beni ame̱ho kleṅkleṅ bulo̱i le̱ ke̱ mei ní dši enyo̱ le̱ ahe le̱, ame̱še̱ dade agbó ní kã ke̱-yaä mã le̱ṅ le̱ he, ni le̱dientše̱ egble ehe ehãame̱, ni ame̱dše kpo ame̱fo blohũ kome mli, ni amrõ le̱ bo̱fo le̱ šĩle̱.

Bɔfoi 12:10 ပူးပေါင်းရင်းမြစ်များ

1 Mose 40:3

ni eyawo amɛ tsuŋ yɛ blafoiatsɛ lɛ shĩa yɛ gboklɛfoi atsu lɛ mli he ni akɛ Yosef ewo lɛ.

1 Mose 42:17

Kɛkɛ ni ewo amɛ fɛɛ tsuŋ gbii etɛ̃.

Yesaia 21:8

Kɛkɛ ni bulɔ lɛ bo waa ekɛɛ, “Nuŋtsɔ, midamɔ buuhe nɛɛ gbi muu fɛɛ, ni mibu nyɔɔŋ lɛ mli fɛɛ hu.

4 Mose 15:34

Awo nuu lɛ tsuŋ ejaakɛ nakai be mli lɛ anako nɔ pɔtɛɛ ni sa akɛ afee lɛ.

Yohane 20:19

Kɛkɛ lɛ nakai gbi lɛ ni ji otsi lɛ klɛŋklɛŋ gbi lɛ nɔŋŋ gbɛkɛ, be ni Yudafoi lɛ ashemɔ hewɔ lɛ aŋamɔ shinai he ni kaselɔi lɛ ebua amɛhe naa yɛ lɛ Yesu ba ni ebadamɔ amɛteŋ ni ekɛɛ amɛ akɛ “Hejɔlɛ ahã nyɛ!”

Yohane 20:26

Ni gbii kpaanyɔ sɛɛ ekoŋŋ lɛ ekaselɔi lɛ yɛ tsu mli, ni Toma hu yɛ mli. Ni aŋamɔ shinai lɛ ni Yesu ba, ni ebadamɔ amɛteŋ ni ekɛɛ, “Hejɔlɛ ahã nyɛ!”

Bɔfoi 12:4

Ni be ni emɔ lɛ lɛ, ewo lɛ tsuŋ, ni etu lɛ ewo asraafoi akui ejwɛ ni mɛi ejwɛɛjwɛ yɔɔ mli dɛŋ ni amɛbu ehe; ni esusu akɛ Hehoo lɛ sɛɛ lɛ eeejie lɛ etsɔ̃ɔ maŋ lɛ.

Bɔfoi 16:26

Ni trukaa lɛ shikpɔŋ hoso waa, ni tsu lɛ shishitoo lɛ hoso, ni amrɔ lɛ, shinai lɛ fɛɛ gbelegbelee, ni amɛ fɛɛ amɛkpãi lɛ kpɔlɔke.

Bɔfoi 5:19

Shi nyɔɔŋ lɛ Nuŋtsɔ lɛ bɔfo bagbele tsu lɛ shinai lɛ, ni ejie amɛ ekɛɛ,

Kpojiemɔ 3:7

“Ni Filadelfia asafo lɛ bɔfo lɛ; ŋmaa oyahã lɛ akɛ, “Nii ni mɔ krɔŋkrɔŋ lɛ, anɔkwafo lɛ, mɔ ni hiɛ David samfee lɛ, mɔ ni gbeleɔ ni mɔ ko ŋaaa, ni eŋaa hu ni mɔ ko gbeleee lɛ kɛɛ nɛ,