Bɔfoi 11:23 - ŊMALƐ KRƆŊKRƆŊ LƐ

²³ Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

Ṅmãle̱ Kroṅkroṅ Le̱

²³ Ni beni eše̱ dše̱i ní ebana Nyoṅmo̱ dromo̱ le̱, emĩ še̱ ehe, ni ewie etšõ ame̱fẽ ake̱ ame̱ke̱ tšui ní fĩ ši akpe̱te̱ Nuṅtšo̱ le̱ he. 13,43.

Bɔfoi 11:23 ပူးပေါင်းရင်းမြစ်များ

2 Maŋtsɛmɛi 18:6

Eye Yehowa anɔkwa; ni ejeee Yehowa sɛɛ, ni eye kitãi ni Yehowa wo Mose lɛ nɔ.

Lalai 17:3

Kɛji oka mitsui okwɛ, kɛ otao mimli nyɔɔŋ, ni oka mi okwɛ lɛ, onaŋ nɔ fɔŋ ko kwraa yɛ mimli; mikɛ minaabu efeee efɔŋ.

Abe̱i 23:15

Mibi, kɛji ooona jwɛŋmɔ lɛ, mi hu mitsui aaanyɔ mimli.

Abe̱i 23:28

Ewoɔ ka tamɔ ojotswalɔ, ni ehãa mɛi ni yeee anɔkwa ayi faa yɛ gbɔmɛi ateŋ.

Daniel 1:8

Shi Daniel tswa efai shi akɛ eyeŋ maŋtsɛ niyenii ni ewo fɔ lɛ, ni enuŋ maŋtsɛ wain lɛ hu koni ekabule ehe. No hewɔ lɛ, ekpa Ashpenaz, piafonyonukpa fe fɛɛ lɛ, fai akɛ eŋmɛ lɛ gbɛ koni ekabule ehe.

Mateo 16:24

Kɛkɛ ni Yesu kɛɛ ekaselɔi lɛ akɛ, “Kɛji mɔ ko miisumɔ akɛ enyiɛ misɛɛ lɛ, ekwa ehe ni ewo esɛŋmɔtso lɛ ni enyiɛ misɛɛ.

Marko 2:5

Be ni Yesu na amɛhemɔkɛyeli lɛ, ekɛɛ helatsɛ lɛ akɛ, “Bi, akɛ ohe eshai lɛ efa bo!”

Yohane 15:4

Nyɛhia mimli, ni mi hu mahi nyɛmli. Tamɔ bɔ ni tso nine nyɛŋ awo yibii lɛ diɛŋtsɛ akɛ ja ema waintso lɛ he lɛ, nakai nyɛ hu nyɛnyɛŋ akɛ ja nyɛhi mimli.

Bɔfoi 13:43

Ni be ni mɛi ni yɔɔ kpeehe lɛ ekpa lɛ, Yudafoi kɛ mɛi ni sheɔ Nyɔŋmɔ gbeyei ni emɔ Yudafoi lɛ ajamɔ lɛ mli lɛ ateŋ mɛi pii nyiɛ amɛsɛɛ, ni Paulo kɛ Barnaba wie tsɔ̃ɔ amɛ, ni amɛwo amɛ ŋaa akɛ amɛhi Nyɔŋmɔ dromɔ lɛ mli.

Bɔfoi 14:22

Amɛsaa amɛwo kaselɔi lɛ amumɔŋ hewalɛ, ni amɛwie amɛtsɔ̃ɔ amɛ, akɛ amɛhiɛ hemɔkɛyeli lɛ mli, ni asaŋ esa akɛ wɔtsɔ̃ɔ amanehului pii amli kɛboteɔ Nyɔŋmɔ Maŋtsɛyeli lɛ mli.

Bɔfoi 14:26

Ni amɛbote lɛlɛ mli yɛ jɛi, ni amɛfã kɛba Antiokia, he ni atu amɛ awo Nyɔŋmɔ dromɔ lɛ dɛŋ kɛhã nitsumɔ ni amɛtsu amɛgbe naa nɛɛ yɛ lɛ.

Bɔfoi 15:40

Shi Paulo lɛ, efã Sila efata ehe, ni be ni nyɛmimɛi lɛ tu lɛ wo Nyɔŋmɔ dromɔ lɛ dɛŋ lɛ Paulo yi mli.

Bɔfoi 20:24

Shi kɛ̃lɛ mibuuu miwala akɛ ejara wa hã mi, bɔ ni afee ni mikɛ miishɛɛ agbe migbɛnyiɛmɔ lɛ kɛ sɔ̃ɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ dromɔ lɛ he Sanekpakpa lɛ he odase faŋŋ lɛ naa.

Bɔfoi 20:32

“Ni agbɛnɛ lɛ, anyɛmimɛi, miitu nyɛ miiwo Nyɔŋmɔ kɛ edromɔ wiemɔ lɛ dɛŋ; lɛ eyɔɔ hewalɛ ni ekɛaahã nyɛnane amɔ shi ni ekɛ gboshinii lɛ ahã nyɛ yɛ mɛi fɛɛ ni atsuu amɛhe lɛ ateŋ.

Bɔfoi 4:36

Ni Yose, mɔ ni bɔfoi lɛ wo lɛ Barnaba (eshishi ji: Miishɛjemɔ bi) lɛ, ni ji Levinyo ni esɛɛ jɛ Kipro lɛ,

Romabii 12:8

mɔ ni wieɔ tsɔ̃ɔ mɛi lɛ, ehiɛ wiemɔ kɛ tsɔ̃ɔmɔ lɛ mli; mɔ ni kɛ enii feɔ ejurɔ lɛ, efee kɛ tsui krɔŋŋ; mɔ ni yeɔ onukpa lɛ, ebɔ mɔdɛŋ; mɔ ni naa mɔbɔ lɛ, efee kɛ tsuijurɔ.

1 Korintobii 15:58

No hewɔ lɛ, minyɛmimɛi ni misumɔɔ, nyɛfĩa shi ni nyɛkagbugbãa ni nyɛtekea nɔ yɛ Nuŋtsɔ lɛ nitsumɔ lɛ mli daa nɛɛ, ejaakɛ nyɛle akɛ nyɛdeŋmegbomɔ lɛ efeŋ yaka yɛ Nuŋtsɔ lɛ mli.

2 Korintobii 1:17

Belɛ ni mito miyiŋ nakai lɛ, yiŋ flɛflɛ mikɛfee? Aloo miyiŋ ni mito lɛ, gbɔmɔ jwɛŋmɔ mikɛto, ni makɛɛ “hɛɛ”, “hɛɛ”, kɛ “dabi” “dabi”, fɛɛ shi kome?

2 Korintobii 6:1

Shi akɛni Nyɔŋmɔ hefatalɔi ji wɔ yɛ enitsumɔ lɛ mli lɛ, wɔmiikpa nyɛ fai ni nyɛkahã Nyɔŋmɔ dromɔ ni nyɛnine eshɛ nɔ lɛ fee yaka.

5 Mose 10:20

Nyɛshea Yehowa, nyɛNyɔŋmɔ lɛ, gbeyei; nyɛsɔmɔa lɛ; nyɛkpɛtɛa ehe, ni lɛ egbɛi lɛ pɛ nyɛkɛkã kitã.

5 Mose 30:20

Nyɛsumɔa Yehowa, nyɛNyɔŋmɔ lɛ, ni nyɛboa lɛ toi, ni nyɛkpɛtɛa lɛ. Ejaakɛ no aaahã nyɛyi ana wala ni nyɛtsɛ yɛ jeŋ koni nyɛhi shikpɔŋ lɛ ni Yehowa kã nyɛtsɛmɛi Abraham kɛ Isak kɛ Yakob he kitã akɛ ekɛaahã amɛ lɛ nɔ.”

Kolosebii 1:6

Sanekpakpa lɛ eshɛ nyɛŋɔɔ tamɔ bɔ nɔŋŋ ni eyɔɔ yɛ jeŋ muu lɛ fɛɛ mli, ni eewo yibii ni eeshwere, tamɔ bɔ ni efeɔ yɛ nyɛ hu nyɛteŋ kɛjɛ gbi nɔ ni nyɛnu ni nyɛna nyɛle Nyɔŋmɔ dromɔ lɛ yɛ anɔkwale mli lɛ.

2 Timoteo 3:10

Shi bo lɛ, ole mitsɔ̃ɔmɔ, mijeŋba, miyiŋtoo, mihemɔkɛyeli, mitsuishitoo, misuɔmɔ, mihiɛmiamɔ,

Yoshua 22:5

Shi moŋ nyɛkwɛa nyɛhe nɔ jogbaŋŋ ni ahia koni nyɛye kitãi kɛ mlai lɛ ni Yehowa tsulɔ Mose wo nyɛ lɛ anɔ. No ji akɛ nyɛsumɔ nyɛNyɔŋmɔ lɛ, ni nyɛfee esuɔmɔnaanii, ni nyɛye ekitãi lɛ anɔ, ni nyɛye lɛ anɔkwa, ni nyɛsɔ̃mɔ lɛ kɛ nyɛtsui kɛ nyɛnyɛmɔ fɛɛ.”

Yoshua 23:8

Shi moŋ nyɛkpɛtɛa Yehowa, nyɛNyɔŋmɔ lɛ, tamɔ bɔ ni nyɛfee kɛbashi ŋmɛnɛ gbi nɛɛ lɛ,

1 Petro 5:12

Mitsɔ̃ wɔnyɛmi Silvano ni ji anɔkwafo tamɔ bɔ ni mibuɔ lɛ lɛ nɔ miŋma nyɛ wolo fioo nɛɛ mikɛmiiwo nyɛ ekãa, ni mikɛmiiye odase miishi sɛɛ akɛ enɛ ji Nyɔŋmɔ anɔkwa dromɔ lɛ. Nyɛdamɔa shi shiŋŋ yɛ mli.

1 Yohane 2:28

Ni agbɛnɛ, mibii bibii, nyɛhia emli koni be ni eeebapue lɛ, wɔna ekãa ni wɔhiɛ akagboi ni wɔnyɛɛɛ ehiɛ wɔdamɔ yɛ ebaa lɛ mli.

3 Yohane 1:4

Mibɛ miishɛɛ ko ni da fe enɛ akɛ manu akɛ mibii lɛ nyiɛɔ yɛ anɔkwale lɛ mli lɛ.

Yuda 1:4

Ejaakɛ gbɔmɛi komɛi eju shi ebabote wɔteŋ, mɛi ni blema beebe ajɛ aŋma amɛhe sane afɔ̃ shi ahã nɛkɛ kojomɔ nɛɛ, mɛi ni sheee Nyɔŋmɔ gbeyei ni ŋɔɔ wɔNyɔŋmɔ dromɔ lɛ amɛbɔɔ nyɛnyɛŋtswi, ni amɛkwaa Nyɔŋmɔ ni ji nɔyelɔ koome lɛ kɛ wɔNuŋtsɔ Yesu Kristo lɛ.