Bɔfoi 11:20 - ŊMALƐ KRƆŊKRƆŊ LƐ

²⁰ Shi amɛteŋ mɛi komɛi lɛ, Kiprobii kɛ Kirenebii ji amɛ, ni amɛba Antiokia amɛbawie amɛtsɔ̃ɔ Helabii lɛ hu, ni amɛjaje Nuŋtsɔ Yesu he Sanekpakpa lɛ amɛtsɔ̃ɔ amɛ.

Ṅmãle̱ Kroṅkroṅ Le̱

²⁰ Ši ame̱teṅ meikomei le̱, Kiprobii ke̱ Kirẽnebii dšiame̱, ni mene̱mei ba Antiokia ame̱bawie ame̱tšõ Helabii le̱ hũ, ni ame̱dšadše Nuṅtšo̱ Iesu he sanekpakpa le̱ ame̱tšõame̱.

Bɔfoi 11:20 ပူးပေါင်းရင်းမြစ်များ

Mateo 27:32

Be ni amɛyaa lɛ; amɛna nuu Kirenenyo ko ni atsɛɔ lɛ Simon, ni amɛnyɛ enɔ ni ewo Yesu sɛŋmɔtso lɛ.

Yohane 7:35

No hewɔ lɛ, Yudafoi lɛ kɛɛkɛɛ amɛhe akɛ, “Nɛgbɛ mɔ nɛ baaya ni wɔnaŋ lɛ? Ani mɛi ni egbɛ eshwã Helabii lɛ ateŋ lɛ aŋɔɔ ebaaya, ni eyatsɔ̃ɔ Helabii lɛ anii?

Bɔfoi 11:19

Mɛi ni gbɛ shwa yɛ Stefano amanehulu lɛ mli lɛ fo mli kɛtee Foinikia kɛ Kipro kɛ Antiokia tɔ̃ɔ, shi amɛjajeee wiemɔ lɛ amɛtsɔ̃ɔɔ mɔ ko mɔ ko akɛ ja Yudafoi lɛ kɛkɛ.

Bɔfoi 11:22

Ni amɛhe sane lɛ bashɛ Yerusalɛm asafo lɛ toiŋ, ni amɛtsu Barnaba kɛtee Antiokia.

Bɔfoi 11:26

Ni eba mli akɛ amɛkɛ asafo lɛ hi shi afi naakplɔ, ni amɛtsɔ̃ɔ mɛi babaoo anii, ni Antiokia klɛŋklɛŋ awo kaselɔi lɛ agbɛi yɛ akɛ Kristofoi.

Bɔfoi 11:27

Shi nɛkɛ bei nɛɛ amli lɛ, gbalɔi komɛi jɛ Yerusalɛm ba Antiokia.

Bɔfoi 13:1

Shi gbalɔi kɛ tsɔɔlɔi komɛi yɛ Antiokia asafo lɛ mli, amɛ ji Barnaba kɛ Simeon, mɔ ni atsɛɔ lɛ Niger hu lɛ, kɛ Lukio, Kirenenyo lɛ, kɛ Manahen, mɔ ni alɛ lɛ kɛ lumɔ Herode lɛ kɛ Saul.

Bɔfoi 14:26

Ni amɛbote lɛlɛ mli yɛ jɛi, ni amɛfã kɛba Antiokia, he ni atu amɛ awo Nyɔŋmɔ dromɔ lɛ dɛŋ kɛhã nitsumɔ ni amɛtsu amɛgbe naa nɛɛ yɛ lɛ.

Bɔfoi 15:22

Kɛkɛ ni esa bɔfoi lɛ kɛ onukpai lɛ kɛ asafo muu lɛ fɛɛ hiɛ akɛ amɛaafãmɔ hii komɛi yɛ amɛ diɛŋtsɛ amɛteŋ, ni atsu amɛ kɛ Paulo kɛ Barnaba kɛya Antiokia. Hii nɛɛ ji Yuda, mɔ ni atsɛɔ lɛ Barsaba hu lɛ, kɛ Sila; gbɔmɛi nɛɛ ji hiɛnaanɔbii yɛ nyɛmimɛi lɛ ateŋ.

Bɔfoi 15:23

Ni amɛŋma wolo amɛhã amɛ akɛ, “Bɔfoi lɛ kɛ onukpai lɛ kɛ nyɛmimɛi lɛ miibi nyɛmimɛi ni jɛ jeŋmaji lɛ ateŋ ni yɔɔ Antiokia kɛ Siria kɛ Kilikia lɛ jogbaŋŋ.

Bɔfoi 15:30

Be ni awo mɛi ni atsu lɛ gbɛ lɛ, amɛba Antiokia ni amɛbabua asafo muu lɛ naa ni amɛkɛ wolo lɛ hã amɛ.

Bɔfoi 17:18

Shi nilelɔi ni ji Epikuromɛi kɛ Stoamɛi lɛ ateŋ mɛi komɛi kɛ lɛ taa naa ni mɛi komɛi kɛɛ, “Mɛni po naafuutsɛ nɛɛ taoɔ ekɛɛ?” Ni mɛi komɛi hu kɛɛ, “Etamɔ mɔ ni jajeɔ maŋsɛɛ jemawɔji ahe sane etsɔ̃ɔ.” Amɛkɛɛ enɛ ejaakɛ ejaje Yesu kɛ shitee lɛ he Sanekpakpa lɛ etsɔ̃ɔ amɛ.

Bɔfoi 18:22

Be ni eyakpeleke Kaisarea lɛ, etee Yerusalɛm ni eyaŋa asafo lɛ, ni eyiŋ etee Antiokia.

Bɔfoi 2:10

Frigia kɛ Pamfilia, Ijipt kɛ Libia niiaŋ yɛ Kirene masɛi kɛ gbɔi ni jɛ Roma, Yudafoi kɛ mɛi ni etsɔ̃mɔ Yudafoi,

Bɔfoi 4:36

Ni Yose, mɔ ni bɔfoi lɛ wo lɛ Barnaba (eshishi ji: Miishɛjemɔ bi) lɛ, ni ji Levinyo ni esɛɛ jɛ Kipro lɛ,

Bɔfoi 5:42

Ni gbi fɛɛ gbi lɛ amɛfɔ̃ɔɔ nitsɔɔmɔ kɛ Yesu Kristo shiɛmɔ yɛ Sɔlemɔ we lɛ kɛ shĩai.

Bɔfoi 6:1

Nakai bei lɛ amli, be ni kaselɔi lɛ ayi faa lɛ, Helenibii lɛ wie huhuuhu amɛshi Hebribii lɛ, ejaakɛ Hebribii lɛ ahiɛ jeɔ Helenibii lɛ okulafoi lɛ anɔ yɛ daa kwɛmɔ lɛ gbɛfaŋ.

Bɔfoi 6:5

Ni wiemɔ lɛ sa asafo muu lɛ fɛɛ hiɛ; ni amɛfamɔ Stefano, nuu ko ni hemɔkɛyeli kɛ Mumɔ Krɔŋkrɔŋ eyi lɛ obɔ̃, kɛ Filipo kɛ Prokoro kɛ Nikanora kɛ Timon kɛ Parmena kɛ Nikolao ni emɔ Yudafoi ajamɔ mli ni ejɛ Antiokia lɛ,

Bɔfoi 6:9

Shi mɛi komɛi ni jɛ kpeehe ni atsɛɔ lɛ “Mɛi ni eye amɛhe” akpeehe lɛ, kɛ Kirenemɛi kɛ Aleksandriamɛi kɛ mɛi ni jɛ Kilikia kɛ Asia lɛ ateŋ mɛi komɛi te shi ni amɛkɛ Stefano taa naa;

Bɔfoi 8:35

Ni Filipo gbele enaa ni eje shishi kɛjɛ ŋmalɛ nɛɛ nɔ, ni ejaje Yesu he Sanekpakpa lɛ etsɔ̃ɔ lɛ.

Bɔfoi 8:5

Ni Filipo tee Samaria maŋ ko nɔ, ni eyashiɛ Kristo he sane etsɔ̃ɔ jɛi bii lɛ.

Bɔfoi 9:20

Ni amrɔ lɛ nɔŋŋ eshiɛ yɛ kpeehei lɛ akɛ Yesu ji Nyɔŋmɔ Bi lɛ.

Bɔfoi 9:29

Ni ekɛ Helenibii lɛ wie ni ekɛ amɛ taa naa; shi amɛka lɛ gbee.

1 Korintobii 2:2

ejaakɛ mitooo miyiŋ akɛ male nɔ ko yɛ nyɛteŋ, akɛ ja Yesu Kristo, mɔ ni asɛŋ lɛ lɛ.

Galatabii 2:11

Shi be ni Kefa ba Antiokia lɛ midamɔ ehiɛ miku enaa, ejaakɛ eye sane ni ejaaa.

Efesobii 3:8

mi ni mi ji bibioo fe hetselɔi lɛ fɛɛ lɛ, akɛ nɛkɛ dromɔ nɛɛ ehã mi, akɛ mijaje Kristo nifalɛ ni anyɛɛɛ shishi ana lɛ he Sanekpakpa lɛ mitsɔ̃ɔ jeŋmaji lɛ.