Bɔfoi 11:18 - ŊMALƐ KRƆŊKRƆŊ LƐ

¹⁸ Shi be ni amɛnu wiemɔi nɛɛ lɛ, amɛmua amɛnaa, ni amɛwo Nyɔŋmɔ hiɛ nyam moŋ amɛkɛɛ, “Belɛ jeŋmaji lɛ hu Nyɔŋmɔ ehã amɛ tsuitsakemɔ ni akɛhere amɛyiwala!”

Ṅmãle̱ Kroṅkroṅ Le̱

¹⁸ Ši beni ame̱nu wiemo̱i ne̱ le̱, ame̱bu ame̱nā, ni ame̱wo Nyoṅmo̱ hĩe nyam ame̱kē̱: Bĕle̱ dšeṅmãdši le̱ hũ Nyoṅmo̱ ehãame̱ tšuitšakemo̱ ní ako̱-ahere ame̱yiwala!

Bɔfoi 11:18 ပူးပေါင်းရင်းမြစ်များ

Yesaia 11:10

Be miiba be ni maŋtsɛ ni aaajɛ Ishai mli lɛ baatsɔ̃ tamɔ aflaŋaa ni ashi ahã majimaji lɛ. Lɛ esɛɛgbɛ maji lɛ fɛɛ aaatao, ni eshihilɛhe lɛ hiɛ baaba nyam.

Yesaia 60:21

Omaŋ muu lɛ fɛɛ aaafee nɔ ni ja, ni shikpɔŋ lɛ aaatsɔ̃ amɛnɔ kɛya naanɔ, amɛ ji tso ni mitɛo akɛ mi mininenaa nitsumɔ nii koni akɛwo mihiɛ nyam.

Yesaia 61:3

Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

Ezekiel 36:26

“Mahã nyɛ tsui hee ni mikɛ mumɔ hee baawo nyɛmli, ni majie nyɛtsui ni wa tamɔ tɛ lɛ kɛje nyɛmli ni mahã nyɛ heloo tsui ni he jɔ.

Ezekiel 47:22

Nyɛfɔ̃a oshiki kɛjaa shikpɔŋ lɛ nyɛhãa nyɛhe, ni etsɔ̃ gboshinii eha nyɛ kɛ mɛi ni ebato gbɔ yɛ nyɛteŋ, ni amɛfɔɔ bii yɛ nyɛteŋ lɛ. Amɛtsɔmɔ tamɔ Israel fɔmɔbii nɔŋŋ yɛ nyɛteŋ koni amɛ kɛ nyɛ aja shikpɔŋ lɛ pɛpɛɛpɛ akɛ gboshinii hã nyɛ yɛ Israel akutsei lɛ anaa.

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Mateo 9:8

Shi be ni asafo lɛ na lɛ, amɛnaa kpɛ amɛhe, ni amɛwo Nyɔŋmɔ hiɛ nyam akɛ ekɛ nɛkɛ hegbɛ ehã gbɔmɛi.

Bɔfoi 11:1

Agbɛnɛ bɔfoi lɛ kɛ nyɛmimɛi ni yɔɔ Yudea lɛ fɛɛ nu akɛ jeŋmajiaŋbii lɛ hu emɔ Nyɔŋmɔ wiemɔ lɛ mli.

Bɔfoi 14:27

Shi be ni amɛba jɛi ni amɛbabua asafo lɛ naa lɛ, amɛgba amɛ nii ni Nyɔŋmɔ kɛ amɛ eyatsu lɛ fɛɛ, kɛ bɔ ni egbele gbɛ ehã jeŋmaji lɛ ni amɛhe amɛye lɛ.

Bɔfoi 15:3

No hewɔ lɛ, be ni asafo lɛ ebajie amɛ gbɛ lɛ, amɛtsɔ̃ Foinikia kɛ Samaria ni amɛgba jeŋmaji lɛ atsakemɔ lɛ, ni amɛkɛhã nyɛmimɛi lɛ fɛɛ na miishɛɛ naakpa.

Bɔfoi 20:21

ni miye odase mitsɔ̃ɔ Yudafoi kɛ Helabii fɛɛ akɛ amɛkpale kɛba Nyɔŋmɔ ŋɔɔ ni amɛhe wɔNuŋtsɔ Yesu nɔ amɛye.

Bɔfoi 21:20

Shi be ni amɛnu lɛ, amɛwo Nyɔŋmɔ hiɛ nyam, ni amɛkɛɛ lɛ akɛ, “Anyɛmi, kwɛmɔ Yudafoi akpei abɔ ni ehe eye nɛɛ, ni amɛ fɛɛ lɛ, Mla lɛ he hiɛdɔlɔi ji amɛ.

Bɔfoi 3:19

No hewɔ lɛ, nyɛtsakea nyɛtsui ni nyɛkua nyɛsɛɛ, koni agbe nyɛhe eshai lɛ,

Bɔfoi 3:26

Ni Nyɔŋmɔ tee etsulɔ Yesu lɛ shi lɛ, nyɛ tsutsu nyɛŋɔɔ etsu lɛ ni ebajɔɔ nyɛ ni ekpale nyɛteŋ mɔ fɛɛ mɔ kɛjɛ enifɔɔji anii lɛ ahe.”

Bɔfoi 5:31

lɛ enɔ Nyɔŋmɔ wo kɛtee eninejurɔ nɔ, ni ewo lɛ lumɔ kɛ yiwalaherelɔ, koni ehã Israel ana tsuitsakemɔ kɛ eshaifaa.

Romabii 9:30

Belɛ te wɔɔkɛɛ tɛŋŋ? Akɛ jeŋmajiaŋbii ni ediii jalɛ sɛɛ lɛ ena jalɛ ni ji jalɛ ni jɛ hemɔkɛyeli mli lɛ;

2 Korintobii 3:18

Shi wɔ fɛɛ ni wɔkɛ hiɛ kpetekplee kwɛɔ Nuŋtsɔ lɛ anunyam lɛ tamɔ akwɛɔ ashwishwɛ mli lɛ, wɔmiitsake wɔmiitsɔ̃mɔ nakai subaŋ lɛ nɔŋŋ kɛmiijɛ anunyam mli kɛmiiya anunyam mli, tamɔ bɔ ni ejeɔ Nuŋtsɔ ni ji Mumɔ lɛ ŋɔɔ lɛ.

2 Korintobii 7:10

Ejaakɛ dɔlɛ ni sa Nyɔŋmɔ hiɛ lɛ tsɛɔ tsuitsakemɔ kɛbaa, tsuitsakemɔ ni kɛ mɔ yaa yiwalaheremɔ ni ashwaaa he yɛ he lɛ mli; shi je nɛɛ mli dɔlɛ lɛ tsɛɔ gbele.

Galatabii 1:24

Ni amɛwo Nyɔŋmɔ hiɛ nyam yɛ mihewɔ.

Yoshua 22:30

Rubenbii lɛ kɛ Gadbii lɛ kɛ Manasebii akutso lɛ fã kome lɛ naajiemɔ lɛ sa Finehas kɛ Israel asafo lɛ mli lumɛi nyɔŋma lɛ, ni ji Israelbii aweku nukpai ni fata Finehas he kɛba lɛ, ahiɛ jogbaŋŋ.