Bɔfoi 10:43 - ŊMALƐ KRƆŊKRƆŊ LƐ

⁴³ Lɛ ehe odase gbalɔi lɛ fɛɛ yeɔ, akɛ mɔ fɛɛ mɔ ni heɔ enɔ yeɔ lɛ aaana ehe eshai faa yɛ egbɛi lɛ hewɔ.”

Ṅmãle̱ Kroṅkroṅ Le̱

⁴³ Le̱ ehe odase *gbalo̱i le̱ fẽ yeo̱, ake̱ mofẽmo ní heo̱ eno̱ yeo̱ le̱ aaná ehe ešai fā ye̱ egbe̱i le̱ ahewo. *Ies. 63,5. 6. Ier. 31,34. Ezek. 31,15. Dan. 9,21.

Bɔfoi 10:43 ပူးပေါင်းရင်းမြစ်များ

Zakaria 13:1

“Nakai gbi lɛ nɔ lɛ abaagbele nu hiŋmɛi naa ahã David we lɛ kɛ mɛi ni yɔɔ Yerusalɛm lɛ, koni akɛfɔ amɛhe eshai kɛ amɛhe muji ashwie.”

Bɔfoi 2:38

Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Yesaia 53:11

Esusuma haomɔ lɛ hewɔ lɛ, eeena nii ni aaahã etsui anyɔ emli. Kɛtsɔ̃ mitsulɔ jalɔ lɛ nilee nɔ lɛ, eeehã aŋɔ mɛi babaoo akɛ jalɔi, ni eeetere amɛnishaianii lɛ.

Yeremia 31:34

Ni mɔ ko etsɔŋ enaanyo, ni mɔ ko hu etsɔŋ enyɛmi dɔŋŋ akɛ, ‘Le Yehowa’, ejaakɛ amɛ fɛɛ kwa amɛaale mi, kɛjɛ amɛteŋ mɔ bibioo nɔ kɛyashi mɔ wulu nɔ, ejaakɛ mikɛ amɛnishaianii lɛ baafa amɛ, ni mikaiŋ eshai ni amɛfee lɛ dɔŋŋ. Mi Yehowa, mikɛɛ.”

Romabii 10:11

Ejaakɛ ŋmalɛ lɛ kɛɔ akɛ, “Mɔ fɛɛ mɔ ni heɔ enɔ yeɔ lɛ, ehiɛ gboŋ.”

1 Petro 1:11

Ni amɛsaa amɛtao amɛna be lɛ ni Kristo Mumɔ ni yɔɔ amɛmli lɛ tsɔ̃ɔ lɛ, be mli ni eyeɔ amanehului ni baaba Kristo nɔ kɛ anunyam ni baaba yɛ nomɛi asɛɛ lɛ ahe odase etoɔ lɛ, kɛ bɔ ni nakai be lɛ yɔɔ.

Romabii 5:1

Agbɛnɛ akɛni adamɔ hemɔkɛyeli nɔ abu wɔ bem hewɔ lɛ, wɔ kɛ Nyɔŋmɔ teŋ yɛ hejɔlɛ kɛtsɔ̃ wɔNuŋtsɔ Yesu Kristo nɔ.

Romabii 8:1

No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

Yohane 5:24

“Anɔkwale mikɛɔ nyɛ akɛ, mɔ ni nuɔ miwiemɔ ni eheɔ mɔ ni tsu mi lɛ eyeɔ lɛ, eyɛ naanɔ wala, ni ebaŋ kojomɔ mli, shi moŋ efo mli yɛ gbele mli kɛtee wala mli.

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Romabii 8:34

Namɔ ji mɔ ni buɔ fɔ lɛ? Kristo, mɔ ni gbo, shi nɔ ni fe no lɛ, mɔ ni atee lɛ shi ni eyɔɔ Nyɔŋmɔ ninejurɔ nɔ, ni esaa edamɔɔ mli ehãa wɔ lɛ?

Bɔfoi 26:22

Shi Nyɔŋmɔ yelikɛbuamɔ naa mikɛdamɔ shi kɛbashi ŋmɛnɛ gbi nɛɛ nɔ, ni miyeɔ odase mitsɔ̃ɔ mɛi bibii kɛ mɛi wuji nɛɛ, ni miwieee wiemɔ ko akɛ ja nii ni gbalɔi lɛ kɛ Mose hu ewie akɛ ebaaba lɛ,

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Bɔfoi 15:9

ni ejieee niiaŋ yɛ wɔ kɛ amɛ teŋ, ejaakɛ ekɛ hemɔkɛyeli tsuɔ amɛtsuii ahe.

Bɔfoi 3:16

Ni egbɛi lɛ nɔ hemɔkɛyeli naa, ni egbɛi lɛ tsa nuu nɛɛ ni nyɛnaa ni nyɛle lɛ; ni enɔ hemɔkɛyeli lɛ ehã efee kpiŋtiŋkpliŋŋ yɛ nyɛ fɛɛ nyɛhiɛ nɛɛ.

Yohane 20:31

shi enɛɛmɛi lɛ aŋma koni nyɛhe nyɛye akɛ Yesu ji Kristo, Nyɔŋmɔ Bi lɛ, ni kɛ nyɛhe nyɛye lɛ, nyɛaana wala kɛtsɔ̃ egbɛi lɛ nɔ.

Marko 16:16

Mɔ ni heɔ yeɔ ni aaabaptisi lɛ lɛ, aaahere eyiwala, shi mɔ ni heee yeee lɛ, aaabu lɛ fɔ.

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

Kpojiemɔ 19:10

Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.

Galatabii 3:22

Shi moŋ; ŋmalɛ lɛ eŋa nibii fɛɛ yi ewo esha shishi, koni atsɔ̃ Yesu Kristo nɔ hemɔkɛyeli nɔ akɛ shiwoo lɛ ahã mɛi ni heɔ yeɔ lɛ.

Daniel 9:24

“Be ni Nyɔŋmɔ eto ni ekɛbaafo omaŋbii lɛ kɛ omaŋ krɔŋkrɔŋ lɛ eshai kɛ nifɔɔjianii ni afee lɛ sɛɛ lɛ ji afii nyɔŋmai kpawo toi kpawo; abaafo eshafeemɔ sɛɛ; abaakpãtã eshafeelɔ kɛ Nyɔŋmɔ teŋ; ni jalɛ saneyeli aaabaye nɔ kɛya naanɔ; abaawo ninaa kɛ gbalɛ fɛɛ obɔ̃; ni abaasaa ajɔɔ He Krɔŋkrɔŋ lɛ nɔ ekoŋŋ.

Hebribii 13:20

Shi hejɔlɛ Nyɔŋmɔ lɛ, mɔ ni jie toi lɛ akwɛlɔ kpeteŋkple ni ji wɔNuŋtsɔ Yesu kɛjɛ gbohii ateŋ yɛ naanɔ kpãŋmɔ lɛ lá lɛ mli lɛ,

Kolosebii 1:14

lɛ emli wɔna kpɔ̃mɔ lɛ ni ji wɔhe eshai faa lɛ yɛ.

Efesobii 1:7

Lɛ emli wɔna kpɔ̃mɔ lɛ yɛ, ni ji nɔtɔmɔi afaa lɛ, kɛtsɔ̃ elá lɛ nɔ, yɛ edromɔ falɛ lɛ naa.

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

Bɔfoi 3:18

shi nii ni Nyɔŋmɔ ekɛɛ eto momo yɛ egbalɔi lɛ fɛɛ anaa akɛ eKristo lɛ aaana amanehulu lɛ, ehã eba mli nakai.

Yohane 1:45

Filipo hu na Natanael, ni ekɛɛ lɛ akɛ, “Wɔna mɔ ni Mose ŋma ehe sane yɛ Mla lɛ mli, kɛ mɔ ni gbalɔi lɛ hu ŋma ehe sane lɛ, Yesu, Yosef bi ni jɛ Nazaret lɛ.”

Luka 24:47

ni ashiɛ tsuitsakemɔ kɛ eshaifaa yɛ egbɛi lɛ mli atsɔ̃ɔ maji fɛɛ, ni abɔ̃i kɛjɛ Yerusalɛm.

Romabii 3:21

Shi agbɛnɛ lɛ ashi Mla lɛ sɛɛ ajie Nyɔŋmɔ jalɛ lɛ kpo faŋŋ, ni no he odase Mla lɛ kɛ gbalɔi lɛ yeɔ;