Bɔfoi 10:22 - ŊMALƐ KRƆŊKRƆŊ LƐ

²² Ni amɛkɛɛ, “Asraafoiohaatsɛ Kornelio, ni ji nuu jalɔ kɛ Nyɔŋmɔ gbeyeishelɔ ni Yudafoi amaŋ muu lɛ fɛɛ yeɔ ehe odase lɛ, lɛ ŋwɛi bɔfo krɔŋkrɔŋ ko kɛɛ lɛ akɛ etsu ni abakpee bo kɛba ewe lɛ, koni ebo onaa toi.”

Ṅmãle̱ Kroṅkroṅ Le̱

²² Ni ame̱kē̱: Asafoatše̱ Kornelio̱, ní dši nū dšalo̱ ke̱ Nyoṅmo̱ gbeyeišelo̱ ní Iudafoi amaṅ mū le̱ fẽ wieo̱ ehe ekpakpa le̱, le̱ ṅweibo̱fo kroṅkroṅ ko kē̱le̱ ake̱ etšũ ni abakpēo ke̱-ba ewe le̱, koni ebo onā toi.

Bɔfoi 10:22 ပူးပေါင်းရင်းမြစ်များ

Hosea 14:9

Mɔ ni le nii lɛ, enu saji nɛɛ ashishi; ni hiɛshikãlɔ lɛ ekɔ sɛɛ. Naa, Yehowa gbɛi fɛɛ ja, ni nomɛi mɔ ni feɔ jalɛnii kɛbaa ejeŋ; nomɛi anaa mɔ ni feɔ jalɛnii hiɔ shi yɛ; shi eshafeelɔi tswaa egbɛi lɛ amɛfɔ̃ɔ, ni no hewɔ lɛ, amɛtɛrɛɔ, ni amɛgbeɔ shi.

Habakuk 2:4

Ni shɛɛ wiemɔ lɛ nɛ: ‘Naa, mɔ ni efeee jalɛnii lɛ, eyi naŋ wala; shi mɔ ni feɔ jalɛnii lɛ ehemɔkɛyeli nɔ ebaatsɔ̃ ni eyi ana wala.’ ”

Mateo 1:19

Shi Yosef, ewu lɛ, akɛni jalɔ ji lɛ ni etaooo akɛ ebɔ lɛ ahora lɛ eto eyiŋ akɛ eeeŋmɛɛ ehe kpoo.

Mateo 2:12

Ni akɛni ajie atsɔ̃ɔ amɛ yɛ wɔlamɔ mli akɛ amɛkaku amɛsɛɛ amɛtee Herode ŋɔɔ dɔŋŋ lɛ amɛtsɔ̃ gbɛ kroko nɔ kɛtee amɛshikpɔŋ nɔ.

Marko 6:20

ejaakɛ Herode miishe Yohane gbeyei, akɛni ele akɛ jalɔ kɛ mɔ krɔŋkrɔŋ ji lɛ lɛ, ni eto lɛ shweshweeshwe. Kɛ ebo ewiemɔ toi lɛ, ehe jaraa lɛ pii, shi kɛ̃lɛ esumɔɔ akɛ ebo lɛ toi.

Marko 8:38

Ejaakɛ mɔ fɛɛ mɔ ni mi kɛ miwiemɔi lɛ ahe feɔ lɛ hiɛgbele yɛ yinɔbii gbãlãfitelɔi kɛ eshafeelɔi nɛɛ ateŋ lɛ, lɛ hu ehe aaafee Gbɔmɔ Bi lɛ hiɛgbele be ni eeeba yɛ eTsɛ anunyam lɛ mli kɛ bɔfoi krɔŋkrɔŋi lɛ.”

Luka 2:25

Ni naa, nuu ko yɛ Yerusalɛm ni atsɛɔ lɛ akɛ Simeon; nakai nuu lɛ jalɔ ji lɛ, ni esheɔ Nyɔŋmɔ gbeyei, ni eekwɛ Israel yiwalaheremɔ lɛ gbɛ. Mumɔ Krɔŋkrɔŋ yɛ enɔ,

Luka 23:50

Ni naa, nuu ko yɛ ni atsɛɔ lɛ Yosef, ni ji akwaashɔŋnyo; eji gbɔmɔ kpakpa kɛ jalɔ.

Luka 9:26

Ejaakɛ mɔ fɛɛ mɔ ni mi kɛ miwiemɔi lɛ ahe feɔ lɛ hiɛgbele lɛ, lɛ hu ehe aaafee Gbɔmɔ Bi lɛ hiɛgbele, be ni eeeba yɛ lɛ diɛŋtsɛ enunyam lɛ kɛ eTsɛ nɔ lɛ kɛ bɔfoi krɔŋkrɔŋi lɛ anɔ lɛ mli lɛ.

Yohane 13:20

Anɔkwale mikɛɔ nyɛ akɛ, mɔ ni hereɔ mɔ ni mitsuɔ lɛ, mi nɔŋŋ ehereɔ lɛ; ni mɔ ni hereɔ mi lɛ, ehereɔ mɔ ni tsu mi lɛ.”

Yohane 17:20

“Shi jeee mɛnɛɛmɛi kɛkɛ mibiɔ mahã, shi miibi mahã mɛi ni baahe minɔ aye yɛ amɛwiemɔ naa lɛ hu;

Yohane 17:8

ejaakɛ wiemɔi lɛ ni okɛhã mi lɛ, mikɛhã amɛ; ni amɛmɔ mli, ni amɛna amɛle anɔkwale mli akɛ oŋɔɔ mijɛ, ni amɛhe amɛye akɛ bo otsu mi.

Yohane 5:24

“Anɔkwale mikɛɔ nyɛ akɛ, mɔ ni nuɔ miwiemɔ ni eheɔ mɔ ni tsu mi lɛ eyeɔ lɛ, eyɛ naanɔ wala, ni ebaŋ kojomɔ mli, shi moŋ efo mli yɛ gbele mli kɛtee wala mli.

Yohane 6:63

Mumɔ lɛ ji mɔ ni hãa wala lɛ; heloo lɛ ehe bɛ sɛɛnamɔ ko. Wiemɔi ni mikɛ nyɛ wie lɛ, mumɔ ni, ni wala ni.

Yohane 6:68

Simon Petro here lɛ nɔ akɛ, “Nuŋtsɔ, namɔ ŋɔɔ wɔɔtee? Bo oyɔɔ naanɔ wala wiemɔi lɛ;

Bɔfoi 10:2

Nyɔŋmɔ jalɔ ni, ni ekɛ ewe lɛ fɛɛ sheɔ Nyɔŋmɔ gbeyei, ni efeɔ maŋbii lɛ ejurɔ pii, ni ekpaa Nyɔŋmɔ fai daa.

Bɔfoi 10:21

Kɛkɛ ni Petro kpeleke shi, ni eyakɛɛ hii lɛ akɛ, “Naa, mi ji mɔ ni nyɛtaoɔ lɛ; mɛɛ sane hewɔ nyɛba?”

Bɔfoi 10:30

Ni Kornelio kɛɛ akɛ, “Ŋmɛnɛ ji gbii ejwɛ aaafee ŋmɛji etɛ̃ mli nɛkɛ pɛ, miisɔle yɛ mishĩa nɛɛ; ni naa, nuu ko ni wo atade kaŋkaŋ badamɔ mihiɛ,

Bɔfoi 10:33

Kɛkɛ ni amrɔ lɛ nɔŋŋ mitsu oŋɔɔ, ni ofee jogbaŋŋ akɛ oba. No hewɔ lɛ, agbɛnɛ wɔ fɛɛ wɔyɛ biɛ yɛ Nyɔŋmɔ hiɛ koni wɔbo nibii fɛɛ ni Nyɔŋmɔ efã bo akɛ okɛɛ lɛ toi.”

Bɔfoi 10:6

eyato Simon, wolokpoolɔ ko ni shĩa yɔɔ ŋshɔ lɛ naa lɛ ŋɔɔ.”

Bɔfoi 11:14

ni eeebakɛɛ bo wiemɔi ni aaatsɔ̃ nɔ ahere bo kɛ owe lɛ fɛɛ yiwala.’

Bɔfoi 22:12

“Shi nuu ko yɛ jɛi ni atsɛɔ lɛ Anania ni esheɔ Nyɔŋmɔ gbeyei yɛ Mla lɛ naa, ni Yudafoi lɛ fɛɛ ni yɔɔ jɛi lɛ wieɔ ehe ekpakpa.

Bɔfoi 24:15

ni miyɛ Nyɔŋmɔ nɔ hiɛnɔkãmɔ ni mɛnɛɛmɛi hu kwɛɔ gbɛ akɛ gbohiiashitee baaba lɛ, ni jalɔi kɛ mɛi ni ejaaa fɛɛ baate shi.

Bɔfoi 6:3

No hewɔ lɛ, anyɛmimɛi, nyɛtaoa nyɛteŋ hii kpawo ni yɔɔ gbɛi kpakpa ni Mumɔ Krɔŋkrɔŋ kɛ nilee eyi amɛ obɔ̃, koni wɔkɛ amɛ ato nɛkɛ nitsumɔ ni he hiaa nɛɛ nɔ;

Romabii 1:17

Ejaakɛ no mli ajieɔ Nyɔŋmɔ jalɛ kpo yɛ, kɛjɛɔ hemɔkɛyeli mli kɛyaa hemɔkɛyeli mli, tamɔ bɔ ni aŋma lɛ akɛ, “Shi jalɔ ni tsɔ̃ hemɔkɛyeli nɔ lɛ yi aaana wala.”

2 Korintobii 5:18

Shi nibii nɛɛ fɛɛ jɛ Nyɔŋmɔ, mɔ ni tsɔ̃ Yesu Kristo nɔ ekɛ wɔ kpãtã, ni ekɛ kpãtãmɔ sɔ̃ɔmɔ hã wɔ lɛ dɛŋ;

5 Mose 30:13

Ni jeee ŋshɔ sɛɛ hu eyɔɔ ni nyɛaakɛɛ akɛ, ‘namɔ aaafo ŋshɔ koni eyaŋɔ ekɛbahã wɔ, ni wɔnu ni wɔye nɔ?’

1 Timoteo 3:7

Shi sa akɛ mɛi ni yɔɔ sɛɛ lɛ hu aye ehe odase kpakpa, koni ehe guɔ akagbo ni ekagbee abonsam tsɔne mli.

Hebribii 10:38

Shi mɔ ni ja yɛ hemɔkɛyeli mli lɛ, yi aaana wala; ni kɛ ekpa yɛ misɛɛ lɛ misusuma naŋ ehe tsuijurɔ.”

Hebribii 11:2

Ejaakɛ no mli aye blemabii lɛ ahe odase kpakpa yɛ.

Hebribii 12:23

kɛ kromɔbii ni aŋma amɛgbɛii yɛ ŋwɛi lɛ asafo lɛ he nyɛba. Kɛ Nyɔŋmɔ ni ji mɛi fɛɛ akojolɔ lɛ, kɛ jalɔi ni ehi kɛwula shi lɛ amumɔi lɛ,

2 Petro 3:2

ni nyɛkai gbalɔi krɔŋkrɔŋi lɛ awiemɔi ni amɛwie sa kɛ Nuŋtsɔ kɛ yiwalaherelɔ lɛ kitã ni bɔfoi ni atsu nyɛŋɔɔ lɛ kɛhã nyɛ lɛ.

3 Yohane 1:12

Demetrio lɛ, mɛi fɛɛ miiye ehe odase, ni anɔkwale diɛŋtsɛ miiye ehe odase, ni wɔ hu wɔmiiye ehe odase, ni ole akɛ wɔdase lɛ anɔkwa ni.

Kpojiemɔ 14:10

lɛ hu eeenu Nyɔŋmɔ mlifu dãa ŋmiiŋmi ni akɛwo emlifu kpulu lɛ mli lɛ eko, ni aaapiŋ lɛ yɛ la kɛ swɔɔ mli yɛ bɔfoi krɔŋkrɔŋi lɛ ahiɛ kɛ Toobi lɛ hiɛ.