Bɔfoi 10:2 - ŊMALƐ KRƆŊKRƆŊ LƐ

² Nyɔŋmɔ jalɔ ni, ni ekɛ ewe lɛ fɛɛ sheɔ Nyɔŋmɔ gbeyei, ni efeɔ maŋbii lɛ ejurɔ pii, ni ekpaa Nyɔŋmɔ fai daa.

Ṅmãle̱ Kroṅkroṅ Le̱

² Nyoṅmo̱ dšálo̱ ni, ni eke̱ ewe le̱ fẽ šeo̱ Nyoṅmo̱ gbeyei, ni efeo maṅbii le̱ edšŭrõ pī, ni ekpaä Nyoṅmo̱ fai dā.

Bɔfoi 10:2 ပူးပေါင်းရင်းမြစ်များ

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

1 Maŋtsɛmɛi 8:43

no lɛ bo lɛ toi yɛ ŋwɛi ni ji oshihilɛhe lɛ, ni ofee nɔ fɛɛ nɔ ni gbɔ lɛ boɔ tsɛɔ bo yɛ he lɛ ohã lɛ. Enɛ baahã shikpɔŋ lɛ nɔ majimaji fɛɛ ale ogbɛi lɛ koni amɛja bo tamɔ omaŋ Israelbii feɔ lɛ. Ni amɛsaa amɛaana amɛle akɛ ogbɛi aŋɔ wo nɛkɛ Sɔlemɔtsu ni mimã kɛhã ojamɔ nɛɛ.

2 Kronika 6:33

jɛɛ ŋwɛi, ni ji oshihilɛhe lɛ, obo lɛ toi. Ofee nibii fɛɛ ni gbɔ lɛ kpaa he fai lɛ ohã lɛ, bɔ ni afee koni jeŋ gbɔmɛi fɛɛ anu ogbɛi lɛ he koni amɛshe bo gbeyei tamɔ omaŋ Israel sheɔ Bo lɛ, asaŋ koni amɛna amɛle akɛ Bo lɛɛlɛŋ ajaa yɛ Sɔlemɔtsu ni mima nɛɛ mli lɛ.

Hiob 1:1

Nuu ko hi shi yɛ Uz shikpɔŋ lɛ nɔ; egbɛi ji Hiob. Esheɔ Nyɔŋmɔ gbeyei, ni ewiɔ ehe yɛ efɔŋ he. Eji gbɔmɔ ni shwamɔ ko bɛ ehe, asaŋ efeɔ nii ni ja hu.

Hiob 1:5

Kɛji aŋmɛ okplɔ̃ lɛ kɛbɔle bihii lɛ anɔ kɛkpe lɛ, Hiob teɔ shi daa leebi maŋkpa, ni eyashãa shãa afɔlei ehãa ebii lɛ ateŋ mɔ fɛɛ mɔ, yɛ amɛyibɔ naa koni akɛtsuu amɛhe. Ejaakɛ Hiob kɛɔ akɛ, “Benɛ mibihii lɛ ateŋ mɔ ko efee esha ko ni aleee, ni ekwa Nyɔŋmɔ yɛ etsuiŋ. Enɛ ji nɔ ni Hiob feɔ daa.”

Lalai 102:15

Majimaji lɛ aaashe Yehowa gbɛi lɛ gbeyei, ni shikpɔŋ lɛ nɔ maŋtsɛmɛi fɛɛ aaashe onunyam lɛ.

Lalai 119:2

Ajɔɔ mɛi ni yeɔ ekpɔi lɛ anɔ ni amɛkɛ amɛtsui muu fɛɛ taoɔ esɛɛgbɛ lɛ,

Lalai 25:5

Kplamɔ mi kɛnyiɛ onɔkwale lɛ mli, ni otsɔ̃ɔ mi nii; ejaakɛ bo ji miyiwalaheremɔ Nyɔŋmɔ lɛ. Bo onɔ mihiɛ kã daa nɛɛ.

Lalai 41:1

Ajɔɔ mɔ ni jwɛŋɔ ohiafo he; gbi fɔŋ nɔ lɛ, Yehowa aaahere lɛ.

Lalai 55:17

Leebi kɛ shwane kɛ gbɛkɛ fɛɛ lɛ, mikɛ miwerɛho lɛ aaaŋmɛ ehiɛ kɛ kɛ̃ɛmɔ, ni eeebo mi toi.

Lalai 86:3

Oo Nuŋtsɔ, bo ji miNyɔŋmɔ; naa mi mɔbɔ, ejaakɛ bo mibolɔɔ mitsɛɔ daa jenamɔ.

Lalai 88:1

Oo Yehowa, miyiwalaheremɔ Nyɔŋmɔ, nyɔɔŋ kɛ shwane fɛɛ lɛ, mibolɔɔ yɛ ohiɛ.

Jajelɔ 7:18

Ehi akɛ omɔɔ enɛ mli, ni kaajie onine yɛ he; ejaakɛ mɔ ni sheɔ Nyɔŋmɔ lɛ ebaaje fɛɛ mli shweshweeshwe.

Yesaia 59:19

No hewɔ lɛ, amɛaashe Yehowa gbɛi lɛ gbeyei yɛ anaigbɛ; aaashe ehewalɛ lɛ gbeyei yɛ hulushiteehe, ejaakɛ ebaaba tamɔ faa ni etue ni Yehowa mumɔ lɛ etsi eyisɛɛ.

Daniel 6:10

Be ni Daniel na ele akɛ maŋtsɛ lɛ kɛ enine ewo akpɔ ni aŋmã lɛ shishi lɛ, eyiŋ etee ewe. Eŋwɛi pia lɛ he samfɛji lɛ kwɛɔ Yerusalɛm gbɛ kɛji agbele. Ekulaa shi esɔleɔ shii etɛ̃ daa gbi, ni edaa eNyɔŋmɔ lɛ shi. Gbi ko lɛ Daniel yasɔle nakai nɔŋŋ.

Daniel 6:16

No hewɔ lɛ, maŋtsɛ lɛ fã, ni atee ayaŋɔ Daniel kɛba, ni ashɛ lɛ afɔ̃ jatai abu lɛ mli. Maŋtsɛ lɛ kɛɛ Daniel akɛ, “ONyɔŋmɔ lɛ ni osɔmɔɔ anɔkwale mli lɛ; lɛ eeejie bo.”

Daniel 6:20

Be ni ebɛŋkɛ bu lɛ naa he ni Daniel yɔɔ lɛ, ewo egbee nɔ, ni ekɛ awerɛho gbee bo ekɛɛ akɛ, “Ao! Daniel, Nyɔŋmɔ hiɛkãalɔ lɛ tsulɔ, ani oNyɔŋmɔ lɛ ni osɔ̃mɔɔ lɛ daa lɛ enyɛ ejie bo yɛ jatai lɛ adɛŋ lo?”

Daniel 6:26

Miiwo kitã akɛ mɔ fɛɛ mɔ ni yɔɔ minɔyeli nɛɛ he fɛɛ he lɛ, ehe akpokpo, ni eshe Daniel Nyɔŋmɔ lɛ gbeyei.” “Lɛ ji Nyɔŋmɔ hiɛkãalɔ lɛ, mɔ ni yɛ kɛmiiya naanɔ lɛ; anyɛŋ emaŋtsɛyeli hiɛ akpãtã, ni ehewalɛ lɛ sɛɛ efoŋ.

Mateo 25:17

Nakai nɔŋŋ mɔ ni na enyɔ lɛ hu yana enyɔ ebɔ he.

Luka 18:1

Yesu bu ekaselɔi lɛ abɛ ko ekɛtsɔ̃ɔ akɛ esa akɛ amɛsɔleɔ daa ni ekaje amɛtsine.

Luka 2:25

Ni naa, nuu ko yɛ Yerusalɛm ni atsɛɔ lɛ akɛ Simeon; nakai nuu lɛ jalɔ ji lɛ, ni esheɔ Nyɔŋmɔ gbeyei, ni eekwɛ Israel yiwalaheremɔ lɛ gbɛ. Mumɔ Krɔŋkrɔŋ yɛ enɔ,

Bɔfoi 10:22

Ni amɛkɛɛ, “Asraafoiohaatsɛ Kornelio, ni ji nuu jalɔ kɛ Nyɔŋmɔ gbeyeishelɔ ni Yudafoi amaŋ muu lɛ fɛɛ yeɔ ehe odase lɛ, lɛ ŋwɛi bɔfo krɔŋkrɔŋ ko kɛɛ lɛ akɛ etsu ni abakpee bo kɛba ewe lɛ, koni ebo onaa toi.”

Bɔfoi 10:31

ni ekɛɛ, ‘Kornelio, abo osɔlemɔ lɛ toi, ni onijuji ni ofeɔ lɛ hu Nyɔŋmɔ ena.

Bɔfoi 10:35

Shi moŋ maŋ fɛɛ maŋ mli lɛ, mɔ ni sheɔ lɛ gbeyei ni etsuɔ jalɛnii lɛ, lɛ ji mɔ ni saa ehiɛ.

Bɔfoi 10:4

Ni ekwɛ lɛ gãa ni eshe gbeyei ni ekɛɛ; “Mɛni, Nuŋtsɔ?” Ni ekɛɛ lɛ akɛ, “Osɔlemɔi kɛ onijuji ni ofeɔ lɛ eshɛ ŋwɛi ni efee kaimɔnɔ yɛ Nyɔŋmɔ hiɛ.

Bɔfoi 10:7

Be ni bɔfo ni kɛ lɛ bawie lɛ etee lɛ, etsɛ ewebii lɛ ateŋ mɛi enyɔ kɛ asraafonyo ko ni sheɔ Nyɔŋmɔ gbeyei ni ji mɛi ni sɔ̃mɔɔ lɛ lɛ ateŋ mɔ kome,

Bɔfoi 11:14

ni eeebakɛɛ bo wiemɔi ni aaatsɔ̃ nɔ ahere bo kɛ owe lɛ fɛɛ yiwala.’

Bɔfoi 13:16

Kɛkɛ ni Paulo te shi edamɔ shi, ni efɔ̃ enine ekɛɛ, “Ataamɛi Israelhii kɛ nyɛ mɛi ni nyɛsheɔ Nyɔŋmɔ gbeyei, nyɛboa toi!

Bɔfoi 13:26

“Ataamɛi kɛ anyɛmimɛi, Abraham shwiei kɛ Nyɔŋmɔ gbeyeishelɔi ni yɔɔ nyɛteŋ, wɔ atsu akɛ nɛkɛ yiwalaheremɔ sane nɛɛ bahã.”

Bɔfoi 13:50

Shi Yudafoi lɛ wowoo yei Nyɔŋmɔ gbeyeishelɔi ni abuɔ amɛ lɛ kɛ maŋ lɛ mli hiɛnaanɔbii lɛ ayiŋ, ni amɛbɔ̃i Paulo kɛ Barnaba yiwaa ni amɛshwie amɛ kɛjɛ amɛkpokpai lɛ anɔ.

Bɔfoi 18:8

Shi kpeehe lɛ onukpa lɛ ni atsɛɔ lɛ Krispo lɛ kɛ ewe muu lɛ fɛɛ he Nuŋtsɔ lɛ nɔ amɛye, ni Korintobii lɛ ateŋ mɛi pii hu ni nu wiemɔ lɛ, amɛhe amɛye, ni abaptisi amɛ.

Bɔfoi 2:5

Shi Yudafoi Nyɔŋmɔ gbeyeishelɔi komɛi yɛ Yerusalɛm, ni amɛjɛ jeŋ maji fɛɛ ni yɔɔ ŋwɛi shishi lɛ anɔ.

Bɔfoi 22:12

“Shi nuu ko yɛ jɛi ni atsɛɔ lɛ Anania ni esheɔ Nyɔŋmɔ gbeyei yɛ Mla lɛ naa, ni Yudafoi lɛ fɛɛ ni yɔɔ jɛi lɛ wieɔ ehe ekpakpa.

Bɔfoi 8:2

Hii Nyɔŋmɔ gbeyeishelɔi komɛi yato Stefano, ni amɛfo lɛ pam.

Bɔfoi 9:11

Ni Nuŋtsɔ lɛ kɛɛ lɛ akɛ, “Tee shi ni oya blohu ni atsɛɔ lɛ Trɔmɔɔ lɛ mli, ni oyabi mɔ ko ni atsɛɔ lɛ Saul ni jɛ Tarso lɛ shi yɛ Yuda we lɛ; ejaakɛ naa, eesɔle,

Bɔfoi 9:31

Agbɛnɛ asafo lɛ na hejɔlɛ yɛ Yudea kɛ Galilea kɛ Samaria fɛɛ, ni enane mɔ shi, ni enyiɛɔ yɛ Nuŋtsɔ lɛ gbeyeishemɔ mli, ni ekɛ Mumɔ Krɔŋkrɔŋ miishɛjemɔ lɛ shwereɔ.

Bɔfoi 9:36

Shi yoo kaselɔ ko yɛ Yopa ni atsɛɔ lɛ Tabita, eshishi ji Dorka. Nitsumɔi kpakpai kɛ ejurɔfeemɔ eyi yoo nɛɛ obɔ̃.

Kolosebii 4:2

Nyɛhiɛa sɔlemɔ mli, ni nyɛshia kpe yɛ mli kɛ shidaa.

1 Tesalonikabii 5:17

nyɛsɔlea ni nyɛkafɔa;

Yakobo 1:5

Shi kɛ nilee he ehia nyɛteŋ mɔ ko lɛ, ekpa Nyɔŋmɔ ni hãa mɛi fɛɛ faa ni ewieee mɔ ko hiɛ lɛ fai, ni aaahã lɛ.

Yoshua 24:15

Kɛji esaaa nyɛhiɛ akɛ nyɛaasɔ̃mɔ Yehowa lɛ, no lɛ ŋmɛnɛ gbi nɛɛ lɛ nyɛkɔa mɔ ni nyɛaasɔ̃mɔ, nyɔŋmɔi ni nyɛtsɛmɛi atsɛmɛi lɛ sɔ̃mɔ yɛ Mesopotamia shikpɔŋ lɛ nɔ lɛ ni jio, Amorbii ni nyɛyɔɔ amɛshikpɔŋ nɔ nɛɛ anyɔŋmɔi lɛ ni jio, nyɛkɔa; shi mi lɛ, mi kɛ miwe lɛ wɔbaasɔmɔ Yehowa.”

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”