Bɔfoi 1:9 - ŊMALƐ KRƆŊKRƆŊ LƐ

⁹ Be ni ewie nii nɛɛ lɛ, amɛmiikwɛ lɛ nɔŋŋ ni awo lɛ, ni atatu ko ŋɔ lɛ kɛje amɛhiɛ kɛtee.

Ṅmãle̱ Kroṅkroṅ Le̱

⁹ Ni beni ewie nii ne̱, ame̱mīkwe̱le̱ noṅṅ, ni awóle̱, ni atatu ko ṅõle̱ ke̱-dše ame̱hĩe ke̱-te. Mar. 16,19. Luk. 24,51.

Bɔfoi 1:9 ပူးပေါင်းရင်းမြစ်များ

Lalai 68:18

Okwɔ kɛtee gɔŋ grɔŋŋ lɛ nɔ, kɛ nomii ni nyiɛ osɛɛ, ohe nikee kɛjɛ mɛi, mɛi tete ni te shi wo bo lɛ adɛŋ, Yehowa, Nyɔŋmɔ lɛ, baahi jɛi.

2 Mose 19:9

Yehowa kɛɛ Mose akɛ, “Miiba oŋɔɔ yɛ atatu kpii mli koni kɛ mi kɛ bo miiwie lɛ, maŋ lɛ anu ni amɛhe bo hu amɛye kɛya naanɔ.”

2 Mose 34:5

Kɛkɛ ni Yehowa kpeleke shi yɛ atatu mli kɛbanina Mose, yɛ he ni edamɔ lɛ, ni Yehowa tsɛ lɛ diɛŋtsɛ egbɛi krɔŋkrɔŋ lɛ.

Yesaia 19:1

Ijipt toigbalamɔ he gbalɛ nɛ. Naa, Yehowa ta atatu ni hiɛ foi nɔ kɛmiiba Ijipt. Ijipt amãgãi lɛ atsui efã yɛ ehiɛ.

Daniel 7:13

Mina yɛ nyɔɔŋ ninaa lɛ mli nɔ ko ni tamɔ gbɔmɔ adesa. Ekpeleke shi kɛjɛ ŋwɛi ni atatu ebɔle ehe kɛba mɔ ni Etsɛ Naakpa lɛ ŋɔɔ, ni ebadamɔ ehiɛ.

Marko 16:19

Kɛkɛ ni be ni Nuŋtsɔ Yesu kɛ amɛ ewie sɛɛ lɛ, aŋɔ lɛ kɛtee ŋwɛi, ni eyata Nyɔŋmɔ ninejurɔ nɔ.

Luka 21:27

Kɛkɛ lɛ amɛaana Gbɔmɔ Bi lɛ ni eeba yɛ atatuŋ kɛ hewalɛ kɛ anunyam babaoo.

Yohane 6:62

Shi kɛji nyɛna Gbɔmɔ Bi lɛ miiya ŋwɛi he ni eyɔɔ sa lɛ, no hu?

Bɔfoi 1:11

ni amɛkɛɛ amɛ akɛ, “Nyɛ Galileabii, mɛɛba nyɛdamɔ shi nyɛkwɛɔ ŋwɛi nɛkɛ? Nɛkɛ Yesu nɛɛ ni aŋɔ lɛ kɛje nyɛŋɔɔ kɛtee ŋwɛi nɛɛ, ebaaba nakai nɔŋŋ, tamɔ bɔ ni nyɛna akɛ eyaa ŋwɛi nɛɛ.”

Bɔfoi 1:2

kɛyashi gbi nɔ ni aŋɔ lɛ kɛtee ŋwɛi, be ni etsɔ̃ Mumɔ Krɔŋkrɔŋ lɛ nɔ ewo ebɔfoi ni ehala lɛ akitãi sɛɛ lɛ.

1 Tesalonikabii 4:17

no sɛɛ lɛ wɔ mɛi ni wɔhiɛ kãmɔ ni eshwɛ lɛ, aaasha wɔ kɛ amɛ fɛɛ yɛ atatui amli kɛaatee Nuŋtsɔ lɛ kpeemɔ yɛ kɔɔyɔɔ mli, ni nakai wɔkɛ Nuŋtsɔ lɛ aaayahi shi daa.

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

Kpojiemɔ 1:7

Naa, eeba kɛ atatui lɛ, ni hiŋmɛi fɛɛ hiŋmɛi aaana lɛ kɛ mɛi ni tsulɔ lɛ nii lɛ hu. Ni shikpɔŋ lɛ nɔ akutsei lɛ fɛɛ aaawo yara yɛ ehewɔ. Aba mli nakai. Amen!

Kpojiemɔ 11:12

Ni amɛnu gbee waa ko jɛ ŋwɛi miikɛɛ amɛ akɛ, “Nyɛkwɔa kɛbaa biɛ nɛɛ!” Ni amɛkwɔ kɛtee ŋwɛi yɛ atatu mli, ni amɛhenyɛlɔi lɛ na amɛ.

Kpojiemɔ 14:4

Mɛnɛɛmɛi ji mɛi ni kɛ yei buleko amɛhe, ejaakɛ oblahii ni he tse ji amɛ, ni amɛnyiɛɔ Toobi lɛ sɛɛ kɛyaa he fɛɛ he ni eyaa lɛ. Mɛnɛɛmɛi ji mɛi ni akpɔ̃ kɛjɛ gbɔmɛi ateŋ akɛ klɛŋklɛŋ yibii kɛhã Nyɔŋmɔ kɛ Toobi lɛ.