Bɔfoi 1:8 - ŊMALƐ KRƆŊKRƆŊ LƐ

⁸ Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Ṅmãle̱ Kroṅkroṅ Le̱

⁸ ši moṅ kē̱ Mumo̱ kroṅkroṅ le̱ ná ba nyeno̱ le̱, nyeaná hewale̱ ni nyeatšṍmo̱ midasefoi ye̱ Ierusalem ke̱ Iudea ke̱ Samaria fẽ, ke̱-yaši šikpoṅ le̱ nāgbēhei le̱.

Bɔfoi 1:8 ပူးပေါင်းရင်းမြစ်များ

Lalai 22:27

Jeŋ koji kpawo lɛ aaakai, ni amɛaakpale kɛaaba Yehowa ŋɔɔ; ni majimaji lɛ amli akutsei lɛ fɛɛ aaakula shi amɛja lɛ.

Lalai 98:3

Ekai esuɔmɔ ni tsakeee lɛ kɛ enɔkwayeli ni eyɔɔ hã Israel we lɛ. Je lɛ naagbeehei fɛɛ ena kunim ni wɔNyɔŋmɔ lɛ ye lɛ.

Yesaia 42:10

Nyɛlaa lala hee nyɛhãa Yehowa; nyɛlaa nyɛkɛjiea eyi kɛjɛ shikpɔŋ lɛ naagbeehei lɛ! Nyɛjiea eyi, nyɛ mɛi ni nyɛnyiɛɔ ŋshɔ hiɛ; nyɛjiea eyi, nyɛ ŋshɔ mli bɔɔnii fɛɛ! Nyɛlaa, nyɛ ŋshɔ naa shikpɔji, ni nyɛ mɛi ni nyɛyɔɔ ŋshɔ naa shikpɔji lɛ anɔ hu, nyɛjiea eyi!

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Yesaia 52:10

Yehowa ejie ehewalɛ krɔŋkrɔŋ lɛ kpo etsɔ̃ɔ majimaji lɛ fɛɛ, ni jeŋ muu lɛ fɛɛ aaana wɔNyɔŋmɔ lɛ dɛŋ yiwalaheremɔ lɛ.

Yesaia 66:19

ni amɛaana okadi ni tsɔ̃ɔ akɛ mi ji mɔ ni gbalaa amɛtoi lɛ. “Ni matsu mɛi ni ahe baaje toigbalamɔ lɛ mli lɛ kɛaatee Tarshish kɛ Libia kɛ Lud, ni ji gãitsɛ̃lɔi amaŋ lɛ. Matsu kɛya Tubal kɛ Helabii ŋshɔkpɔi ni yɔɔ shɔŋŋ ni amɛnuko mihe, asaŋ amɛnako minunyam lɛ bii hu aŋɔɔ. Amɛaajaje minunyam lɛ amɛtsɔ̃ɔ yɛ jeŋmaji lɛ ateŋ.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Mika 3:8

Shi mi lɛ, Yehowa kɛ emumɔ kɛ ehewalɛ lɛ woɔ mimli obɔ̃, ni ehãa mileɔ nɔ ni ji jalɛ, ni ehãa mi ekãa ni akɛkɛɔ Israelbii lɛ nɔ ni hi kɛ nɔ ni ji eshai ni amɛfeɔ lɛ.

Zakaria 4:6

Bɔfo lɛ kɛɛ mi akɛ, “Shɛɛ ni Yehowa kɛhãa Zerubabel nɛ, ‘Jeee onyɛmɔ baahã oye kunim, loo ohewalɛ kɛkɛ, shi moŋ mimumɔ lɛ ni baahã oye kunim,’ Mi Yehowa, mikɛɛ.”

Mateo 24:14

Ni aaashiɛ maŋtsɛyeli lɛ he sane kpakpa nɛɛ atsɔ̃ɔ yɛ je lɛ mli fɛɛ, ni akɛye jeŋmaji lɛ fɛɛ odase; ni no dani naagbee lɛ aaaba.”

Mateo 28:19

No hewɔ lɛ, nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi lɛ kɛ Mumɔ Krɔŋkrɔŋ lɛ gbɛi mli,

Marko 16:15

Ni ekɛɛ amɛ akɛ, “Nyɛyaa je lɛ mli fɛɛ kwa nyɛyashiɛa Sanekpakpa lɛ nyɛtsɔ̃a nɔ fɛɛ nɔ ni abɔ lɛ.

Luka 1:35

Ni bɔfo lɛ to he ekɛɛ lɛ akɛ, “Mumɔ Krɔŋkrɔŋ aaaba onɔ. Ni Ŋwɛinyo lɛ hewalɛ aaabaha onɔ, No hewɔ lɛ, nakai bi krɔŋkrɔŋ lɛ hu ni ooofɔ lɛ, aaatsɛ lɛ Nyɔŋmɔ Bi.

Luka 10:19

Naa, mihã nyɛ hegbɛ ni nyɛnaanaa onufui kɛ nyɔŋmɔŋkrakroi kɛ henyɛlɔ lɛ hewalɛ lɛ fɛɛ nɔ; ni nɔ ko nɔ ko efeŋ nyɛ efɔ̃ŋ ko.

Luka 24:29

Ni amɛnyɛ enɔ amɛkɛɛ, “Okɛ wɔ ahi shi, ejaakɛ je miina ni eshɛ hiɛbulɛ etã.” Ni etee mli ni ekɛ amɛ yahi shi.

Yohane 15:27

ni nyɛ hu nyɛaaye odase, ejaakɛ nyɛkɛ mi yɔɔ kɛjɛ shishijee.”

Bɔfoi 1:22

kɛjɛ Yohane baptisimɔ lɛ nɔ kɛyashi gbi nɔ ni aŋɔ lɛ kɛje wɔŋɔɔ kɛtee ŋwɛi lɛ ateŋ mɔ kome atsɔ eshitee lɛ he odasefonyo afata wɔhe.”

Bɔfoi 1:5

ejaakɛ Yohane lɛ, nu ekɛbaptisi, shi nyɛ lɛ eyeŋ gbii pii ko ni akɛ Mumɔ Krɔŋkrɔŋ aaabaptisi nyɛ.”

Bɔfoi 13:31

Ni ejie ehe kpo gbii pii etsɔ̃ɔ mɛi ni kɛ lɛ jɛ Galilea ba Yerusalɛm lɛ, ni amɛ ji odasefoi ha maŋ lɛ.

Bɔfoi 2:32

Nɛkɛ Yesu nɛɛ Nyɔŋmɔ tee lɛ shi; no he odasefoi ji wɔ fɛɛ.

Bɔfoi 22:15

ejaakɛ obaatsɔ ehe odasefonyo koni oye nii fiaa ni ona ni onu lɛ ahe odase otsɔ̃ɔ gbɔmɛi fɛɛ.

Bɔfoi 3:15

ni Wala Lumɔ lɛ, nyɛgbe lɛ; shi Nyɔŋmɔ tee lɛ shi kɛjɛ gbohii ateŋ, ni no he odasefoi ji wɔ.

Bɔfoi 4:33

Ni hewalɛ kpeteŋkple bɔfoi lɛ kɛye Nuŋtsɔ Yesu shitee lɛ he odase, ni dromɔ kpeteŋkple yɛ amɛ fɛɛ amɛnɔ.

Bɔfoi 5:32

Ni wɔji saji nɛɛ ahe odasefoi, nakai nɔŋŋ ji Mumɔ Krɔŋkrɔŋ lɛ hu ni Nyɔŋmɔ kɛhã mɛi ni boɔ lɛ toi lɛ.”

Bɔfoi 6:8

Ni Stefano, mɔ ni dromɔ kɛ hewalɛ eyi lɛ obɔ̃ lɛ, fee naakpɛɛnii kɛ okadii wuji yɛ maŋ lɛ mli.

Bɔfoi 8:1

Shi gbe ni agbe Stefano lɛ ŋɔɔ Saul hu naa. Ni nakai gbi lɛ nɔ nɔŋŋ lɛ yiwaa kpele te shi wo asafo ni yɔɔ Yerusalɛm lɛ; ni amɛ fɛɛ amɛgbɛ amɛshwã Yudea kɛ Samaria shikpɔŋ lɛ nɔ; bɔfoi lɛ kɛkɛ shwɛ.

Romabii 10:18

Shi miibi akɛ, “Aso nu amɛnuuu?” Anɔkwale mli lɛ amɛnu, tamɔ bɔ ni ŋmalɛ lɛ kɛɔ akɛ, “Amɛgbee ejije kɛtee shikpɔŋ muu lɛ fɛɛ nɔ. Ni amɛwiemɔi lɛ eshɛ jeŋ naagbeehei lɛ.”

Romabii 15:19

yɛ okadii kɛ naakpɛɛnii ahewalɛ mli, yɛ Mumɔ hewalɛ mli; bɔ ni fee nɛ ni mijɛ Yerusalɛm mibɔle shi aahu kɛyashi Ilirikum ni mishiɛ Kristo Sanekpakpa lɛ migbe naa.

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.