Bɔfoi 1:3 - ŊMALƐ KRƆŊKRƆŊ LƐ

³ Emanehulu lɛ sɛɛ lɛ, etsɔ̃ odaseyeli nibii pii anɔ ejie ehe kpo etsɔ̃ɔ bɔfoi nɛɛ akɛ ehiɛ kã, ni ehã amɛna lɛ gbii nyɔŋmai ejwɛ sɔŋŋ, ni ekɛ amɛ wie Nyɔŋmɔ maŋtsɛyeli lɛ he.

Ṅmãle̱ Kroṅkroṅ Le̱

³ mei hũ ni emanehũlũ le̱ se̱ le̱ etšṍ sãdši pī ano̱ edšie ehe kpo etšõame̱ ake̱ hĩekālo̱, ni ehã ame̱nale̱ gbĩĩ nyoṅmai-edſe̱ so̱ṅṅ, ni eke̱ame̱ wie Nyoṅmo̱ maṅtše̱yeli le̱ he.

Bɔfoi 1:3 ပူးပေါင်းရင်းမြစ်များ

1 Maŋtsɛmɛi 19:8

Kɛkɛ ni Elia te shi, ni eye nii, ni enu nu eshwie nɔ. Niyenii nɛɛ mli hewalɛ lɛ ji nɔ ni hã enyɛ enyiɛ shwaneshwane kɛ nyɔɔŋnyɔɔŋ gbii nyɔŋmai ejwɛ kɛtee Nyɔŋmɔ Gɔŋ Horeb lɛ he.

Mateo 21:43

No hewɔ lɛ, miikɛɛ nyɛ akɛ abaashɔ̃ Nyɔŋmɔ Maŋtsɛyeli lɛ yɛ nyɛdɛŋ, ni akɛaahã jeŋmaŋ ko ni woɔ yibii. [

Mateo 28:9

Ni Yesu kɛ amɛ bakpe ni ekɛɛ, “Hejɔlɛ ahã nyɛ!” Ni amɛbamɔmɔ enaji amli; ni amɛkula shi amɛja lɛ.

Mateo 3:2

ni ekɛɛ akɛ, “Nyɛtsakea nyɛtsui; shi ŋwɛi maŋtsɛyeli lɛ ebɛŋkɛ.”

Mateo 4:2

Ni be ni ehi ŋmaa shwaneshwane kɛ nyɔɔŋnyɔɔŋ gbii nyɔŋmai ejwɛ sɛɛ lɛ, hɔ̃mɔ ye lɛ.

Marko 16:19

Kɛkɛ ni be ni Nuŋtsɔ Yesu kɛ amɛ ewie sɛɛ lɛ, aŋɔ lɛ kɛtee ŋwɛi, ni eyata Nyɔŋmɔ ninejurɔ nɔ.

Yohane 20:26

Ni gbii kpaanyɔ sɛɛ ekoŋŋ lɛ ekaselɔi lɛ yɛ tsu mli, ni Toma hu yɛ mli. Ni aŋamɔ shinai lɛ ni Yesu ba, ni ebadamɔ amɛteŋ ni ekɛɛ, “Hejɔlɛ ahã nyɛ!”

Yohane 21:1

Nii nɛɛ asɛɛ lɛ Yesu saa jie ehe kpo ekoŋŋ etsɔ̃ɔ kaselɔi lɛ yɛ Tiberia Ŋshɔ lɛ naa. Ni bɔ ni ejie ehe kpo etsɔ̃ɔ amɛ nɛ.

Yohane 21:14

Enɛ ji shii etɛ̃ ni Yesu jie ehe kpo etsɔ̃ɔ ekaselɔi lɛ, be ni ete shi kɛjɛ gbohii ateŋ lɛ.

Bɔfoi 13:31

Ni ejie ehe kpo gbii pii etsɔ̃ɔ mɛi ni kɛ lɛ jɛ Galilea ba Yerusalɛm lɛ, ni amɛ ji odasefoi ha maŋ lɛ.

Bɔfoi 19:8

Ni Paulo tee kpeehe lɛ, ni eyawie kɛ ekãa, ni etsɔ̃ɔ amɛ nii kɛ mɔdɛŋbɔɔ nyɔji etɛ̃ sɔŋŋ ni amɛhe Nyɔŋmɔ maŋtsɛyeli lɛ he sane lɛ amɛye.

Bɔfoi 28:23

Ni be ni amɛto lɛ gbi lɛ, amɛteŋ mɛi pii ba eŋɔɔ yɛ etoohe lɛ, ni kɛjɛ leebi kɛyashi gbɛkɛ lɛ, ejaje Nyɔŋmɔ maŋtsɛyeli lɛ he sane etsɔ̃ɔ amɛ, ni eye he odase faŋŋ, ni ejɛ Mose Mla lɛ kɛ gbalɔi lɛ amli etao ni amɛyiŋ atsɔ̃ kɛba Yesu gbɛfaŋ.

Bɔfoi 28:31

ni eshiɛɔ Nyɔŋmɔ Maŋtsɛyeli lɛ he sane lɛ, ni ekɛ ekãa fɛɛ jajeɔ Nuŋtsɔ Yesu Kristo he saji lɛ etsɔ̃ɔ amɛ, ni mɔ ko mɔ ko etsiii lɛ gbɛ.

Bɔfoi 8:12

Shi be ni amɛhe Filipo ni jaje Nyɔŋmɔ maŋtsɛyeli lɛ kɛ Yesu Kristo gbɛi lɛ he Sanekpakpa lɛ etsɔ̃ɔ amɛ lɛ amɛye lɛ, abaptisi hii kɛ yei fɛɛ.

Romabii 14:17

Ejaakɛ Nyɔŋmɔ maŋtsɛyeli lɛ jeee niyeli kɛ ninumɔ ni, shi moŋ jalɛ kɛ hejɔlɛ kɛ Mumɔ Krɔŋkrɔŋ mli miishɛɛ ni;

5 Mose 9:18

Kɛkɛ ni mitee ekoŋŋ, ni miyagbee shi yɛ Yehowa hiɛ, tamɔ tsuutsu lɛ. Miye nyɔɔŋnyɔɔŋ kɛ shwaneshwane gbii nyɔŋmai ejwɛ ni miyeee nii lɛ, minuuu nu hu, yɛ nyɛtoigbele kɛ efɔŋ ni nyɛfee Yehowa ni nyɛkɛwo emli la lɛ hewɔ.

5 Mose 9:9

Be ni mikwɔ gɔŋ lɛ koni miyahe tɛi tɛtɛrɛbii lɛ ni aŋma kpãŋmɔ ni Yehowa kɛ nyɛ kpãŋ lɛ yɛ nɔ lɛ; mihi gɔŋ lɛ nɔ shwaneshwane kɛ nyɔɔŋnyɔɔŋ gbii nyɔŋmai ejwɛ; miyeee nii lɛ, minuuu nu hu.

Kolosebii 1:13

Ni ejie wɔ kɛjɛ duŋ hewalɛ lɛ mli kɛtee esuɔmɔ Bi lɛ maŋtsɛyeli lɛ mli lɛ;

1 Tesalonikabii 2:12

Ni wɔwieɔ wɔtsɔ̃ɔ nyɛ, ni wɔshɛjeɔ nyɛmii hu, ni wɔkpaa nyɛ fai akɛ nyɛnyiɛ bɔ ni sa Nyɔŋmɔ ni tsɛɔ nyɛ kɛbaa lɛ diɛŋtsɛ emaŋtsɛyeli kɛ enunyam lɛ mli lɛ.

1 Yohane 1:1

Wala wiemɔ lɛ yɛ kɛjɛ shishijee. Wɔnu ni wɔna kɛ wɔhiŋmɛii, wɔkwɛ ni wɔniji etara he yɛ wala wiemɔ lɛ hewɔ.