Bɔfoi 1:2 - ŊMALƐ KRƆŊKRƆŊ LƐ

² kɛyashi gbi nɔ ni aŋɔ lɛ kɛtee ŋwɛi, be ni etsɔ̃ Mumɔ Krɔŋkrɔŋ lɛ nɔ ewo ebɔfoi ni ehala lɛ akitãi sɛɛ lɛ.

Ṅmãle̱ Kroṅkroṅ Le̱

² ke-yaši gbĩ no̱ ní aṅõle̱ ke̱-te ṅwei, beni etšṍ Mumo̱ kroṅkroṅ le̱ no̱ ewo ebo̱foi ní ehala le̱ akitāi se̱ le̱;

Bɔfoi 1:2 ပူးပေါင်းရင်းမြစ်များ

Yesaia 42:1

Yehowa kɛɛ akɛ, “Naa mitsulɔ, mɔ ni mihiɛ emli, mɔ ni miŋɔ lɛ, ni minaa ehe tsuijurɔ lɛ. Mihã eyi obɔ̃ kɛ mimumɔ lɛ, Ebaahã majimaji lɛ ale nɔ ni ji jalɛ saneyeli.

Yesaia 48:16

Nyɛtsia nyɛbɛŋkɛa mi nyɛbaboa enɛ toi. Kɛjɛ shishijee lɛ miwieee yɛ dujiaŋ; ni dani nɔ ko baaba mli lɛ, miyɛ jɛi. Ni agbɛnɛ Nuŋtsɔ Nyɔŋmɔ etsu mi kɛ Emumɔ lɛ.”

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Mateo 12:28

Shi kɛji mi lɛ, Nyɔŋmɔ Mumɔ lɛ naa mifãa mumɔi fɔ̃ji lɛ yɛ lɛ, no lɛ ninamɔ Nyɔŋmɔ Maŋtsɛyeli lɛ enina nyɛ lɛ.

Mateo 3:16

Ni be ni abaptisi Yesu lɛ, ejɛ nu lɛ mli amrɔ eje kpo; ni naa, agbele ŋwɛi naa ahã lɛ, ni ena Nyɔŋmɔ Mumɔ lɛ miikpeleke shi tamɔ okpo kɛmiiba enɔ.

Marko 6:30

Bɔfoi lɛ bua amɛhe naa kɛba Yesu ŋɔɔ, ni amɛbagba lɛ nii ni amɛyafee kɛ nii ni amɛyatsɔ̃ɔ lɛ fɛɛ.

Luka 24:51

Ni eba mli akɛ, be ni ejɔɔ amɛ lɛ, ekɛ amɛ gbala mli, ni awo lɛ kɛtee ŋwɛi.

Luka 9:51

Be ni gbii ni abaaŋɔ Yesu lɛ kɛya ŋwɛi lɛ eshɛ etã lɛ, eŋmɔ eyiŋ kpɔ akɛ eeya Yerusalɛm.

Yohane 1:16

Ejaakɛ ebɔ̃yimɔ lɛ mli jɛ ni wɔ fɛɛ wɔna dromɔ wɔshi dromɔ nɔ.

Yohane 13:1

Dani Hehoo Gbijurɔ lɛ aaashɛ lɛ, akɛni Yesu le akɛ eŋmɛlɛtswaa ni ekɛbaaje je nɛɛ mli kɛya Tsɛ lɛ ŋɔɔ lɛ eshɛ hewɔ lɛ, bɔ ni esumɔɔ lɛ diɛŋtsɛ emɛi ni yɔɔ je lɛ mli lɛ, nakai esumɔ amɛ kɛyashi naagbee.

Yohane 13:18

“Jeee nyɛ fɛɛ nyɛhe miwieɔ; mi lɛ mile mɛi ni mihala; shi moŋ bɔ ni afee ni nɔ ni aŋma lɛ aba mli akɛ, ‘Mɔ ni yeɔ midɛŋ aboloo lɛ, ewo enanetsitsi eshi mi.’

Yohane 13:3

akɛni Yesu le akɛ Tsɛ lɛ etu nii fɛɛ ewo edɛŋ, ni Nyɔŋmɔ ŋɔɔ ejɛ, ni esaa eeya Nyɔŋmɔ ŋɔɔ lɛ,

Yohane 16:28

Tsɛ lɛ ŋɔɔ mijɛ miba je lɛ mli, ni miije je lɛ mli maya Tsɛ lɛ ŋɔɔ ekoŋŋ.”

Yohane 17:13

Ni agbɛnɛ miiba oŋɔɔ, ni miiwie nii nɛɛ yɛ je lɛ mli, koni amɛna mimiishɛɛ lɛ ni eye emuu yɛ amɛmli.

Yohane 20:17

Yesu kɛɛ lɛ akɛ, “Kaata mihe; miyako ŋwɛi yɛ miTsɛ ŋɔɔ; shi yaa minyɛmimɛi lɛ aŋɔɔ ni oyakɛɛ amɛ akɛ, miiya ŋwɛi yɛ miTsɛ kɛ nyɛ hu nyɛTsɛ kɛ miNyɔŋmɔ kɛ nyɛ hu nyɛNyɔŋmɔ lɛ ŋɔɔ.”

Yohane 20:21

Yesu saa kɛɛ amɛ ekoŋŋ akɛ, “Hejɔlɛ ahã nyɛ! Bɔ ni Tsɛ lɛ tsu mi lɛ, nakai mi hu mitsuɔ nyɛ nɛɛ.”

Yohane 3:34

Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ.

Yohane 6:62

Shi kɛji nyɛna Gbɔmɔ Bi lɛ miiya ŋwɛi he ni eyɔɔ sa lɛ, no hu?

Yohane 6:70

Yesu here amɛ nɔ akɛ, “Ani jeee nyɛyi nyɔŋma kɛ enyɔ mihala? Shi nyɛteŋ mɔ kome lɛ abonsam ni!”

Bɔfoi 1:11

ni amɛkɛɛ amɛ akɛ, “Nyɛ Galileabii, mɛɛba nyɛdamɔ shi nyɛkwɛɔ ŋwɛi nɛkɛ? Nɛkɛ Yesu nɛɛ ni aŋɔ lɛ kɛje nyɛŋɔɔ kɛtee ŋwɛi nɛɛ, ebaaba nakai nɔŋŋ, tamɔ bɔ ni nyɛna akɛ eyaa ŋwɛi nɛɛ.”

Bɔfoi 1:13

Ni be ni amɛshɛ jɛi lɛ, amɛtee ŋwɛitsu ko mli, he ni Petro kɛ Yakobo kɛ Yohane kɛ Andrea kɛ Filipo kɛ Toma kɛ Bartolomeo kɛ Mateo kɛ Alfeo bi Yakobo kɛ Simon, maŋ he hiɛdɔlɔ lɛ, kɛ Yakobo bi Yuda hiɔ lɛ.

Bɔfoi 1:22

kɛjɛ Yohane baptisimɔ lɛ nɔ kɛyashi gbi nɔ ni aŋɔ lɛ kɛje wɔŋɔɔ kɛtee ŋwɛi lɛ ateŋ mɔ kome atsɔ eshitee lɛ he odasefonyo afata wɔhe.”

Bɔfoi 1:9

Be ni ewie nii nɛɛ lɛ, amɛmiikwɛ lɛ nɔŋŋ ni awo lɛ, ni atatu ko ŋɔ lɛ kɛje amɛhiɛ kɛtee.

Bɔfoi 10:38

bɔ ni Nyɔŋmɔ kɛ Mumɔ Krɔŋkrɔŋ kɛ hewalɛ fɔ Yesu ni jɛ Nazaret lɛ mu, ni ekpaa shi efeɔ ekpakpa ni etsaa mɛi fɛɛ ni abonsam haoɔ amɛ lɛ, ejaakɛ Nyɔŋmɔ kɛ lɛ yɛ.

Galatabii 1:1

Mi Paulo ni mi ji bɔfo ni mibɔfonitsumɔ lɛ jɛɛɛ gbɔmɛi adɛŋ, ni jeee gbɔmɔ ko nɔ hu etsɔ̃, shi moŋ Yesu Kristo kɛ Tsɛ Nyɔŋmɔ ni tee lɛ shi kɛjɛ gbohii ateŋ lɛ nɔ etsɔ̃ lɛ,

Efesobii 2:20

ni atswa nyɛ ama bɔfoi lɛ kɛ gbalɔi lɛ shishitoo lɛ ni ekoŋtɛ ji Yesu Kristo lɛ nɔ.

1 Timoteo 3:16

Ni nɔ ko ni ŋwanejee ko bɛ he akɛ eda kpeteŋkple ji Nyɔŋmɔjamɔ teemɔ sane lɛ: Nyɔŋmɔ jie ehe shi faŋŋ yɛ gbɔmɔtso mli, abu lɛ bem yɛ mumɔ mli, bɔfoi na lɛ, ashiɛ lɛ yɛ jeŋmaji ateŋ, ahe enɔ aye yɛ jeŋ, aŋɔ lɛ kɛtee ŋwɛi yɛ anunyam mli.

Hebribii 9:24

Ejaakɛ jeee He Krɔŋkrɔŋ ni akɛ niji fee ni ji nii lɛ diɛŋtsɛ lɛ afoniri kɛkɛ lɛ mli Kristo yabote lɛ; shi moŋ ŋwɛi diɛŋtsɛ eyabote, koni agbɛnɛ eyapue yɛ Nyɔŋmɔ hiɛ ehã wɔ.

1 Petro 3:22

mɔ ni etee ŋwɛi ni eyata Nyɔŋmɔ ninejurɔ nɔ, ni akɛ ŋwɛi bɔfoi kɛ hegbɛi kɛ hewalɛi fɛɛ ewo eshishi lɛ.

2 Petro 3:2

ni nyɛkai gbalɔi krɔŋkrɔŋi lɛ awiemɔi ni amɛwie sa kɛ Nuŋtsɔ kɛ yiwalaherelɔ lɛ kitã ni bɔfoi ni atsu nyɛŋɔɔ lɛ kɛhã nyɛ lɛ.

Kpojiemɔ 1:1

Yesu Kristo kpojiemɔ ní Nyɔŋmɔ kɛhã lɛ ni ekɛtsɔ̃ɔ etsuji nii ní sa akɛ aba mli nɔŋŋ ní ekɛtsu ebɔfo lɛ ni ehã etsulɔ, Yohane le lɛ.

Kpojiemɔ 2:11

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Kunimyelɔ lɛ, gbele ni ji enyɔ lɛ efeŋ lɛ efɔŋ ko.’ ”

Kpojiemɔ 2:17

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ mana ni akɛtee lɛ eko, ni mahã lɛ tɛ yɛŋ, ni tɛ lɛ nɔ lɛ aŋma gbɛi hee ni mɔ ko leee akɛ ja mɔ ni náa lɛ.”

Kpojiemɔ 2:29

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ.”

Kpojiemɔ 2:7

Mɔ ni yɔɔ toi ni akɛ nuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ hegbɛ ni eye walatso lɛ ni yɔɔ miNyɔŋmɔ lɛ Paradeiso lɛ mli lɛ nɔ yibii lɛ eko.’ ”

Kpojiemɔ 21:14

Ni maŋ lɛ gbogbo lɛ yɛ shishitoi nyɔŋma kɛ enyɔ, ni Toobi lɛ bɔfoi nyɔŋma kɛ enyɔ lɛ agbɛii yɛ amɛnɔ.

Kpojiemɔ 3:13

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ.”

Kpojiemɔ 3:16

Shi nɛkɛ nɛɛ, akɛni kulɔkulɔ oyɔɔ ni obɛ ŋanii ni obɛ klakla hu hewɔ lɛ, mibafɛ̃ bo yɛ midaaŋ mashwie.

Kpojiemɔ 3:22

“Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ.”