Bɔfoi 1:16 - ŊMALƐ KRƆŊKRƆŊ LƐ

¹⁶ “Anyɛmimɛi, esa akɛ nɔ ni aŋma ni Mumɔ Krɔŋkrɔŋ lɛ ekɛɛ eto yɛ David naa yɛ Yuda, mɔ ni nyiɛ mɛi ni bamɔ Yesu lɛ ahiɛ lɛ, he lɛ aba mli,

Ṅmãle̱ Kroṅkroṅ Le̱

¹⁶ Atāmei ke̱ anyemimei, esa ake̱ nakai *ṅmãle̱ ní Mumo̱ kroṅkroṅ le̱ ekē̱ eto ye̱ David, nā ye̱ Iuda ní tšõ mei ní yamõ Iesu le̱ agbe̱ le̱ hewo̱ le̱ aba mli. *Lal. 41,10.

Bɔfoi 1:16 ပူးပေါင်းရင်းမြစ်များ

2 Samuel 23:2

Yehowa mumɔ lɛ tsɔɔ minɔ ewieɔ; ewiemɔ kã mililɛi nɔ.

2 Maŋtsɛmɛi 15:12

Belɛ wiemɔ ni Yehowa kɛ Yehu wie akɛ, “Oshwiei lɛ aaata Israel sɛ̃i lɛ nɔ lɛ,” na ba mli.

Lalai 41:9

Mi diɛŋtsɛ mishieŋtsɛ po ni miheɔ lɛ miyeɔ, mɔ ni yeɔ midɛŋ aboloo lɛ efã ntia eshi mi.

Mateo 26:14

Kɛkɛ ni mɛi nyɔŋma kɛ enyɔ lɛ ateŋ mɔ kome ni atsɛɔ lɛ Yuda Iskariot lɛ yiŋ etee osɔfonukpai lɛ aŋɔɔ

Mateo 26:47

Ni be ni ewieɔ lolo lɛ, naa, Yuda, mɛi nyɔŋma kɛ enyɔ lɛ ateŋ mɔ kome lɛ ba, ni asafo pii ni jɛ osɔfonukpai lɛ kɛ maŋ onukpai lɛ aŋɔɔ, kɛ lɛ nyiɛ, ni amɛhiɛ klantei kɛ kpotii.

Mateo 26:54

Shi no lɛ te aaafee tɛŋŋ ni nɔ ni ŋmalɛi lɛ ni kɛɔ akɛ ja eba lɛ nɛkɛ lɛ aaaba mliŋ?”

Mateo 26:56

Shi afee enɛ fɛɛ koni nii ni gbalɔi lɛ ŋmala lɛ aba mli.” Kɛkɛ ni kaselɔi lɛ fɛɛ jo foi shi lɛ.

Marko 12:36

Ejaakɛ David diɛŋtsɛ kɛɛ yɛ Mumɔ Krɔŋkrɔŋ lɛ naa akɛ, ‘Nuŋtsɔ lɛ kɛɛ miNuŋtsɔ lɛ akɛ, ta mininejurɔ nɔ, kɛyashi beyinɔ ni maŋɔ ohenyɛlɔi mafee onaneshi maaŋoo.’

Marko 14:43

Ni amrɔ lɛ nɔŋŋ, be ni ewieɔ lolo lɛ; Yuda, mɛi nyɔŋma kɛ enyɔ lɛ ateŋ mɔ kome lɛ, ba kɛ mɛi babaoo ni jɛ osɔfonukpai lɛ kɛ mlatsɔɔlɔi lɛ kɛ onukpai lɛ aŋɔɔ ni hiɛ klantei kɛ tsei.

Luka 22:47

Be ni ewieɔ lolo lɛ, naa asafoku ko ni mɛi nyɔŋma kɛ enyɔ lɛ ateŋ mɔ kome ni atsɛɔ lɛ Yuda lɛ nyiɛ amɛhiɛ! Ni etsi ebɛŋkɛ Yesu, koni eshwɔ enaa.

Yohane 10:35

Kɛji mɛi aŋɔɔ ni Nyɔŋmɔ wiemɔ lɛ ba lɛ tete lɛ etsɛ amɛ nyɔŋmɔi, ni anyɛŋ ŋmalɛ lɛ mli aku lɛ,

Yohane 13:18

“Jeee nyɛ fɛɛ nyɛhe miwieɔ; mi lɛ mile mɛi ni mihala; shi moŋ bɔ ni afee ni nɔ ni aŋma lɛ aba mli akɛ, ‘Mɔ ni yeɔ midɛŋ aboloo lɛ, ewo enanetsitsi eshi mi.’

Yohane 17:12

Be ni mikɛ amɛ yɔɔ lɛ, mito amɛ yɛ ogbɛi lɛ mli. Mɛi ni okɛhã mi lɛ, mibu amɛhe, ni amɛteŋ mɔ ko mɔ ko elaajeko, ja laajemɔ bi lɛ, koni nɔ ni aŋma lɛ aba mli.

Yohane 19:36

Ejaakɛ afee nii nɛɛ, koni nɔ ni aŋma akɛ, “Akuŋ ewu ko” lɛ aba mli.

Bɔfoi 1:20

Ejaakɛ aŋma yɛ Lalai Awolo lɛ mli akɛ, ‘Eshihilɛhe lɛ atsɔ̃ amaŋfɔ̃ ni mɔ ko mɔ ko akahi mli,’ kɛ ekoŋŋ akɛ, ‘Enɔkwɛmɔ nitsumɔ lɛ hu mɔ kroko aŋɔ.’

Bɔfoi 13:15

Ni be ni akane Mose Mla lɛ kɛ gbalɔi lɛ sɛɛ lɛ, kpeehe lɛ onukpai lɛ tsu abakɛɛ amɛ akɛ, “Anyɛmimɛi, kɛji nyɛyɛ hewalɛwoo wiemɔ ko kɛhã mɛi lɛ, nyɛkɛ amɛ awiea.”

Bɔfoi 13:38

No hewɔ lɛ, anyɛmimɛi hii, nyɛnaa nyɛlea akɛ mɔ nɛ nɔŋŋ nɔ atsɔ̃ɔ ajajeɔ eshaifaa atsɔɔ nyɛ lɛ; ni nibii fɛɛ ni anyɛŋ abu nyɛ bem yɛ he yɛ Mose Mla lɛ naa lɛ,

Bɔfoi 15:13

Be ni amɛwie amɛgbe naa lɛ, Yakobo here nɔ ni ekɛɛ, “Anyɛmimɛi hii, nyɛboa mi toi.

Bɔfoi 15:7

Shi be ni amɛyiyii aahu lɛ, Petro te shi damɔ shi, ni ekɛɛ amɛ akɛ, “Anyɛmimɛi hii, nyɛ diɛŋtsɛ nyɛle akɛ jeeŋmɔ beebe Nyɔŋmɔ hala wɔmli, ni eto akɛ minaa jeŋmaji lɛ anu Sanekpakpa lɛ yɛ ni amɛhe amɛye.

Bɔfoi 2:23

Yesu nɛɛ ni ajie lɛ yɛ Nyɔŋmɔ yiŋtoo kɛ enii ni ele eto lɛ naa ahã lɛ, nyɛtsɔ̃ mɛi ni bɛ mla lɛ anine nɔ nyɛsɛŋ lɛ ni nyɛgbe lɛ.

Bɔfoi 2:37

Shi be ni amɛnu enɛ lɛ, etsurɔ amɛtsuiiaŋ, ni amɛkɛɛ Petro kɛ bɔfoi ni eshwɛ lɛ akɛ, “Anyɛmimɛi, te wɔɔfee tɛŋŋ?”

Bɔfoi 22:1

“Ataamɛi kɛ anyɛmimɛi, nyɛboa minaa ni mibajie matsɔ̃ɔ nyɛ nɛɛ toi.”

Bɔfoi 23:1

Ni Paulo tɛje ehiɛ ekwɛ akwaashɔŋ lɛ hiɛ kɛkpe ni ekɛɛ, “Ataamɛi kɛ anyɛmimɛi! Mi lɛ, henilee kpakpa sɔŋŋ mikɛba mijeŋ yɛ Nyɔŋmɔ hiɛ kɛbashi ŋmɛnɛ gbi nɛɛ.”

Bɔfoi 23:6

Shi be ni Paulo yoo akɛ amɛfã kome lɛ Sadukifoi ni, ni amɛfã kroko lɛ Farisifoi ni lɛ, ebo yɛ akwaashɔŋ lɛ teŋ akɛ, “Anyɛmimɛi, naa, mi lɛ Farisifonyo ji mi kɛ Farisifonyo bi hu. Hiɛnɔkãmɔ kɛ gbohiiashitee lɛ hewɔ akojoɔ mi nɛɛ.”

Bɔfoi 28:17

Gbii etɛ̃ sɛɛ lɛ Paulo hã atsɛ Yudafoi lɛ anukpai ni yɔɔ lɛ kɛbakpe; ni be ni amɛnaa ebakpe shi lɛ, ekɛɛ amɛ akɛ, “Ataamɛi kɛ anyɛmimɛi, mitɔ̃ko maŋ lɛ loo wɔtsɛmɛi lɛ akusumi lɛ anɔ; kɛ̃lɛ akɛ mi wo Romabii lɛ adɛŋ yɛ Yerusalɛm akɛ gboklɛfonyo.

Bɔfoi 28:25

Ni akɛni amɛyakpãaa gbee hewɔ lɛ, amɛyiŋ amɛtee be ni Paulo wie wiemɔ nɛɛ, “Ojogbaŋŋ ni Mumɔ Krɔŋkrɔŋ lɛ kɛ wɔtsɛmɛi lɛ wie yɛ gbalɔ Yesaia naa

Bɔfoi 7:2

Ni ekɛɛ, “Anyɛmimɛi kɛ Ataamɛi, nyɛboa toi! Anunyam Nyɔŋmɔ lɛ jie ehe kpo etsɔ̃ɔ wɔtsɛ Abraham be ni eyɔɔ Mesopotamia, ni enako ebahi Haran lɛ,

1 Petro 1:11

Ni amɛsaa amɛtao amɛna be lɛ ni Kristo Mumɔ ni yɔɔ amɛmli lɛ tsɔ̃ɔ lɛ, be mli ni eyeɔ amanehului ni baaba Kristo nɔ kɛ anunyam ni baaba yɛ nomɛi asɛɛ lɛ ahe odase etoɔ lɛ, kɛ bɔ ni nakai be lɛ yɔɔ.

2 Petro 1:21

Ejaakɛ gbalɛ ko bako yɛ gbɔmɔ suɔmɔ̃naa pɛŋ, shi moŋ Mumɔ Krɔŋkrɔŋ lɛ tsirɛ gbɔmɛi ni amɛwie wiemɔi ni Nyɔŋmɔ kɛhã amɛ lɛ.

2 Petro 2:21

Ejaakɛ faŋ nɔ ni amɛnaaa amɛle jalɛ gbɛ lɛ, fe nɔ ni amɛle ni kɛ̃lɛ amɛkpale kɛjɛ kitã krɔŋkrɔŋ ni atu awo amɛdɛŋ lɛ he.