Bɔfoi 1:13 - ŊMALƐ KRƆŊKRƆŊ LƐ

¹³ Ni be ni amɛshɛ jɛi lɛ, amɛtee ŋwɛitsu ko mli, he ni Petro kɛ Yakobo kɛ Yohane kɛ Andrea kɛ Filipo kɛ Toma kɛ Bartolomeo kɛ Mateo kɛ Alfeo bi Yakobo kɛ Simon, maŋ he hiɛdɔlɔ lɛ, kɛ Yakobo bi Yuda hiɔ lɛ.

Ṅmãle̱ Kroṅkroṅ Le̱

¹³ Ni beni ame̱še̱ dše̱i le̱, ame̱te ṅweitšũ ko mli, heni Petro ke̱ Iakobo ke̱ Iohane ke̱ Andrea, Filipo ke̱ Toma, Bartolomeo ke̱ Mateo, Alfeo bi Iakobo ke̱ Simon, hĩedo̱lo̱ le̱, ke̱ Iakobo bi Iuda hĩo̱ le̱. Luk. 5,13-16.

Bɔfoi 1:13 ပူးပေါင်းရင်းမြစ်များ

Mateo 9:9

Ni be ni Yesu je jɛi eyaa lɛ ena nuu ko ni atsɛɔ lɛ Mateo ta toohemɔhe lɛ, ni ekɛɛ lɛ akɛ, “Nyiɛmɔ misɛɛ!” Ni ete shi enyiɛ esɛɛ.

Marko 14:15

Ni eeetsɔ̃ɔ nyɛ ŋwɛi asa kpeteŋkple ko ni awula mli ni asaa jɛi; nyɛsaa nii nyɛtoa wɔ yɛ jɛi.”

Marko 14:33

Ni eŋɔ Petro kɛ Yakobo kɛ Yohane efata ehe, ni ehe bɔ̃i kpokpomɔ kɛ haomɔ;

Marko 2:14

Ni be ni ehoɔ lɛ, ena Levi ni ji Alfeo bi lɛ ni eta toohemɔhe lɛ, ni ekɛɛ lɛ akɛ, “Nyiɛmɔ misɛɛ!” Ni ete shi enyiɛ esɛɛ.

Marko 5:37

Ni ehãaa mɔ ko mɔ ko anyiɛ esɛɛ akɛ ja Petro kɛ Yakobo kɛ Yohane, Yakobo nyɛmi lɛ, kɛkɛ.

Marko 9:2

Gbii ekpaa sɛɛ lɛ, Yesu ŋɔ Petro kɛ Yakobo kɛ Yohane, ni ekɛ amɛ kɛkɛ tee gɔŋ ni kwɔ ko nɔ yɛ afã banee. Ni egbɔmɔtso su tsake yɛ amɛhiɛ.

Luka 22:12

Ni eeetsɔ̃ɔ nyɛ ŋwɛiasa kpele ko ni awula mli; nyɛsaa Hehoo niyenii lɛ nyɛtoa yɛ jɛi.”

Yohane 11:16

Kɛkɛ lɛ Toma, mɔ ni atsɛɔ lɛ Didimo lɛ, kɛɛ enanemɛi kaselɔi lɛ akɛ, “Nyɛhãa wɔ hu wɔyaa, ni wɔ kɛ lɛ ayagboa.”

Yohane 14:22

Yuda, jeee Iskariot, bi lɛ akɛ, “Nuŋtsɔ, mɛni eba hewɔ ni wɔ pɛ obaajie ohe shi otsɔ̃ɔ, ni jeee je lɛ?”

Yohane 18:17

Kɛkɛ lɛ oblayoo lɛ ni buɔ shinaa lɛ naa lɛ kɛɛ Petro akɛ, “Te bo hu nuu nɛɛ kaselɔi lɛ eko ji bo?” Ekɛɛ, “Dabi.”

Yohane 21:2

Simon Petro kɛ Toma ni atsɛɔ lɛ Didimo lɛ, kɛ Natanael ni jɛ Kana yɛ Galilea lɛ, kɛ Zebedeo bii lɛ, kɛ ekaselɔi lɛ ateŋ mɛi krokomɛi enyɔ hu yɛ he kome kutuu.

Bɔfoi 12:17

Shi efɔ̃ amɛ nine akɛ amɛfee dioo, ni egba amɛ bɔ ni Nuŋtsɔ lɛ fee ni ejie lɛ yɛ tsu lɛ mli lɛ; ni ekɛɛ, “Nyɛyaa ni nyɛyagbaa Yakobo kɛ nyɛmimɛi lɛ nɛkɛ nibii nɛɛ.” Ni eje jɛi etee he kroko.

Bɔfoi 15:13

Be ni amɛwie amɛgbe naa lɛ, Yakobo here nɔ ni ekɛɛ, “Anyɛmimɛi hii, nyɛboa mi toi.

Bɔfoi 2:14

Shi Petro kɛ mɛi nyɔŋma kɛ ekome lɛ te shi amɛdamɔ shi, ni ewo egbee nɔ ekɛ asafo lɛ wie ekɛɛ, “Yudahii kɛ mɛi fɛɛ ni yɔɔ Yerusalɛm, nyɛnaa nyɛlea enɛ, ni nyɛboa miwiemɔi lɛ atoi.

Bɔfoi 2:38

Ni Petro kɛɛ amɛ akɛ, “Nyɛtsakea nyɛtsui ni nyɛteŋ mɔ fɛɛ mɔ ahã abaptisi lɛ awo Yesu Kristo gbɛi mli, koni akɛ nyɛhe eshai lɛ afa nyɛ, ni nyɛaana Mumɔ Krɔŋkrɔŋ nɔkeenɔ lɛ.

Bɔfoi 20:8

Ni asu kanei pii yɛ ŋwɛitsu lɛ mli he ni amɛbua amɛhe naa yɛ lɛ.

Bɔfoi 4:13

Agbɛnɛ be ni amɛna Petro kɛ Yohane ekãa lɛ, ni amɛyoo akɛ jeee woloŋlelɔi kɛ nilelɔi komɛi ji amɛ lɛ, efee amɛhiɛ yaa, ni amɛkɔ sɛɛ akɛ amɛkɛ Yesu ehi shi.

Bɔfoi 4:19

Shi Petro kɛ Yohane here nɔ ni amɛkɛɛ amɛ akɛ, “Kɛ eja gbɛ yɛ Nyɔŋmɔ hiɛ akɛ abo nyɛ moŋ toi fe Nyɔŋmɔ lɛ, nyɛkojoa.

1 Korintobii 15:7

No sɛɛ lɛ, ejie ehe kpo etsɔ̃ɔ Yakobo, no sɛɛ lɛ bɔfoi lɛ fɛɛ.

Galatabii 1:19

shi minaaa bɔfoi lɛ ateŋ mɔ kroko akɛ ja Yakobo, Nuŋtsɔ lɛ nyɛmi lɛ.

Galatabii 2:9

be ni amɛyoo dromɔ ni akɛhã mi lɛ, Yakobo kɛ Kefa kɛ Yohane ni abuɔ amɛ akɛ akulashiŋi lɛ, amɛkɛ naanyobɔɔ ninejurɔ lɛ ta mi kɛ Barnaba dɛ̃, koni wɔ lɛ wɔya jeŋmaji lɛ aŋɔɔ, shi amɛ lɛ amɛya ketiafolɔi lɛ aŋɔɔ;

Yakobo 1:1

Yakobo, ni ji Nyɔŋmɔ kɛ Nuŋtsɔ Yesu Kristo tsulɔ lɛ ŋma yahã akutsei nyɔŋma kɛ enyɔ ni egbɛ eshwã lɛ. Miiŋa nyɛ!

2 Yohane 1:1

Onukpa lɛ ŋma yahã Awula ni ahala lɛ kɛ ebii lɛ, mɛi ni misumɔɔ yɛ anɔkwale mli lɛ, ni jeee mi kome kɛkɛ, shi mɛi fɛɛ hu ni le anɔkwale lɛ

Yuda 1:1

Yuda, ni ji Yesu Kristo tsulɔ kɛ Yakobo nyɛmi lɛ; ŋma yahã mɛi ni atsɛ amɛ ni afee amɛ krɔŋkrɔŋ yɛ Tsɛ Nyɔŋmɔ lɛ mli ni akɛ amɛ eto ahã Yesu Kristo lɛ.