Abe̱i 4:4 - ŊMALƐ KRƆŊKRƆŊ LƐ

⁴ “Hã otsui amɔ miwiemɔi amli, ye mikitãi ni miwoɔ bo lɛ anɔ, ni oyi aaana wala.

Ṅmãle̱ Kroṅkroṅ Le̱

⁴ ni etšõmi nii ní ekē̱mi ake̱: Hã otšui ahĩe miwiemo̱i le̱ amli; *ye mikitãi le̱ ano̱, ni oyi aná wala! *3 Mose 18,5.

Abe̱i 4:4 ပူးပေါင်းရင်းမြစ်များ

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

Lalai 119:11

Mikɛ owiemɔ lɛ eto mitsui mli koni mikafee esha mishi bo.

Lalai 119:144

Omlai lɛ ja kɛmiiya naanɔ. Hã mi niiashishinumɔ koni miyi ana wala.

Lalai 119:168

Miyeɔ omlai kɛ okpɔi lɛ anɔ, ejaakɛ ohiŋmɛi jwere nɔ fɛɛ nɔ ni mifeɔ nɔ.

Abe̱i 22:6

Tsɔsemɔ gbekɛ bɔ ni eba ejeŋ jogbaŋŋ ehã, ni edalɛ mli lɛ etsakeŋ.

Abe̱i 23:26

Mibi ŋɔɔ otsui ohã mi, ni okɔ minane.

Abe̱i 3:1

Mibi, ohiɛ akakpa mimlai lɛ anɔ, shi moŋ okɛ mikitãi lɛ ato otsui mli,

Abe̱i 3:2

ejaakɛ mitsɔ̃ɔmɔi lɛ baahã owala sɛɛ atsɛ afii babaoo, ni obaashwere yɛ wala mli.

Abe̱i 7:2

Ye mikitãi lɛ anɔ ní oyi ana wala; ni obu mitsɔ̃ɔmɔi lɛ tamɔ ohiŋmɛi mli ajaŋmalaatɛ.

Yesaia 55:3

“Nyɛfea toi, ni nyɛbaa miŋɔɔ! Nyɛboa mi toi, ni nyɛyi aaana wala. Mi kɛ nyɛ baakpãŋ naanɔ kpãŋmɔ, ni ji mimɔbɔnalɛ ni sɛɛ efooo ni mikɛwo David shi lɛ.

Yeremia 38:20

Yeremia to he akɛ, “Akɛ bo haŋ amɛ. Bo lɛ, ye wiemɔi ni Yehowa kɛtsɔ̃ minɔ ni mikɛ bo ewie lɛ anɔ kɛkɛ, ni ebaahi ehã bo, ni oyi aaana wala.

Yohane 12:50

Ni mile akɛ ekitã lɛ naanɔ wala ni; no hewɔ lɛ, nɔ fɛɛ nɔ ni miwieɔ lɛ, bɔ ni Tsɛ lɛ ekɛɛ mi lɛ, nakai miwieɔ.”

Efesobii 6:4

Ni nyɛ tsɛmɛi lɛ, nyɛkawoa nyɛbii amli la, shi moŋ nyɛlɛa amɛ yɛ Nuŋtsɔ lɛ tsɔsemɔ kɛ ewiemɔkɛtsɔ̃ɔmɔ lɛ mli.

5 Mose 4:9

Shi moŋ, nyɛkwɛa ni ahia kɛkɛ koni nyɛhiɛ ahia nyɛhe nɔ jogbaŋŋ, bɔ ni afee ni nyɛhiɛ akaje nibii ni nyɛna kɛ nyɛ diɛŋtsɛ nyɛhiŋmɛii nɛɛ anɔ nyɛwala gbii abɔ fɛɛ. Ni nyɛgbaa nyɛbii kɛ nyɛnabii lɛ,

5 Mose 6:6

Nɛkɛ wiemɔi nɛɛ ni miwoɔ bo he kitã ŋmɛnɛ gbi nɛɛ akã otsui nɔ,

2 Timoteo 1:5

Ejaakɛ mikaiɔ ohemɔkɛyeli ni osato bɛ mli lɛ, ni yɔɔ onaa Loise kɛ onyɛ Eunike mli tsutsu, ni miyɛ nɔmimaa akɛ eyɛ bo hu omli lɛ.

2 Timoteo 3:15

ni ogbekɛbiiashi ojɛ ole Ŋmalɛi Krɔŋkrɔŋi lɛ, ni aaanyɛ ahã ole nii hã yiwalaheremɔ kɛtsɔ̃ Yesu Kristo nɔ hemɔkɛyeli nɔ.

Hebribii 5:9

Ni be ni ehi kɛwula shi lɛ, etsɔ̃ mɔ ni naanɔ yiwalaheremɔ jeɔ emli ehã mɛi fɛɛ ni boɔ lɛ toi lɛ,

Kojolɔi 13:12

Manoa kɛɛ lɛ akɛ, “Agbɛnɛ kɛ owiemɔi lɛ na ba mli lɛ, te gbekɛ lɛ shihilɛ baatamɔ ahã tɛŋŋ, ni mɛni ebaafee?”