Abe̱i 3:3 - ŊMALƐ KRƆŊKRƆŊ LƐ

³ Kaahã mlihilɛ kɛ anɔkwayeli miishi bo; ŋɔɔ ofi okuɛ, ŋmãa yɛ otsuiŋ tao lɛ nɔ;

Ṅmãle̱ Kroṅkroṅ Le̱

³ Kāhã mlihĩle̱ ke̱ ano̱kwale mīšĩo; *ṅõ-fĩ okue̱, ṅmã ye̱ otšuiṅ tāo le̱ ne̱: *4,21; 7,3. 5 Mose 6,8. Ier. 31,38.

Abe̱i 3:3 ပူးပေါင်းရင်းမြစ်များ

2 Samuel 15:20

Kolɛ gbii enyiɛ nɛ ni obadɔmɔ wɔ, hewɔ ni mahã okɛ wɔ aya ni oyatsomlo, be mli hu ni he pɔtɛɛ po ni miyaa lɛ mi diɛŋtsɛ lɛ mileee lɛ? Kuu osɛɛ ni okɛ owebii lɛ aya, ni Yehowa aaana bo mɔbɔ; asaŋ eeeye bo anɔkwa hu.”

Lalai 119:11

Mikɛ owiemɔ lɛ eto mitsui mli koni mikafee esha mishi bo.

Lalai 25:10

Suɔmɔ ni sɛɛ efooo, kɛ anɔkwayeli sɔŋŋ ji Yehowa gbɛi fɛɛ, kɛhã mɛi fɛɛ ni yeɔ ekpãŋmɔ lɛ kɛ ekpɔi lɛ anɔ lɛ.

Lalai 85:10

Suɔmɔ ni tsakeee kɛ anɔkwayeli baakpe; ni jalɛ kɛ toiŋjɔlɛ aaafua amɛhe atuu.

2 Mose 13:9

Nyɛkaia gbijurɔ nɛɛ. Nyɛhãa efea tamɔ okadi ko ni fi nyɛnineshi aloo ni kpɛtɛ nyɛhiɛŋtso nɔ koni Yehowa mla lɛ akã nyɛdaaŋ, ejaakɛ nineshiwalɛ naa Yehowa jie nyɛ kɛje Ijipt.

2 Mose 34:6

Yehowa batsɔ̃ Mose hiɛ kɛho, ni etsɛ ehe ekɛɛ, “Yehowa, Yehowa, Nyɔŋmɔ musuŋtsɔlɔ kɛ durolɔ lɛ, mɔ ni toɔ etsui shi, ni emli eyi kɛ suɔmɔ kɛ anɔkwale babaoo lɛ,

Abe̱i 1:9

Ejaakɛ nomɛi ji anunyam akekre ni fi oyitso kɛ kɔsɔŋkɔsɔ ni kã okuɛ.

Abe̱i 14:22

Mɔ ni tsɔ̃ɔ ŋaa fɔŋ lɛ ani jeee tɔ̃ etɔ̃ɔ lɛ lo? Shi mɔ ni toɔ ŋaa kpakpa lɛ, afiɔ esɛɛ, ni ayeɔ lɛ anɔkwa.

Abe̱i 16:6

Anɔkwayeli nɔ Yehowa damɔɔ ni ekɛ eshai faa; ni mɔ ni sheɔ Yehowa gbeyei lɛ, ewiɔ ehe kɛjeɔ efɔŋ he.

Abe̱i 20:28

Anɔkwayeli baa maŋtsɛ yi, ni jalɛ saneyeli hãa emaŋtsɛ sɛi maa shi shiŋŋ.

Abe̱i 6:21

Ŋɔɔ kitãi lɛ amli wiemɔi lɛ oto otsui mli daa nɛɛ; ŋɔɔ ofi okuɛ.

Abe̱i 7:3

Hã ehi owaobii anaa. Ŋmãa yɛ otsuiŋ tao lɛ nɔ.

Yeremia 17:1

Yehowa kɛɛ akɛ, “Yuda he esha lɛ akɛ dade niŋmaatso kɛ enaa daiamɔnd piɔpiɔ kpɛ wo amɛtsui tao lɛ nɔ; akpɛ yɛ amɛfɔleshãa latɛi lɛ akoji lɛ anɔ.

Hosea 4:1

Nyɛ Israelbii, nyɛboa nɔ ni Yehowa kɛɔ toi, ejaakɛ Yehowa kɛ shikpɔŋ lɛ nɔ bii lɛ ena. “Anɔkwayeli kɛ mɔbɔnalɛ etã yɛ shikpɔŋ lɛ nɔ; ni aleee Nyɔŋmɔ hu yɛ shikpɔŋ lɛ nɔ.

Maleaki 2:6

Amɛtsɔ̃ɔ mɛi nii ni ja, shi jeee nii ni ejaaa; ni amɛkɛ mi hi shi yɛ toiŋjɔlɛ kɛ jalɛ mli. Amɛfee nii ni ja, ni amɛkpale mɛi babaoo kɛje nɔsha he.

Mateo 23:23

“Kpoo hã nyɛ, mlatsɔɔlɔi kɛ Farisifoi, osatofoi! Nyɛhãa kowɛ kɛ anisi kɛ kumino mlijaa nyɔŋmanyɔŋma, shi Mla lɛ mli nii ni he jaraa ni ji jalɛ saneyeli kɛ mɔbɔnalɛ kɛ hemɔkɛyeli lɛ nyɛshiɔ; enɛɛmɛi sa akɛ nyɛfeɔ kɛshiɔ ekrokomɛi lɛ anɔ.

2 Korintobii 3:3

ni ajie nyɛ faŋŋ atsɔ̃ɔ akɛ nyɛ ji Kristo wolo ni wɔsɔ̃mɔɔ yɛ he, ni jeee blɛgi akɛŋma, shi moŋ Nyɔŋmɔ hiɛkãalɔ lɛ Mumɔ lɛ, jeee yɛ tɛi tɛtɛrɛi anɔ, shi moŋ yɛ tsuii ni ji heloo taoi anɔ.

Efesobii 5:9

Ejaakɛ la lɛ yibii jeɔ kpo yɛ ekpakpafeemɔ kɛ jalɛ kɛ anɔkwale fɛɛ mli.

5 Mose 6:8

Asaŋ okɛfi onineshi kɛ ohiɛŋtso nɔ hu akɛ hekaimɔ okadi,

Hebribii 10:16

“Enɛ ji kpãŋmɔ ni mikɛ amɛ aaakpãŋ yɛ nakai gbii lɛ asɛɛ lɛ, Nuŋtsɔ lɛ kɛɛ. Mikɛ mimlai lɛ aaawo amɛtsuii amli, ni maŋma mawo amɛjwɛŋmɔ mli,