Abe̱i 27:9 - ŊMALƐ KRƆŊKRƆŊ LƐ

⁹ Muŋma kɛ ojeŋma hãa mɔ mii shɛɔ ehe, shi haomɔ hãa mɔ tsui yeɔ.

Ṅmãle̱ Kroṅkroṅ Le̱

⁹ Mũ ke̱ tšofã-ke̱-ṅma hãa tšui mī še̱o̱ ehe, ni gbomo nanyo ṅõ fè le̱dientše̱ etsui mli ṅāwō.

Abe̱i 27:9 ပူးပေါင်းရင်းမြစ်များ

1 Maŋtsɛmɛi 1:12

No hewɔ lɛ, agbɛnɛ ba ni mawo bo ŋaa, bɔ ni afee ni okɛhere bo diɛŋtsɛ kɛ obi Solomon yiwala.

Lalai 104:15

kɛ wain ni hãa adesa tsui nyɔɔ emli, kɛ mu ni hãa gbɔmɔ hiɛ kpɛɔ; kɛ aboloo ni hãa gbɔmɔ adesa hewalɛ lɛ.

Lalai 133:2

Etamɔ mu kpakpa ni jara wa ni yɔɔ yiteŋ ni tsereɔ eshwieɔ tsɛŋ mli, ni ji Aaron tsɛŋ lɛ. Etsereɔ kɛbashwieɔ etade yuu lɛ naamuu lɛ nɔ.

Lalai 141:5

Hã jalɔ agbala mitoi kɛ mlihilɛ; hã anɔkwafoi akã mi; shi kɛji mɔ fɔŋ miiwo mihiɛ nyam lɛ, hã makwa; ejaakɛ misɔleɔ daa mishiɔ amɛnifɔ̃ɔjianii lɛ.

Lalai 23:5

Oŋmɛɔ mi okplɔ̃ yɛ mihenyɛlɔi ahiɛ. Okɛ mu fɔɔ miyitso mikpulu lɛ eyi kɛteke nɔ.

Abe̱i 15:23

Wiemɔ hetoohãmɔ ni sa lɛ, ehãa mɔ naa miishɛɛ; ni wiemɔ ni awie yɛ be ni sa mli lɛ, ehi pam.

Abe̱i 16:21

Mɔ ni le nii lɛ, atsɛɔ lɛ hiɛtɛ̃lɔ; ni wiemɔ ni ŋɔɔ lɛ, no tsakeɔ mɔ jwɛŋmɔ.

Abe̱i 7:17

Mikɛ mire kɛ aloe kɛ sinamon ewo misaa lɛ mli ŋma.

Salomo Lalai 1:3

Omui ni okpaa jeɔ ŋma naakpa, ogbɛi jeɔ ŋma tamɔ muŋma ni afɔse ashwie shi. No hewɔ ni oblayei lɛ sumɔɔ bo lɛ.

Salomo Lalai 3:6

Mɛni ji nɔ ni jɛ ŋa lɛ nɔ baa tamɔ lasu kusuu ni teɔ shi nɛɛ? Namɔ nɛ ni mire kɛ krɔbɔo kɛ jarayelɔi atsofãi srɔtoi fɛɛ jeɔ ŋma yɛ ehe nɛɛ?

Salomo Lalai 4:10

Minyɛmi yoo, miyɛmfro, osuɔmɔ yɛ akɔnɔ. Osuɔmɔ lɛ ŋɔɔ aahu fe wain. Omui lɛ jeɔ ŋma aahu fe tsofakɛŋmai srɔtoi fɛɛ.

Yohane 12:3

Kɛkɛ ni Maria ŋɔ “nardo” mu ŋmiiŋmi ni jara wa naakpa ni etsiimɔ ji nsɛnitɛ kome, ni ekɛkpa Yesu naji ahe ni ekɛ eyitsɔi tsumɔ enaji lɛ ahe; ni mu lɛ ŋma yi shĩa lɛ mli tɔ.

Bɔfoi 28:15

Nyɛmimɛi ni yɔɔ jɛi lɛ nu wɔhe, ni amɛbakpee wɔ yɛ Apio jara nɔ kɛ Gbɔiatoohei Etɛ̃ lɛ; ni be ni Paulo na amɛ lɛ, eda Nyɔŋmɔ shi ni etsui nyɔ emli.

Kojolɔi 9:9

Shi mutso kɛɛ amɛ akɛ, ‘Ani mihã mimu ni akɛwoɔ nyɔŋmɔi kɛ gbɔmɛi ahiɛ nyam lɛ abɔ mi ni miyaye tsei anɔ lo?’