Abe̱i 27:8 - ŊMALƐ KRƆŊKRƆŊ LƐ

⁸ Nuu ni jeɔ ewe eyakpaa shi lɛ, etamɔ loofɔlɔ ni jeɔ etsu mli eyatsomloɔ.

Ṅmãle̱ Kroṅkroṅ Le̱

⁸ Nū ní dšeo̱ ewe eyatšomloo̱ le̱, etamo̱ loflõ ní dšeo̱ etšũ mli eyatšomloo̱.

Abe̱i 27:8 ပူးပေါင်းရင်းမြစ်များ

Yesaia 16:2

Moabbii lɛ tsɔ̃ tamɔ loofɔji ni miitsomlo kɛmiiya kɛmiiba, amɛtamɔ loofɔji abii ni agbɛ amɛ ashwã yɛ Arnon Faa lɛ faafoohe lɛ.

Abe̱i 21:16

Mɔ ni kɔɔɔ sane sɛɛ lɛ, enaagbeehe ji gbohiiaje; eeeyahi gbohii agwabɔɔ lɛ mli.

1 Korintobii 7:20

Mɔ fɛɛ mɔ lɛ, nɔ shihilɛ mli ni eyɔɔ ni atsɛ lɛ lɛ, no mli nɔŋŋ ehi.

Yona 1:3

Shi be ni Yona yi mli lɛ, ewo ehiɛ ema Tarshish gbɛ moŋ. Eyiŋtoo ji akɛ eejo Yehowa tsumɔ lɛ naa foi. Etee Yopa; eyana lɛlɛ ko yɛ jɛi ni miiya Tarshish. No hewɔ lɛ, ewo lɛlɛ lɛ mlitamɔ he nyɔmɔ, kɛkɛ ni ebote mli koni ekɛ lɛlɛ lɛ mli bii lɛ aya Tarshish, koni ejo foi yɛ Yehowa hiɛ.

1 Maŋtsɛmɛi 19:9

Eyashɛ tɛkplo ko he yɛ jɛi, ni ewɔ jɛi nakai gbi lɛ gbɛkɛ lɛ. Trukaa lɛ Yehowa bi lɛ yɛ jɛi akɛ, “Elia, mɛni ofeɔ yɛ biɛ?”

1 Samuel 22:5

Fee sɛɛ lɛ gbalɔ lɛ ni atsɛɔ lɛ Gad lɛ ba, ni ebakɛɛ David akɛ, “Kaahi tɛkplo nɛɛ mli dɔŋŋ. Shi biɛ ni oya Yuda shikpɔŋ lɛ nɔ.” No hewɔ lɛ, David shi tɛkplo lɛ mli ni etee eyahi Heret koo lɛ mli.

Abe̱i 26:2

Bɔ ni aflimata filikiɔ ni nyɔŋmɔbitɛte filikiɔ lɛ, nakai yaka loomɔ mɔɔɔ mɔ.

1 Mose 4:16

Kɛkɛ ni Kain je Yehowa hiɛ etee, ni eyahi shi yɛ Nod shikpɔŋ lɛ nɔ yɛ Eden bokãgbɛ.

Yuda 1:13

Ŋshɔkei hu ni yɔɔ hamahama ni fɛ̃ɔ amɛ diɛŋtsɛ amɛhiɛgbejianii kɛbaa ŋwɛi tamɔ afũi ji amɛ. Amɛtamɔ ŋulamii dudulɔi, ni asaa duŋ kpii lɛ ato amɛ kɛmiiya naanɔ lɛ.

1 Mose 21:14

Abraham te shi leebi maŋkpa. Ekɔ aboloo ni ewo nu kɛ tɔ ekɛtswa Hagar kɔŋ. Ekɛ gbekɛ lɛ hu hã Hagar, kɛkɛ ni ewo lɛ gbɛ. Hagar yi mli ni eyatsomlo yɛ Beersheba ŋa lɛ nɔ.

Abe̱i 27:7

Mɔ ni eye nii etɔ lɛ, ekwaa wo agbaku tete; shi mɔ ni hɔmɔ yeɔ lɛ lɛ, nɔ fɛɛ nɔ ni joɔ po ŋɔɔ yɛ edaaŋ.

1 Maŋtsɛmɛi 11:22

Shi Ijipt maŋtsɛ lɛ kɛɛ Hadad akɛ, “Mɛni po he hiaa bo yɛ biɛ hewɔ ni otaoɔ akɛ oya bo diɛŋtsɛ oshikpɔŋ nɔ lɛ?” Hadad hã lɛ hetoo akɛ, “Nɔ ko nɔ ko he ehĩaaa mi, shi kɛ̃lɛ, ŋmɛɛ mi gbɛ koni maya.”