Abe̱i 19:2 - ŊMALƐ KRƆŊKRƆŊ LƐ

² Shwe ni ashweɔ nɔ ko ni nilee bɛ mli lɛ ehiii; ni mɔ ni nyiɛɔ kplakpla lɛ eduɔ gbɛ.

Ṅmãle̱ Kroṅkroṅ Le̱

² Ké̱ susuma lee nii le̱, ehĩĩ, ni moni fãmoo̱ enãdši oyáyá le̱, efeo eša.

Abe̱i 19:2 ပူးပေါင်းရင်းမြစ်များ

2 Maŋtsɛmɛi 4:39

Gbalɔi aku lɛ mli bii lɛ ateŋ mɔ kome je kpo etee ŋa nɔ koni eyatse shwie. Eyana ŋa nɔ baa ko ni haa shi; ni etserɛ baa nɛɛ eko ewo emama naa obɔ̃; ebafolɔ mli ewo kukwɛi ni ma la lɛ nɔ lɛ mli; tsɛbelɛ amɛleee nɔ baa ni ji.

Hiob 31:5

Kɛji miba mijeŋ kɛ kutumpɔo, ni miye oyai mishishiu mɔ ko lɛ,

Abe̱i 1:16

Gbɔmɛi ni tamɔ nɛkɛ lɛ, amɛhe yɛ oya kɛ efɔŋfeemɔ; amɛhe feɔ oya kɛ láshishwiemɔ.

Abe̱i 10:21

Jalɔ naabu lɛɔ mɛi babaoo, shi kwashia lɛ, jwɛŋmɔ ni ebɛ hewɔ lɛ egboɔ.

Abe̱i 14:29

Mɔ ni mli fuuu mra lɛ, eyɛ niiashishinumɔ kpele; shi mɔ ni mli fuɔ mramra lɛ ejieɔ ebuulufeemɔ kpo.

Abe̱i 21:5

Hiɛshikãlɔ jwɛŋmɔ lɛ ekɛ shweremɔ baa; shi mɔ ni kɛ hejojomɔ feɔ nɔ lɛ, ekɛ ohia baa.

Abe̱i 25:8

Kaaye oyai ni okɛ nɔ ni okɛ ohiŋmɛi kɛkɛ na tee saneyelihe, ejaakɛ naagbee mli kɛji onaanyo lɛ wo bo hiɛgbele lɛ, te obaafee tɛŋŋ?

Abe̱i 28:20

Nuu anɔkwafo aaana jɔɔmɔ babaoo; shi mɔ ni yeɔ oyai koni ena nii lɛ, eyeŋ ehe.

Abe̱i 28:22

Kpɛkpɛɛlɔ yeɔ oya ni ena nii; shi eleee akɛ ohia miiba enɔ.

Abe̱i 29:20

Ani ona nuu ni enaa yɔɔ blɛblɛ kɛ wiemɔ lo? Hiɛnɔkãmɔ yɛ hã kwashia fe lɛ.

Jajelɔ 12:9

Tsɔɔlɔ lɛ le nii, ni etsɔ̃ɔ emaŋbii lɛ nii ni ele lɛ eko. Ekase abɛi ahe nii, ejwɛŋ amɛhe ni ekɛ amɛ to shihilɛ he ekwɛ kɛ hiɛshikãmɔ.

Jajelɔ 7:9

Kaahã omli fu oya, ejaakɛ kwashiai amiinaa ji he ni mlifu yɔɔ.

Yesaia 27:11

Kɛji emli tsei aniji lɛ gbi lɛ, akumɔɔ ni yei baa ni amɛbalɛɔ akɛ lai kɛyaa, ni amɛyashãa. Ejaakɛ amɛjeee maŋ ni nuɔ nii ashishi. No hewɔ lɛ, Nyɔŋmɔ, mɔ ni bɔ amɛ lɛ musuŋ etsɔŋ lɛ yɛ amɛhe, ni enaŋ amɛ mɔbɔ.

Yesaia 28:16

No hewɔ lɛ, nɔ ni Nuŋtsɔ Nyɔŋmɔ kɛɔ nɛ, “Naa, mikɛ tɛ ko miima shi akɛ Zion shishitoo tɛ; eji tɛ ni aka akwɛ, koŋtɛ ni jara wa ni ma shi shiŋŋ; ni aŋma yɛ nɔ akɛ, ‘Mɔ ni heɔ yeɔ lɛ ehe kpokpoŋ.’ ”

Hosea 4:6

Mimaŋ lɛ hiɛ ekpãtã ejaakɛ amɛleee nii. Akɛni okwa nilee hewɔ lɛ, mi hu miikwa bo akɛ misɔfo; ni akɛni ohiɛ ekpa oNyɔŋmɔ lɛ mla lɛ nɔ hewɔ lɛ, mi hu mihiɛ miikpa obii lɛ anɔ.

Yohane 16:3

Ni amɛaafee enɛɛmɛi, ejaakɛ amɛleee Tsɛ lɛ ni amɛleee mi hu.

Romabii 10:2

Ejaakɛ miiye amɛhe odase akɛ amɛhiɛ dɔɔ yɛ Nyɔŋmɔ he moŋ, shi jeee nilee naa.

Filipibii 1:9

Ni enɛ he fai mikpaa, akɛ nyɛsuɔmɔ lɛ afa kɛya nɔ, ni eteke nɔ yɛ nilee kɛ sɛɛyoomɔ fɛɛ gbɛfaŋ