Abe̱i 11:4 - ŊMALƐ KRƆŊKRƆŊ LƐ

⁴ Mlifu gbi lɛ nɔ lɛ, ninamɔ he bɛ sɛɛnamɔ ko; shi jalɛ jieɔ mɔ kɛjɛɔ gbele dɛŋ.

Ṅmãle̱ Kroṅkroṅ Le̱

⁴ Mlifũ gbĩ le̱ no̱ le̱, nii he be̱ se̱námo̱ ko; ši dšale̱ dšieo̱ mo ye̱ gbĕle deṅ. 10,2.

Abe̱i 11:4 ပူးပေါင်းရင်းမြစ်များ

1 Mose 7:1

Kɛkɛ ni Yehowa kɛɛ Noa akɛ, “Bo kɛ owe lɛ fɛɛ nyɛbotea adeka lɛ mli ejaakɛ bo ji mɔ ni mina akɛ jalɔ yɛ mihiɛ yɛ yinɔ nɛɛ mli.

Hiob 20:28

Enii ni ena fɛɛ hiɛ aaakpãtã, yɛ Nyɔŋmɔ mlifu gbi lɛ nɔ.

Abe̱i 10:2

Efɔŋfeemɔ mli ninamɔ lɛ ehe bɛ sɛɛnamɔ; shi jalɛ hereɔ mɔ yiwala yɛ gbele dɛŋ.

Abe̱i 12:28

Jalɛ lɛ wala gbɛ ni; shi gbɛ gbonyo lɛ, gbele gbɛ ni.

Abe̱i 6:34

Ejaakɛ awuŋayeli hãa nuu mlifu naa waa, ni kɛji eetɔ owele lɛ, ekɔ̃ɔɔ efiliii.

Yesaia 10:3

Te nyɛaafee tɛŋŋ yɛ nakai toigbalamɔ gbi lɛ nɔ, be ni ahum baatswa kɛjɛ shɔŋŋ kɛba lɛ? Namɔ ŋɔɔ nyɛaajo foi kɛaaya nyɛyatao yelikɛbuamɔ; ni nɛgbɛ nyɛaashi nyɛnii ni nyɛna lɛ yɛ?

Ezekiel 14:14

kɛji nɛkɛ hii etɛ̃ nɛɛ, ni ji Noa kɛ Daniel kɛ Hiob, futu amɛ tete po lɛ, amɛkɛ amɛjalɛ lɛ aaahere amɛ pɛ amɛ diɛŋtsɛ amɛyiwala; Nuŋtsɔ Yehowa kɛɛ.

Ezekiel 7:19

Amɛjwiɛtɛi lɛ amɛaashɛrɛ amɛshwie blohuiaŋ, ni amɛaabu amɛshika lɛ akɛ nɔ ko ni anyaŋeɔ. Amɛjwiɛtɛi kɛ amɛshika lɛ nyɛŋ amɛyiwala ahere yɛ Yehowa mlifu gbi lɛ nɔ. Nomɛi haŋ amɛtɔrɔ, ni ehaŋ amɛmusu ayimɔ obɔ̃bɔ̃, ejaakɛ amɛjwiɛtɛi kɛ shika lɛ etsɔ̃ pampi ehã amɛ.

Zefania 1:18

Nakai Yehowa mlifu gbi lɛ nɔ lɛ, gbɔmɛi ajwiɛtɛi kɛ shika fɛɛ nyɛŋ amɛyiwala ahere. Emlifu ni jɛ awuŋayeli mli lɛ naa la lɛ naawalɛ baakpãtã je lɛ fɛɛ hiɛ; ejaakɛ trukaa ni eeeplene shikpɔŋ lɛ nɔ gbɔmɛi fɛɛ.

Mateo 16:26

Ejaakɛ mɛɛ sɛɛ gbɔmɔ baana, kɛji enine shɛ jeŋ muu lɛ fɛɛ nɔ, shi elaaje esusuma lɛ? Aloo mɛni gbɔmɔ kɛaahã ni ekɛkpɔ̃ esusuma lɛ?

Luka 12:20

Shi Nyɔŋmɔ kɛɛ lɛ akɛ, ‘Kwashia, nyɔɔŋ nɛɛŋ nɔŋŋ lɛ abaabi osusuma shi yɛ odɛ̃ŋ; ni nibii ni osaa oto lɛ, namɔ nɔ eeetsɔ̃?’

Romabii 5:17

Ejaakɛ kɛ mɔ kome shigbeemɔ lɛ hewɔ jɛ ni gbele tsɔ̃ nakai mɔ kome lɛ nɔ ye maŋtsɛ lɛ, belɛ mɛi ni ena dromɔ kɛ jalɛ nɔkeenɔ ni fa kɛteke nɔ lɛ aaatsɔ̃ mɔ kome ni ji Yesu Kristo lɛ nɔ aye maŋtsɛ yɛ wala mli aahu.

1 Timoteo 4:8

Ejaakɛ hetsɔsemɔ yɛ gbɔmɔtso gbɛfaŋ he sɛɛnamɔ faaa, shi hetsɔsemɔ yɛ Nyɔŋmɔjamɔ mli he yɛ sɛɛnamɔ yɛ nii fiaa mli, ni eyɛ wala ni yɔɔ amrɔ nɛɛ kɛ nɔ ni baaba lɛ he shiwoo.