Abe̱i 1:5 - ŊMALƐ KRƆŊKRƆŊ LƐ

⁵ Nilelɔ hu nuɔ, ni ekaseɔ nii efataa enilee he. Amɛhãa mɔ ni nuɔ niiashishi hu leɔ ŋaa.

Ṅmãle̱ Kroṅkroṅ Le̱

⁵ ní nilelo̱ anu ni eſere ye̱ nikasemo̱ gbe̱fãṅ, ní moni yo̱ dſẽṅmo̱ hũ aná ṅā-wō kpakpa,

Abe̱i 1:5 ပူးပေါင်းရင်းမြစ်များ

2 Kronika 25:16

Shi Maŋtsɛ Amazia fo gbalɔ lɛ wiemɔ lɛ mli, ni ekɛɛ lɛ akɛ, “Mɛɛbe wɔwo bo maŋtsɛ ŋaawolɔ? Mɔ onaabu mli koni mikahã agbe bo!” Kɛkɛ ni gbalɔ lɛ kpa wiemɔ lɛ; shi etsɔ̃ hiɛ ni ekɛɛ Amazia akɛ, “Nɔ ni ofee lɛ kɛ agbɛnɛ miŋaawoo toi ni obooo nɛɛ ehã mina mile akɛ Yehowa eto eyiŋ akɛ ebaakpãtã ohiɛ.”

Hiob 34:10

No hewɔ lɛ, nyɛ mɛi ni nyɛyɔɔ jwɛŋmɔ lɛ, nyɛboa mi toi. Enɛ akagbale Nyɔŋmɔ fɔɔŋfɔ akɛ eeefee nɔ fɔŋ, aloo Ofe lɛ, eeefee nɔ ko ni ejaaa hu.

Hiob 34:16

Kɛji oyɛ jwɛŋmɔ lɛ bo toi! Bo nɔ ni makɛɛ lɛ toi!

Hiob 34:2

“Nyɛ nilelɔi kɛ jwɛŋlɔi, nyɛboa miwiemɔ toi, nyɛfea toi nyɛhãa mi,

Hiob 34:34

Mɛi ni nuɔ nii ashishi lɛ baakɛɛ mi; ni nilelɔi ni nuɔ nɔ ni miwieɔ lɛ baakɛɛ akɛ,

Abe̱i 12:1

Mɔ ni sumɔɔ tsɔsemɔ lɛ, esumɔɔ nilee; shi mɔ ni ekpɛlɛ̃ɛɛ kãmɔ lɛ, kwashia ni.

Abe̱i 14:6

Hefɛoyelɔ taoɔ nilee, shi enaaa; shi nilee taomɔ waaa hãaa niiashishinulɔ.

Abe̱i 18:15

Jwɛŋmɔ ni hiɛ kã shi naa nilee; ni nilelɔ toi tiuɔ nilee sɛɛgbɛ.

Abe̱i 19:25

Tswaa hefɛoyelɔ nɔ, ni mɔ ni jwɛŋmɔ esako lɛ eeekase nɔ ko yɛŋ. Kã mɔ ni yɔɔ niiashishinumɔ hiɛ, ni eeele nii.

Abe̱i 21:11

Kɛ agbala hefɛoyelɔ toi lɛ, mɔ ni jwɛŋmɔ esako kaseɔ nii kɛjɛɔ mli; ni kɛ atsɔ̃ɔ nilelɔ nii lɛ, eleɔ nii.

Abe̱i 8:33

Nyɛboa tsɔsemɔ toi koni nyɛle nii; ni nyɛkakwaa lɛ kwraa.

Abe̱i 9:8

Hɛfɛoyelɔ lɛ kɛ okã ehiɛ lɛ, ebaanyɛ bo; shi nilelɔ lɛ kɛji okã ehiɛ lɛ, ebaasumɔ bo.

Abe̱i 9:9

Tsɔ̃ɔmɔ nilelɔ nii, ni eeele nii efata nɔ ni ele momo lɛ he; tsɔ̃ɔmɔ jalɔ nii, ni enilee aaafa.

Jajelɔ 9:11

Asaŋ mina akɛ jeŋ ni ayɔɔ mli nɛɛ lɛ, jeee be fɛɛ be mɔ ni najiaŋ wa yeɔ foidamɔ mli kunim, aloo kãkãlɔ yeɔ ta mli kunim; aloo nilelɔ naa edaaŋŋmaa, aloo hiɛshikãlɔ tsɔ̃ɔ niiatsɛ, aloo mɔ ni he esa yɛ nitsumɔ ko mli hiɛ baa nyam; shi amɛ fɛɛ lɛ dromɔ naa kɛkɛ ni.

1 Korintobii 10:15

Mikɛ nyɛ miiwie tamɔ akɛ nilelɔi wieɔ; nɔ ni mikɛɔ lɛ nyɛ diɛŋtsɛ nyɛhalaa mli.

5 Mose 4:6

Nyɛyea nɔ; nyɛbaa nyɛjeŋ ejaakɛ no nɔŋŋ baahã nyɛnilee kɛ nyɛhiɛshikamɔ abakã shi faŋŋ yɛ maji krokomɛi lɛ ahiɛ. Kɛji amɛnu nɛkɛ akpɔi nɛɛ lɛ, amɛaakɛɛ akɛ, ‘Anɔkwa akɛ maŋ nɛɛ mli bii lɛ le nii, ni amɛnuɔ nii ashishi; maŋ kpeteŋkple nɛ.’