Abe̱i 1:2 - ŊMALƐ KRƆŊKRƆŊ LƐ

² Abɛi nɛɛ tsɔ̃ɔ mɔ nilee, ni amɛhãa mɔ naa tsɔsemɔ. Amɛhãa mɔ nuɔ wiemɔi ni jwɛŋmɔ yɔɔ mli ashishi faŋŋ hu.

Ṅmãle̱ Kroṅkroṅ Le̱

² Ni ake̱-le nii ke̱ tšo̱semo̱, ní ake̱-nu wiemoi ní dſẽṅmo̱ yo̱ mli ašiši;

Abe̱i 1:2 ပူးပေါင်းရင်းမြစ်များ

Abe̱i 15:33

Yehowa gbeyeishemɔ ji tsɔsemɔ ni hãa mɔ leɔ nii; ni anunyam yɔɔ nɛɛ heshibaa nyiɛɔ ehiɛ.

Abe̱i 16:16

Kɛji ole nii lɛ ehi aahu fe shika; ni kɛji oyɛ niiashishinumɔ lɛ, ehi fe jwiɛtɛi.

Abe̱i 17:16

Mɛɛ sɛɛnamɔ kwashia baana, kɛji ekɛ shika yahe nilee; ejaakɛ ebɛ yitsoŋ.

Abe̱i 19:20

Bo ŋaawoo toi, ni okpɛ̃lɛ tsɔsemɔ koni wɔsɛɛ lɛ, ole nii.

Abe̱i 2:9

No dani obaanu jalɛ kɛ jalɛ saneyeli kɛ anɔkwayeli kɛ nɔ ni ji jeŋba kpakpa shishi.

Abe̱i 4:1

Bii, nyɛboa nyɛtsɛ tsɔsemɔ lɛ toi, ni nyɛfea toi ni nyɛlea sanesɛɛkɔmɔ.

Abe̱i 7:4

Tsɛ nilee akɛ, “Minyɛmi yoo,” koni otsɛ sanesɛɛkɔmɔ akɛ oshieŋnyɛ.

Abe̱i 8:33

Nyɛboa tsɔsemɔ toi koni nyɛle nii; ni nyɛkakwaa lɛ kwraa.

Abe̱i 8:5

Oo, nyɛ mɛi ni nyɛnako jwɛŋmɔ, nyɛkasea hiɛtɛ̃ɛ. Oo, nyɛ hii kwashiai hu, nyɛboa toi jogbaŋŋ.