5 Mose 9:9 - ŊMALƐ KRƆŊKRƆŊ LƐ

⁹ Be ni mikwɔ gɔŋ lɛ koni miyahe tɛi tɛtɛrɛbii lɛ ni aŋma kpãŋmɔ ni Yehowa kɛ nyɛ kpãŋ lɛ yɛ nɔ lɛ; mihi gɔŋ lɛ nɔ shwaneshwane kɛ nyɔɔŋnyɔɔŋ gbii nyɔŋmai ejwɛ; miyeee nii lɛ, minuuu nu hu.

Ṅmãle̱ Kroṅkroṅ Le̱

⁹ Beni mikwo̱ ke̱-te goṅ le̱ no̱ ni miyahe te̱i te̱tre̱bii ní dši kpãṅmo̱ ní Iehowa ke̱nye kpãṅ le̱ no̱ te̱i te̱tre̱bii le̱, mihĩ goṅ le̱ no̱ nyõṅnyõṅ ke̱ ſaneſane gbĩĩ nyoṅmai-edſe̱, miyee nii le̱, minuu nu hũ.

5 Mose 9:9 ပူးပေါင်းရင်းမြစ်များ

1 Maŋtsɛmɛi 19:8

Kɛkɛ ni Elia te shi, ni eye nii, ni enu nu eshwie nɔ. Niyenii nɛɛ mli hewalɛ lɛ ji nɔ ni hã enyɛ enyiɛ shwaneshwane kɛ nyɔɔŋnyɔɔŋ gbii nyɔŋmai ejwɛ kɛtee Nyɔŋmɔ Gɔŋ Horeb lɛ he.

2 Maŋtsɛmɛi 6:22

Elisha hã lɛ hetoo akɛ, “Dabida, kaatswia amɛ nii ni ogbe amɛ. Ani mɛi po ni okɛ oklante kɛ ogãi yaŋɔ amɛ nom lɛ, ogbeɔ amɛ? Ŋmɛɛ amɛ okplɔ̃ koni amɛye nii, ni amɛnu nii koni ohã amɛya amɛnuŋtsɔ ŋɔɔ.”

2 Mose 24:12

Ni Yehowa kɛɛ Mose akɛ, “Kwɔɔ kɛba miŋɔɔ yɛ gɔŋ lɛ nɔ ni obamɛ, ni mikɛ tɛi tɛtɛrɛbii ni maŋmala mlai lɛ kɛ kitãi lɛ yɛ nɔ lɛ baahã bo, ni okɛtsɔ̃ɔ maŋ lɛ nii.”

2 Mose 24:15

Kɛkɛ ni agbɛnɛ Mose kwɔ gɔŋ lɛ kɛtee eyiteŋ, ni atatu lɛ baha gɔŋ lɛ nɔ.

2 Mose 24:18

Mose kwɔ gɔŋ lɛ, ni ebote atatu lɛ mli. Eye nyɔɔŋnyɔɔŋ kɛ shwaneshwane gbii nyɔŋmai ejwɛ yɛ gɔŋ lɛ nɔ.

2 Mose 31:18

Be ni Yehowa kɛ Mose ewie egbe naa yɛ Sinai Gɔŋ lɛ nɔ lɛ, ekɛ tɛi enyɔ ni ji tɛi tɛtɛrɛbii ni lɛ Nyɔŋmɔ lɛ diɛŋtsɛ kɛ ewao eŋma nii yɛ nɔ lɛ hã Mose.

2 Mose 32:1

Be ni Israelbii lɛ na akɛ Mose eyatsɛ yɛ gɔŋ lɛ nɔ ni ekpelekeee shi lɛ, amɛbua amɛhe naa, ni amɛtee Aaron ŋɔɔ amɛyakɛɛ lɛ akɛ, “Tee shi ni ofee nyɔŋmɔ kroko ohã wɔ koni enyiɛ wɔhiɛ kɛya, shi nɛkɛ Mose nɛɛ, ni ji nuu ni yajie wɔ kɛjɛ Ijipt shikpɔŋ lɛ nɔ kɛba biɛ nɛɛ lɛ, wɔleee nɔ koome ni efee lɛ.”

2 Mose 34:28

Mose ye nyɔɔŋnyɔɔŋ kɛ shwaneshwane gbii nyɔŋmai ejwɛ yɛ Yehowa ŋɔɔ, ni eŋma kpãŋmɔ lɛ mli wiemɔi lɛ, ni ji Kitãi Nyɔŋma lɛ ewo tɛi tɛtɛrɛbii lɛ anɔ, eyeee nii lɛ enuuu nu hu.

Mateo 4:2

Ni be ni ehi ŋmaa shwaneshwane kɛ nyɔɔŋnyɔɔŋ gbii nyɔŋmai ejwɛ sɛɛ lɛ, hɔ̃mɔ ye lɛ.

Galatabii 4:24

Nibii nɛɛ abɛ ni. Enɛɛmɛi ji kpãŋmɔi enyɔ lɛ. Ekome lɛ jɛ Sinai Gɔŋ lɛ nɔ, ni nyɔŋyeli mli efɔɔ ewoɔ: no ji Hagar;

5 Mose 8:3

Ehã hɔmɔ ye nyɛ, ni ehã nyɛhumi shi; ni ehã nyɛ mana ni nyɛye, niyenii ko ni nyɛleee, ni nyɛtsɛmɛi hu tete leee nɔ ni ji lɛ, koni nyɛkɛna nyɛle akɛ jeee aboloo pɛ hãa gbɔmɔ yi naa wala, shi moŋ wiemɔ fɛɛ wiemɔ ni jɛɔ Yehowa daaŋ lɛ hãa gbɔmɔ yi naa wala.

5 Mose 9:11

Shwaneshwane kɛ nyɔɔŋnyɔɔŋ gbii nyɔŋmai ejwɛ lɛ anaagbee lɛ, Yehowa kɛ tɛi tɛtɛrɛbii enyɔ lɛ, nɔ nɔ ni aŋma kpãŋmɔ lɛ yɛ lɛ, hã mi.

5 Mose 9:15

“No hewɔ lɛ, mitsɔ̃ mihe, ni mikpeleke gɔŋ lɛ, ni mihiɛ tɛi tɛtɛrɛbii enyɔ lɛ ni aŋma kpãŋmɔ lɛ yɛ nɔ lɛ kɛ miniji enyɔ. Nakai be mli fɛɛ lɛ gɔŋ lɛ miitso kɛ la.

5 Mose 9:18

Kɛkɛ ni mitee ekoŋŋ, ni miyagbee shi yɛ Yehowa hiɛ, tamɔ tsuutsu lɛ. Miye nyɔɔŋnyɔɔŋ kɛ shwaneshwane gbii nyɔŋmai ejwɛ ni miyeee nii lɛ, minuuu nu hu, yɛ nyɛtoigbele kɛ efɔŋ ni nyɛfee Yehowa ni nyɛkɛwo emli la lɛ hewɔ.

Hebribii 9:4

Jɛi shika tsofakɛŋma shãa nɔ lɛ kɛ Kpãŋmɔ Adeka ni akɛ shika eha he fɛɛ lɛ yɔɔ; no mli shika kpulu kɛ emli mana lɛ kɛ Aaron tso ni gba afofro lɛ kɛ kpãŋmɔ tɛi tɛtɛrɛbii lɛ yɔɔ.