5 Mose 9:7 - ŊMALƐ KRƆŊKRƆŊ LƐ

⁷ “Nyɛkaia, ni nyɛhiɛ akakpaa nɔ, bɔ ni nyɛtsɔ̃ nyɛwo Yehowa, nyɛNyɔŋmɔ lɛ, mlifu nyɛhã be mli ni nyɛyɔɔ shiaŋa lɛ nɔ lɛ. Kɛjɛ gbi nɔ ni nyɛshi Ijipt shikpɔŋ lɛ nɔ aahu kɛbashi nyɛbashɛ biɛ nɛɛ lɛ, Yehowa hiɛ atua sɔŋŋ kɛkɛ nyɛtseɔ.

Ṅmãle̱ Kroṅkroṅ Le̱

⁷ Kaimo̱, ni ohĩe akakpa no̱, bo̱ni otšṍ owo Iehowa, o-Nyoṅmo̱ le̱, mlifũ ohã ye̱ ṅã le̱ no̱; ke̱-dše̱ gbĩ no̱ ní nyedše̱ Mizraim šikpoṅ le̱ no̱ nyedše kpo le̱ ke̱-baši beyino ní nyebaše̱ bie̱ ne̱, Iehowa hĩe atũa so̱ṅṅ nyetšeo̱.

5 Mose 9:7 ပူးပေါင်းရင်းမြစ်များ

2 Mose 14:10

Farao kɛ eta lɛ tsi bɛŋkɛ. Be ni Israelbii lɛ yaahole amɛhiŋmɛii anɔ lɛ, naa Farao kɛ Ijiptbii lɛ ni amɛnyiɛ amɛsɛɛ kɛmiiba. Gbeyei mɔmɔ Israelbii lɛ naakpa, ni amɛbolɔ amɛtsɛ Yehowa.

2 Mose 14:11

Ni amɛkɛɛ Mose akɛ, “Ani gbonyobui ni bɛ Ijipt hewɔ ni okpala wɔ kɛba koni wɔbagboi yɛ ŋa nɛɛ nɔ nɛɛ? Mɛɛba oye wɔ nɛkɛ sane, ni oloo wɔ kɛjɛ Ijipt kɛba biɛ nɛɛ?

2 Mose 16:2

Israelbii asafo muu lɛ fɛɛ wie huhuuhu amɛshi Mose kɛ Aaron yɛ ŋa lɛ nɔ.

2 Mose 17:2

No hewɔ lɛ, amɛkɛɛ Mose akɛ, “Hã wɔ nu wɔnu!” Mose here amɛ nɔ, ni ebi amɛ akɛ, “Mɛɛ hewɔ nyɛkɛ mi beɔ? Mɛɛ hewɔ nyɛkaa Yehowa?”

2 Mose 23:21

Nyɛkwɛa ni ahia yɛ egbɛfaŋ, ni nyɛyea ewiemɔ nɔ. Nyɛkatsea ehiɛ atua; ekɛ ewiemɔ lɛ nɔtɔmɔ ekeŋ nyɛ, ejaakɛ ehiɛ mihewalɛ.

Yesaia 48:8

Onuko dã, ni oleee otooo sa; otoi egbeko dã kɛjɛ blema beebe; ejaakɛ mile akɛ kutumpɔfoi anii ofeɔ, ni kɛjɛ ofɔmɔ mli beebe lɛ ale bo akɛ atuatselɔ.

Yeremia 11:10

Amɛku amɛsɛɛ amɛmiifee nibii fɔ̃ji ni amɛblematsɛmɛi ni booo miwiemɔ toi lɛ fee lɛ nɔŋŋ. Amɛtee amɛmiija nyɔŋmɔi krokomɛi. Israelbii kɛ Yudabii lɛ fɛɛ ekũ mikpãŋmɔ ni mi kɛ amɛtsɛmɛi lɛ kpãŋ lɛ mli.

Yeremia 32:30

Ejaakɛ yɛ mi, mihiɛ lɛ, Israelbii kɛ Yudabii lɛ efɔŋ sɔŋŋ kɛkɛ amɛfeɔ kɛjɛ amɛblahiiaŋ beebe; ni mimli la sɔŋŋ kɛkɛ Israelbii woɔ kɛ amɛnifeemɔnii. Mi, Yehowa, mikɛɛ.

Yeremia 44:9

Ani nyɛhiɛ ekpa nibii fɔ̃ji ni nyɛtsɛmɛi lɛ kɛ Yuda maŋtsɛmɛi lɛ kɛ amɛŋamɛi lɛ kɛ nyɛ diɛŋtsɛ hu nyɛŋamɛi lɛ feefee yɛ Yerusalɛm blohui lɛ amli lɛ anɔ lo?

Ezekiel 20:13

“Shi Israel we lɛ tse mihiɛ atua yɛ ŋa lɛ nɔ; amɛbaaa amɛjeŋ yɛ mimlai lɛ anaa, shi moŋ amɛkwa mikpɔi ni kɛ gbɔmɔ ye nɔ ni eyi aaana wala lɛ; ni amɛbule mihejɔɔmɔ gbii lɛ hu naakpa. No hewɔ lɛ, mito miyiŋ akɛ mikɛ mimlila aaaplene amɛ yɛ ŋa lɛ nɔ kwrakwra.

Ezekiel 20:43

Ni jɛi nyɛaakai nyɛjeŋba kɛ nibii fɛɛ ni nyɛfee ni nyɛkɛbule nyɛhe lɛ yɛ, ni nyɛ diɛŋtsɛ nyɛhe aaafee nyɛ nyaŋemɔ yɛ nifɔɔjianii fɛɛ ni nyɛfee lɛ hewɔ.

Ezekiel 20:8

Shi amɛtse mihiɛ atua, ni amɛbooo mi toi. Amɛteŋ mɔ ko mɔ ko shɛrɛɛɛ musubɔɔnii ni ehiŋmɛii nyaa he lɛ eshwieee, ni Ijipt wɔji lɛ hu ahewɔ lɛ, mito miyiŋ akɛ mikɛ mlila kɛ mlifu aaafee amɛ efɔŋ yɛ Ijipt shikpɔŋ lɛ nɔ.

Ezekiel 36:31

Enɛ baahã nyɛkai nyɛjeŋba fɔŋ ni nyɛba kɛ nii gbohii ni nyɛfee lɛ; ni nyɛ diɛŋtsɛ nyɛhe aaafe nyɛ nyaŋemɔ yɛ eshai ni nyɛfee lɛ kɛ musubɔɔ nii ni nyɛfeefee lɛ ahewɔ.

4 Mose 11:4

Maŋsɛɛbii komɛi ni futu Israelbii lɛ, amɛsuɔmɔnaanii kwraa ji loo; ni no hewɔ lɛ, loo bɔ̃i amɛtsine baa; ni asaŋ, Israelbii lɛ hu bɔ̃i amɛmli gbigblimɔ ekoŋŋ, ni amɛkɛɛ akɛ, “Nɛgbɛ po wɔɔna loo yɛ wɔye.

4 Mose 14:22

mɛi fɛɛ ni na minunyam la kaŋkaŋ lɛ kɛ nibii fɛɛ ni mifee yɛ Ijipt kɛ shiaŋa lɛ nɔ, ni nomɛi fɛɛ asɛɛ lɛ amɛka mi shii nyɔŋma sɔŋŋ, ni amɛbooo miwiemɔ toi lɛ,

4 Mose 17:10

Kɛkɛ ni Yehowa kɛɛ Mose akɛ, “Kpalemɔ ni okɛ Aaron tso lɛ ayafɔ̃ Kpãŋmɔ Adeka lɛ hiɛ ekoŋŋ koni akɛto okadi ahã toigbolɔi lɛ bɔ ni afee ni huhuuhu ni amɛwieɔ amɛshiɔ mi lɛ sɛɛ afo, koni amɛkagboi.”

4 Mose 21:5

ni amɛwie amɛshi Nyɔŋmɔ kɛ Mose amɛkɛɛ akɛ, “Mɛɛba kwraa po nyɛjie wɔ yɛ Ijipt koni wɔbagboi yɛ ŋa nɛɛ nɔ nɛɛ? Niyenii bɛ lɛ, nu hu bɛ; niyenii gbonyogbonyo nɛɛ yeli eje wɔtsine.”

4 Mose 25:2

Moab yei lɛ kpeɔ Israelhii lɛ kɛyaa hei ni amɛshãa afɔlei amɛkɛhãa amɛmaŋ wɔji lɛ yɛ lɛ; ni Israelhii lɛ yayeɔ afɔleshãa niyenii lɛ eko, ni amɛjaa Moabbii lɛ awɔji lɛ hu.

1 Korintobii 15:9

Ejaakɛ mi lɛ mi ji bibioo fe fɛɛ yɛ bɔfoi lɛ ateŋ, ni misaaa tete akɛ atsɛɔ mi bɔfo, ejaakɛ miwa Nyɔŋmɔ asafo lɛ yi.

Efesobii 2:11

No hewɔ lɛ, nyɛkaia akɛ nyɛ ni sa ni nyɛ ji jeŋmajiaŋbii yɛ heloo gbɛfaŋ ni mɛi ni atsɛɔ amɛ ketiafolɔi ni akɛ niji folɔ amɛ ketia yɛ heloo mli lɛ tsɛɔ nyɛ foolɔi lɛ,

5 Mose 31:27

Mile bɔ ni nyɛtseɔ atua kɛ bɔ ni nyɛkuɛŋ ti hã hu. Nyɛmiitse Yehowa hiɛ atua amrɔ nɛɛ po ni mihiɛ kã ni mi kɛ nyɛ yɔɔ nɛɛ, shi migbele sɛɛ lɛ te aaatamɔ tɛŋŋ mɔ?

5 Mose 8:2

Nyɛkaia gbɛ ni Yehowa, nyɛNyɔŋmɔ lɛ, kɛ nyɛ tsɔ̃ nɔ lɛ fɛɛ, yɛ shiaŋa lɛ nɔ afii nyɔŋmai ejwɛ nɛɛ mli lɛ, koni ekɛhã nyɛhumi shi, ni asaŋ koni etsɔ̃ nɔ ekɛka nyɛ ekwɛ ni ekɛle nɔ ni yɔɔ nyɛtsuiiaŋ akɛ nyɛaaye ekitãi lɛ anɔ lo, aloo nyɛyeŋ nɔ.

5 Mose 9:24

Yehowa hiɛ atua sɔŋŋ kɛkɛ nyɛtseɔ kɛjɛ gbi nɔ ni mile nyɛ lɛ.

5 Mose 9:4

“Kɛji Yehowa, nyɛNyɔŋmɔ lɛ, eshwie amɛ kɛje nyɛhiɛ lɛ, nyɛkakɛa yɛ nyɛtsuiŋ akɛ, ‘Ja ni wɔja hewɔ ni Yehowa kɛ wɔ ba koni wɔbaŋɔ shikpɔŋ nɛɛ lɛ.’ Dabida! Ejaakɛ Yehowa baashwie gbɔmɛi nɛɛ kɛje nyɛhiɛ yɛ amɛnifɔɔjianii ni amɛfeɔ lɛ hewɔ.