5 Mose 9:5 - ŊMALƐ KRƆŊKRƆŊ LƐ

⁵ Jeee nyɛjalɛ loo nyɛtsuiŋ ni yɔɔ krɔŋkrɔŋ hewɔ ni nyɛyaa nyɛyaŋɔ gbɔmɛi nɛɛ ashikpɔŋ lɛ; shi moŋ Yehowa, nyɛNyɔŋmɔ lɛ, miishwie amɛ kɛje nyɛhiɛ yɛ amɛnifɔɔjianii ni amɛfeɔ lɛ hewɔ, bɔ ni afee ni, shi ni lɛ Yehowa ewo nyɛtsɛmɛi Abraham kɛ Isak kɛ Yakob lɛ ema nɔ mi.

Ṅmãle̱ Kroṅkroṅ Le̱

⁵ Dšee odšale̱ lo otšuiṅ ní yo̱ kro̱ṅṅ hewo̱ ni oyaä oyaṅõ ame̱šikpoṅ le̱; edšake̱ ne̱ke̱ dšeṅmãdši ne̱ anifõdšianii le̱ ahewo̱ ni Iehowa, o-Nyoṅmo̱ le̱, ſieo̱ame̱ ke̱-dše̱o̱ ohĩe, ni asaṅ beni afe ní ehã wiemo̱ ní Iehowa kã otše̱mei Abraham ke̱ Isak ke̱ Iakob kitã ye̱ he le̱ amã ši hewo̱ṅ.

5 Mose 9:5 ပူးပေါင်းရင်းမြစ်များ

1 Mose 12:7

Kɛkɛ ni Yehowa jie ehe kpo etsɔ̃ɔ Abram ni ekɛɛ, “Oshwiei mikɛ nɛkɛ shikpɔŋ nɛɛ baahã.” No hewɔ lɛ, Abram mã afɔleshãa latɛ yɛ jɛi ehã Yehowa, mɔ ni jie ehe kpo etsɔ̃ɔ lɛ lɛ.

1 Mose 13:15

bo kɛ oshwiei mikɛbaahã kɛaatee naanɔ.

1 Mose 15:16

Shi yinɔ ni ji ejwɛ sɛɛ lɛ oshwiei lɛ aaaku amɛsɛɛ kɛaaba biɛ ekoŋŋ; ejaakɛ eshai ni Amorbii feɔ lɛ shɛko he ni kɛ eshɛ ni abaagbala amɛtoi.”

1 Mose 15:7

Kɛkɛ ni Nyɔŋmɔ kɛɛ Abram akɛ, “Mi ji Yehowa mɔ ni jie bo kɛjɛ Ur yɛ Babilonbii ashikpɔŋ lɛ nɔ koni maŋɔ nɛkɛ shikpɔŋ nɛɛ mahã bo akɛ onɔ lɛ.”

1 Mose 17:8

Mikɛ shikpɔŋ ni obato gbɔ yɛ nɔ nɛɛ baahã bo kɛ oshwiei ni aaaba yɛ osɛɛ lɛ. Kanaan shikpɔŋ muu lɛ fɛɛ aaatsɔ̃ oshwiei anɔ kɛya naanɔ, ni matsɔ̃ amɛNyɔŋmɔ.”

1 Mose 19:29

No hewɔ lɛ, bɔ ni eba lɛ nɛ. Be ni Nyɔŋmɔ kpãtã maji ni yɔɔ jɔɔ shikpɔŋ lɛ nɔ lɛ ahiɛ lɛ, Nyɔŋmɔ kai Abraham ni ejie Lot kɛje hiɛkpãtãmɔ lɛ mli be ni ekpãtã maji ni Lot hi mli lɛ ahiɛ lɛ.

1 Mose 26:4

ni maye kitã ni mikã otsɛ Abraham lɛ nɔ. Mibahã oshwiei afa tamɔ bɔ ni mikã otsɛ Abraham kitã lɛ. Mibahã oshwiei afa tamɔ ŋwɛi ŋulamii, ni mibaŋɔ nɛkɛ shikpɔji nɛɛ fɛɛ mahã oshwiei lɛ. Oshwiei lɛ mli aaajɛ ajɔɔ shikpɔŋ lɛ nɔ jeŋ maji lɛ fɛɛ,

1 Mose 28:13

ni Yehowa damɔ aŋtswere lɛ yiteŋ ni ekɛɛ akɛ, “Mi ji Yehowa, otsɛ Abraham Nyɔŋmɔ, kɛ Isak Nyɔŋmɔ lɛ; shikpɔŋ ni okã nɔ nɛɛ, bo kɛ oshwiei mikɛbaahã.

2 Mose 32:13

Kaimɔ otsuji Abraham kɛ Isak kɛ Yakob, mɛi ni bo diɛŋtsɛ okã amɛ kitã, ni okɛɛ amɛ akɛ, ‘Mahã nyɛshwiei afa tamɔ ŋwɛi ŋulamii lɛ, ni shikpɔŋ nɛɛ fɛɛ ni miwo nyɛ shi yɛ he lɛ mikɛbaahã amɛ akɛ amɛgboshinii kɛya naanɔ.’ ”

Ezekiel 20:14

Shi kɛ̃lɛ, mitsake miyiŋtoo lɛ, bɔ ni afee ni akagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ; mɛi ahiɛ ni mi mijie Israel kɛjɛ Ijipt shikpɔŋ lɛ nɔ lɛ.

Ezekiel 36:22

“No hewɔ lɛ, kɛɛmɔ Israel we lɛ akɛ bɔ ni Nuŋtsɔ Yehowa kɛɔ nɛ, nyɛ Israel we, jeee nyɛhewɔ mafee nɔ ko, shi moŋ, migbɛi krɔŋkrɔŋ ni nyɛgbe he guɔ yɛ majimaji lɛ ateŋ, hei ni nyɛyahi lɛ, hewɔ.

Ezekiel 36:32

Nuŋtsɔ Yehowa kɛɛ akɛ, bo Israel we, nyɛnaa nyɛlea akɛ jeee nyɛhewɔ mafee enɛ nɛɛ; nyɛhiɛ agboia ni nyɛhiɛ ashwiea shi yɛ nyɛjeŋba hewɔ.

3 Mose 18:24

Nyɛkɛ nii nɛɛ ateŋ eko eko akawoa nyɛhe muji; ejaakɛ enɛɛmɛi fɛɛ jeŋmaji ni mibashwie mahã nyɛ lɛ kɛwoɔ amɛhe muji lɛ.

3 Mose 18:25

Gbɛ nɔ ni tsɔ̃ ni shikpɔŋ fee shikpɔŋ ni he tseee nɛ. Mibagbala etoii yɛ enishaianii lɛ hewɔ, ni ebaafɛ̃ mɛi ni yɔɔ enɔ lɛ eshwie.

Mika 7:20

Obaajie onɔkwayeli kɛ osuɔmɔ ni tsakeee lɛ kpo otsɔ̃ɔ omaŋ lɛ, ni ji Abraham kɛ Yakob shwiei lɛ tamɔ bɔ ni owo wɔtsɛmɛi lɛ ashi blema bei lɛ amli beebe lɛ.

Bɔfoi 3:25

Nyɛ ji gbalɔi lɛ kɛ kpãŋmɔ lɛ bii, kpãŋmɔ ni Nyɔŋmɔ kɛ wɔtsɛmɛi lɛ kpãŋ, be ni ekɛɛ Abraham akɛ, ‘Ni oshwei mli aaajɔɔ shikpɔŋ lɛ nɔ wekui fɛɛ yɛ’ lɛ.

Romabii 11:28

Yɛ Sanekpakpa lɛ gbɛfaŋ lɛ henyɛlɔi ji amɛ yɛ nyɛhewɔ; shi yɛ halamɔ lɛ gbɛfaŋ lɛ asumɔɔ amɛ yɛ tsɛmɛi lɛ ahewɔ.

Romabii 15:8

Shi miikɛɛ akɛ Yesu Kristo tsɔ̃ sɔ̃ɔlɔ ehã Yudafoi lɛ yɛ Nyɔŋmɔ anɔkwale lɛ hewɔ, koni ekɛmã shiwoi ni awo tsɛmɛi lɛ anɔ mi;

5 Mose 1:8

Shikpɔŋ lɛ mikɛfɔ̃ nyɛhiɛ nɛɛ. Nyɛyaa ni nyɛyaŋɔa! Yehowa wo nyɛtsɛmɛi Abraham kɛ Isak kɛ Yakob shi yɛ he akɛ ekɛbaahã amɛ kɛ amɛshwiei.’ ”

5 Mose 12:31

Nyɛkajaa Yehowa, nyɛNyɔŋmɔ lɛ, tamɔ amɛjaa amɛnyɔŋmɔi lɛ, ejaakɛ nibii fɛɛ ni Yehowa hiɔ lɛ, nomɛi moŋ amɛfeɔ amɛkɛjaa amɛnyɔŋmɔi lɛ. Amɛgbeɔ amɛbihii kɛ amɛbiyei tete amɛkɛshãa afɔle amɛhãa amɛnyɔŋmɔi lɛ.

5 Mose 18:12

Ejaakɛ Yehowa miihi mɔ fɛɛ mɔ ni feɔ nii nɛɛ ateŋ eko lɛ; ni no hewɔ ni Yehowa, nyɛNyɔŋmɔ lɛ, shwieɔ shikpɔŋ lɛ nɔ bii lɛ yɛ nyɛhiɛ lɛ.

5 Mose 18:9

“Kɛji nyɛyashɛ shikpɔŋ ni Yehowa, nyɛNyɔŋmɔ lɛ kɛhãa nyɛ nɛɛ nɔ lɛ, nyɛkakasea jɛibii lɛ amusubɔɔ nii ni amɛfeɔ lɛ.

5 Mose 20:18

Nyɛgbea amɛ bɔ ni afee ni amɛkatsɔ̃ɔ nyɛ musubɔɔ nibii ni amɛfeɔ amɛkɛjaa amɛnyɔŋmɔi lɛ koni nyɛkafee esha nyɛshi Yehowa nyɛNyɔŋmɔ, lɛ.

Tito 3:5

jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.