5 Mose 9:4 - ŊMALƐ KRƆŊKRƆŊ LƐ

⁴ “Kɛji Yehowa, nyɛNyɔŋmɔ lɛ, eshwie amɛ kɛje nyɛhiɛ lɛ, nyɛkakɛa yɛ nyɛtsuiŋ akɛ, ‘Ja ni wɔja hewɔ ni Yehowa kɛ wɔ ba koni wɔbaŋɔ shikpɔŋ nɛɛ lɛ.’ Dabida! Ejaakɛ Yehowa baashwie gbɔmɛi nɛɛ kɛje nyɛhiɛ yɛ amɛnifɔɔjianii ni amɛfeɔ lɛ hewɔ.

Ṅmãle̱ Kroṅkroṅ Le̱

⁴ Ke̱ Iehowa, o-Nyoṅmo̱ le̱, fãame̱ eſie ke̱-dše̱ ohĩe le̱, kākē̱ *ye̱ otšui mlĩ ake̱: Midšale̱ hewo̱ ni Iehowa ke̱mi ba, ni mibaṅõ ne̱ke̱ šikpoṅ ne̱; ši ne̱ke̱ dšeṅmàdši ne̱ †anifõdšianii le̱ ahewo̱ moṅ ni Iehowa ſieo̱ame̱ ke̱-dše̱o̱ ohĩe ne̱. *8,17. †1 Mose 15,16.

5 Mose 9:4 ပူးပေါင်းရင်းမြစ်များ

1 Mose 15:16

Shi yinɔ ni ji ejwɛ sɛɛ lɛ oshwiei lɛ aaaku amɛsɛɛ kɛaaba biɛ ekoŋŋ; ejaakɛ eshai ni Amorbii feɔ lɛ shɛko he ni kɛ eshɛ ni abaagbala amɛtoi.”

Ezekiel 36:22

“No hewɔ lɛ, kɛɛmɔ Israel we lɛ akɛ bɔ ni Nuŋtsɔ Yehowa kɛɔ nɛ, nyɛ Israel we, jeee nyɛhewɔ mafee nɔ ko, shi moŋ, migbɛi krɔŋkrɔŋ ni nyɛgbe he guɔ yɛ majimaji lɛ ateŋ, hei ni nyɛyahi lɛ, hewɔ.

Ezekiel 36:32

Nuŋtsɔ Yehowa kɛɛ akɛ, bo Israel we, nyɛnaa nyɛlea akɛ jeee nyɛhewɔ mafee enɛ nɛɛ; nyɛhiɛ agboia ni nyɛhiɛ ashwiea shi yɛ nyɛjeŋba hewɔ.

3 Mose 18:3

Nyɛkabaa nyɛjeŋ tamɔ bɔ ni abaa jeŋ yɛ Ijipt shikpɔŋ lɛ nɔ he ni nyɛhi tsutsu lɛ. Asaŋ nyɛkabaa nyɛjeŋ tamɔ bɔ ni abaa jeŋ yɛ Kanaan shikpɔŋ ni mikɛ nyɛ yaa nɔ nɛɛ lɛ. Amɛkusum lɛ nyɛkafea.

Romabii 11:20

Ojogbaŋŋ! He ni amɛheee amɛyeee hewɔ akumɔ amɛ; ni bo lɛ, hemɔkɛyeli okɛdamɔ shi lɛ. Kaawo ohe nɔ, shi moŋ she ohe gbeyei;

Romabii 11:6

Shi kɛji dromɔ lɛ naa ni lɛ, belɛ jeee nitsumɔi anaa ni dɔŋŋ; ejaakɛ no lɛ dromɔ lɛ jeee dromɔ dɔŋŋ.

1 Korintobii 4:4

Ejaakɛ mileee nɔ ko fɔŋ ko yɛ mi diɛŋtsɛ mihe moŋ, shi kɛ̃lɛ jeee no hewɔ aaabu mi bem; shi mɔ ni kojoɔ mi ji Nuŋtsɔ lɛ.

1 Korintobii 4:7

Shi namɔ buɔ bo akɛ esoro bo? Ni asaŋ, mɛni oyɔɔ ni jeee hã ahã bo? Shi kɛji hã ahã bo lɛ, mɛɛba oshwãa tamɔ nɔ ni jeee hã ahã bo lɛ?

5 Mose 12:31

Nyɛkajaa Yehowa, nyɛNyɔŋmɔ lɛ, tamɔ amɛjaa amɛnyɔŋmɔi lɛ, ejaakɛ nibii fɛɛ ni Yehowa hiɔ lɛ, nomɛi moŋ amɛfeɔ amɛkɛjaa amɛnyɔŋmɔi lɛ. Amɛgbeɔ amɛbihii kɛ amɛbiyei tete amɛkɛshãa afɔle amɛhãa amɛnyɔŋmɔi lɛ.

5 Mose 31:27

Mile bɔ ni nyɛtseɔ atua kɛ bɔ ni nyɛkuɛŋ ti hã hu. Nyɛmiitse Yehowa hiɛ atua amrɔ nɛɛ po ni mihiɛ kã ni mi kɛ nyɛ yɔɔ nɛɛ, shi migbele sɛɛ lɛ te aaatamɔ tɛŋŋ mɔ?

5 Mose 8:17

No hewɔ lɛ, nyɛkwɛa ni ahia koni nyɛkakɛɛ yɛ nyɛtsuiŋ yɛ he akɛ, ‘Wɔ diɛŋtsɛ wɔhewalɛ kɛ nyɛmɔ naa hã wɔshwere nɛkɛ nɛɛ.’

5 Mose 9:24

Yehowa hiɛ atua sɔŋŋ kɛkɛ nyɛtseɔ kɛjɛ gbi nɔ ni mile nyɛ lɛ.

5 Mose 9:5

Jeee nyɛjalɛ loo nyɛtsuiŋ ni yɔɔ krɔŋkrɔŋ hewɔ ni nyɛyaa nyɛyaŋɔ gbɔmɛi nɛɛ ashikpɔŋ lɛ; shi moŋ Yehowa, nyɛNyɔŋmɔ lɛ, miishwie amɛ kɛje nyɛhiɛ yɛ amɛnifɔɔjianii ni amɛfeɔ lɛ hewɔ, bɔ ni afee ni, shi ni lɛ Yehowa ewo nyɛtsɛmɛi Abraham kɛ Isak kɛ Yakob lɛ ema nɔ mi.

5 Mose 9:7

“Nyɛkaia, ni nyɛhiɛ akakpaa nɔ, bɔ ni nyɛtsɔ̃ nyɛwo Yehowa, nyɛNyɔŋmɔ lɛ, mlifu nyɛhã be mli ni nyɛyɔɔ shiaŋa lɛ nɔ lɛ. Kɛjɛ gbi nɔ ni nyɛshi Ijipt shikpɔŋ lɛ nɔ aahu kɛbashi nyɛbashɛ biɛ nɛɛ lɛ, Yehowa hiɛ atua sɔŋŋ kɛkɛ nyɛtseɔ.

2 Timoteo 1:9

Lɛ ehere wɔyiwala ni ekɛ tsɛmɔ krɔŋkrɔŋ tsɛ wɔ, jeee wɔnitsumɔi anaa, shi moŋ yɛ lɛ diɛŋtsɛ eyiŋtoo kɛ edromɔ naa, nɔ ni ekɛ hã wɔ yɛ Kristo Yesu mli dani aje be shishi,