5 Mose 9:3 - ŊMALƐ KRƆŊKRƆŊ LƐ

³ Shi moŋ nyɛnaa nyɛlea ŋmɛnɛ gbi nɛɛ akɛ mɔ ni nyiɛ nyɛhiɛ kɛyaa lɛ etamɔ la grigri ni kpãtãa nii ahiɛ. Lɛ ji Yehowa, nyɛNyɔŋmɔ lɛ. Ebaaye amɛnɔ, ni ebaajɔɔ amɛhe yɛ nyɛhiɛ koni nyɛshwie amɛ yɛ shikpɔŋ lɛ nɔ, ni nyɛkpãtã amɛhiɛ oya tamɔ bɔ ni lɛ Yehowa ewo nyɛ shi eto momo lɛ.

Ṅmãle̱ Kroṅkroṅ Le̱

³ Nohewo le̱ ná ole ṅme̱ne̱ gbĩ ne̱ ake̱ Iehowa, o-Nyoṅmo̱ le̱, dši moni nyie ohĩe ke̱-yaä tamo̱ *la ní šãa nii; le̱ noṅṅ eefiteame̱, ni le̱ noṅṅ eebaame̱ ši ye̱ ohĩe, ni ooſieame̱ ni ookpãtã ame̱hĩe oya, take̱ bo̱ni Iehowa, o-Nyoṅmo̱ le̱, ke̱o ewie le̱. *4,24.

5 Mose 9:3 ပူးပေါင်းရင်းမြစ်များ

2 Mose 23:23

Mibɔfo lɛ aaanyiɛ nyɛhiɛ kɛyanina Amorbii lɛ kɛ Hitbii lɛ kɛ Perizbii lɛ kɛ Kanaanbii lɛ kɛ Hivbii lɛ kɛ Yebusbii lɛ, ni makpãtã amɛhiɛ butubutu.

2 Mose 24:17

Yehowa anunyam lɛ, kɛji Israelbii lɛ miikwɛ lɛ, amɛnaa lɛ yɛ gɔŋ lɛ yiteŋ tamɔ la grigri ni kpãtãa nii ahiɛ.

Yesaia 27:4

Mimli fuko. Eji ŋmeii kɛ kpitikpitii baawo mi naagba kulɛ, mate shi mawo amɛ, ni mibashã fɛɛ tswɛm.

Yesaia 30:27

Naa Yehowa hewalɛ jɛ shɔŋŋ miiba! Emlifu miitso, ni eeje lasu kpɔŋŋ; enaa miitswa afui kɛ mlila, ni elilɛi tamɔ la ni kpãtãa nii ahiɛ.

Yesaia 30:30

Ni Yehowa aaahã anu enunyam gbee lɛ, ni eeehã ana ehewalɛ nine ni kpelekeɔ shi lɛ kɛ emlifu ni naa wa lɛ; la ni kpãtãa nii ahiɛ aaatso, ni atatui aaaflɛ, ni nu kɛ nyɔŋmɔŋtɛi aaanɛ.

Yesaia 30:33

Ejaakɛ kɛjɛ jeeŋmɔ beebe ni asaa he ko ato kɛha Asiria maŋtsɛ lɛ shãa. Jɛi kwɔ, ni elɛɛ, ni eyi kɛ la kɛ lai babaoo. Ni Yehowa mumɔ ni emuɔ ni tamɔ la lɛ baama laii lɛ anaa la.

Yesaia 33:14

Eshafeelɔi ni yɔɔ Zion lɛ miishe gbeyei, ni mɛi ni sheee Nyɔŋmɔ gbeyei lɛ ahe miikpokpo. Amɛkɛɛmɔ ji, “Wɔteŋ namɔ baanyɛ la naa edamɔ kɛyashi naanɔ?”

Mika 2:13

Nyɔŋmɔ mɔ ni gbeleɔ gbɛ baagbele gbɛ ahã amɛ, ni eeenyiɛ amɛhiɛ kɛjɛ nomŋɔɔ mli kɛba. Amɛaajwa maŋ lɛ agboi lɛ kɛje kpo kɛya heyeli mli. Amɛmaŋtsɛ ni ji Yehowa diɛŋtsɛ aaanyiɛ amɛhiɛ kɛje kpo.

Mateo 15:10

Ni etsɛ asafo lɛ kɛba, ni ekɛɛ amɛ akɛ, “Nyɛboa toi ni nyɛna shishi!

Marko 7:14

Ni Yesu tsɛ asafo lɛ fɛɛ kɛba eŋɔɔ ekoŋŋ ni ekɛɛ amɛ akɛ, “Nyɛ fɛɛ nyɛboa mi toi ni nyɛnua shishi!

Romabii 8:31

Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ?

Efesobii 5:17

No hewɔ lɛ, nyɛkafea nyɛhe mɛi ni bɛ yitsoŋ, shi moŋ nyɛyoa nii ni ji Nuŋtsɔ lɛ suɔmɔnaanii lɛ.

5 Mose 1:30

Yehowa, nyɛNyɔŋmɔ lɛ, mɔ ni nyiɛ nyɛhiɛ lɛ, baawu ehã nyɛ lɛ diɛŋtsɛ, tamɔ bɔ ni efee ehã nyɛ yɛ nyɛ diɛŋtsɛ nyɛhiŋmɛiaŋ, yɛ Ijipt,

5 Mose 20:1

“Kɛji nyɛmiiya nyɛkɛ nyɛhenyɛlɔi ayawu ta, ni nyɛna amɛkpɔŋɔi kɛ tawuu shwiilii kɛ tabilɔi babaoo ni ayi fa fe nyɛ lɛ, nyɛkashea gbeyei, ejaakɛ Yehowa, nyɛNyɔŋmɔ lɛ, ni yakpɔ̃ nyɛ yɛ Ijipt shikpɔŋ lɛ nɔ lɛ kɛ nyɛ yɛ.

5 Mose 20:4

ejaakɛ Yehowa, nyɛNyɔŋmɔ lɛ, kɛ nyɛ yaa ta lɛ koni ekɛ nyɛhenyɛlɔi lɛ ayawu ahã nyɛ koni nyɛye kunim.’

5 Mose 4:24

ejaakɛ Yehowa, nyɛNyɔŋmɔ lɛ, etamɔ la grigri ni shãa nii wɛɛ; ni Nyɔŋmɔ ni yeɔ awuŋã ni.

5 Mose 7:16

Maji fɛɛ ni Yehowa, nyɛNyɔŋmɔ lɛ, aaatu awo nyɛdɛŋ lɛ, nyɛkpãtãa amɛhiɛ ni mɔbɔnalɛ bɛ mli; ni nyɛkajaa amɛnyɔŋmɔi lɛ, ejaakɛ no baahã nyɛdu tsɔne.

5 Mose 7:22

Shi fiofio ni Yehowa, nyɛNyɔŋmɔ lɛ, baashwie maji nɛɛ kɛje nyɛhiɛ. Nyɛnyɛŋ nyɛkpãtã amɛ fɛɛ amɛhiɛ shi kome, no lɛ ŋa nɔ kooloi lɛ ayi baafa fe nine awo nyɛ.

5 Mose 9:6

No hewɔ lɛ, nyɛnaa nyɛlea akɛ jeee nyɛjalɛ hewɔ ni Yehowa, nyɛNyɔŋmɔ lɛ, kɛ nɛkɛ shikpɔŋ kpakpa nɛɛ hãa nyɛ koni nyɛŋɔ lɛ, ejaakɛ nyɛ tuuŋtu lɛ maŋ ni kuɛŋ ti ji nyɛ.

2 Tesalonikabii 1:8

Ekɛ lalilɛi aaatɔ owele yɛ mɛi ni leee Nyɔŋmɔ kɛ mɛi ni booo wɔNuŋtsɔ Yesu Kristo Sanekpakpa lɛ toi lɛ anɔ.

Hebribii 12:29

Ejaakɛ wɔNyɔŋmɔ lɛ, la ni fiteɔ nii hu ji lɛ.

Yoshua 11:12

Yoshua ŋɔ̃ maŋtsɛmɛi lɛ amaji lɛ fɛɛ, ni emɔ̃mɔ amɛmli maŋtsɛmɛi lɛ hu, ni akɛ klante gbe amɛ tamɔ bɔ ni Yehowa tsulɔ, Mose fã lɛ.

Yoshua 11:8

Yehowa jɔɔ henyɛlɔi lɛ anɔ ehã Israelbii lɛ, ni amɛye amɛnɔ kunim. Israelbii lɛ gbe amɛ, ni asaŋ amɛtiu amɛ kɛtee Sidon kɛ Misrefot Maim tɔ̃ɔ. Yɛ bokãgbɛ lɛ Israelbii lɛ tiu henyɛlɔi lɛ kɛyashɛ Mizpa Jɔɔ lɛ mli tɔ̃ɔ, ni amɛgbe amɛ kɛyashi eshwɛɛɛ gbɔmɔ hiɛkãalɔ kome nɛkɛ.

Yoshua 14:12

No hewɔ lɛ, agbɛnɛ okɛ nɛkɛ gɔŋ nɛɛ nɔ shikpɔŋ lɛ ahã mi, nɔ ni Yehowa wo shi yɛ he nakai gbi lɛ. Nakai bo diɛŋtsɛ onu kɛ otoi akɛ Anakbii lɛ ji mɛi ni yɔɔ jɛi yɛ maji wuji ni atswa gbogbo awo amɛhe akɛwaje amɛ lɛ mli. Eko lɛ Yehowa aaaye abua mi koni mashwie amɛ yɛ jɛi tamɔ bɔ ni Yehowa ekɛɛ lɛ.”

Yoshua 3:11

Naa, shikpɔŋ tso muu lɛ fɛɛ Nuŋtsɔ lɛ Kpãŋmɔ Adeka lɛ miitsɔ̃ nyɛhiɛ kɛmiiho kɛmiiya Yordan mli.

Yoshua 3:14

Lɛɛlɛŋ be ni maŋbii lɛ famɔ amɛbui lɛ koni amɛyafo Yordan lɛ, ni osɔfoi tere Kpãŋmɔ Adeka lɛ kɛnyiɛ amɛhiɛ,

Kojolɔi 4:14

Kɛkɛ ni Debora kɛɛ Barak akɛ, “Tee shi, ejaakɛ ŋmɛnɛ gbi nɛɛ ji gbi ni Yehowa baahã oye Sisera nɔ kunim. Ani jeee Yehowa efã kɛnyiɛ ohiɛ nɛɛ?” No hewɔ lɛ, Barak kpeleke shi kɛjɛ Tabor gɔŋ lɛ nɔ. Hii akpei nyɔŋma lɛ nyiɛ esɛɛ.