5 Mose 9:12 - ŊMALƐ KRƆŊKRƆŊ LƐ

¹² “Kɛkɛ ni Yehowa kɛɛ mi akɛ, ‘Kpelekemɔ shi oya ni oya, ejaakɛ omaŋbii lɛ ni okpala kɛjɛ Ijipt lɛ eye sane fɔŋ. Yeee be ko kwraa nɛɛ lɛ, amɛkwa bɔ ni miwo amɛ kitã akɛ amɛhi shi amɛhã lɛ, ni amɛshwie amãgã amɛhã amɛhe.’

Ṅmãle̱ Kroṅkroṅ Le̱

¹² Ni Iehowa kē̱mi ake̱: Te ši ní okpleke ši ke̱-dše̱ bie̱ oyá; edšake̱ omaṅ ní oyadšie ke̱-dše̱ Mizraim le̱ eye sane fõṅ. Amrõ ne̱ noṅṅ le̱ ame̱kpale ke̱-dše̱ gbe̱ ní miwoame̱ he kitã le̱ no̱: ame̱fe amãgã ni aſie ame̱hã ame̱he.

5 Mose 9:12 ပူးပေါင်းရင်းမြစ်များ

Lalai 78:57

Amɛgba afã, ni amɛyeee anɔkwa tamɔ bɔ ni amɛtsɛmɛi lɛ fee lɛ nɔŋŋ; amɛtsɔ̃ tamɔ gãi ni ekɔ̃dɔ̃.

2 Mose 13:3

Mose kɛɛ Israelbii lɛ akɛ, “Nyɛkaia nɛkɛ gbi nɛɛ, ni ji gbi nɔ ni nyɛje Ijipt nyɔŋyeli shishi lɛ, ejaakɛ nineshiwalɛ naa Yehowa jie nyɛ kɛje jɛi. No hewɔ lɛ, nyɛkayea masha nii.

2 Mose 32:1

Be ni Israelbii lɛ na akɛ Mose eyatsɛ yɛ gɔŋ lɛ nɔ ni ekpelekeee shi lɛ, amɛbua amɛhe naa, ni amɛtee Aaron ŋɔɔ amɛyakɛɛ lɛ akɛ, “Tee shi ni ofee nyɔŋmɔ kroko ohã wɔ koni enyiɛ wɔhiɛ kɛya, shi nɛkɛ Mose nɛɛ, ni ji nuu ni yajie wɔ kɛjɛ Ijipt shikpɔŋ lɛ nɔ kɛba biɛ nɛɛ lɛ, wɔleee nɔ koome ni efee lɛ.”

Hosea 6:4

Shi Yehowa kɛɔ akɛ, “Ao! Israel, mɛni mafee ohe? Ao! Yuda, te mafee bo tɛŋŋ? Ejaakɛ osuɔmɔ lɛ etamɔ leebi atatu; etamɔ leebi bɔ ni kpalaa oya.

Galatabii 1:6

Efee mihiɛ yaa akɛ amrɔ nɛɛ nɔŋŋ lɛ nyɛmiitsi nyɛhe kɛjɛ mɔ ni tsɛ nyɛ yɛ Kristo dromɔ mli lɛ he kɛya Sanekpakpa kroko he;

5 Mose 31:29

Ejaakɛ mile faŋŋ akɛ migbele sɛɛ lɛ, nyɛbaafite kwraa, ni nyɛbaŋ nyɛjeŋ bɔ ni mitsɔ̃ɔ nyɛ lɛ. No hewɔ lɛ, wɔsɛɛ aahu lɛ, efɔŋ ji nɔ ni baaba nyɛnɔ, ejaakɛ nyɛbaafee efɔŋ yɛ Yehowa hiɛ; ni nyɛkɛ nyɛnifeemɔnii baawo emli la.”

5 Mose 32:5

Shi nyɛyeee lɛ anɔkwa; no hewɔ lɛ, jeee ebii ji nyɛ dɔŋŋ, yɛ nyɛhe kpa hewɔ; yinɔ kɔɔdɔŋ ni eje eŋɛlɛnɔ ji nyɛ.

5 Mose 4:16

no lɛ nyɛkwɛa jogbaŋŋ koni nyɛkafee amãgã ko ni tamɔ nuu loo yoo henɔ nyɛhã nyɛhe, koni nyɛtɔ̃.

5 Mose 5:15

Nyɛkaia akɛ nyɛ hu nyɔji ji nyɛ yɛ Ijipt shikpɔŋ lɛ nɔ, ni Yehowa, nyɛNyɔŋmɔ lɛ, kɛ nineshiwalɛ yakpɔ̃ nyɛ kɛje jɛi yɛ ehewalɛ naa. No hewɔ ni Yehowa, nyɛNyɔŋmɔ lɛ, wo nyɛ kitã akɛ nyɛye hejɔɔmɔ gbi lɛ akɛ gbi krɔŋkrɔŋ lɛ.

5 Mose 9:16

Ni mikwɛ, ni naa nyɛfee Yehowa, nyɛNyɔŋmɔ lɛ shishi esha; nyɛfee tsina ni ashwie; amrɔ nɛɛ nyɛkpale kɛjɛ gbɛ ni Yehowa ewo nyɛ he kitã lɛ nɔ.

5 Mose 9:26

Mikpa Yehowa fai mikɛɛ akɛ, ‘Nuŋtsɔ Nyɔŋmɔ, kaakpãtã bo diɛŋtsɛ omɛi lɛ, ni ji gbɔmɛi ni oyakpɔ̃ yɛ Ijipt shikpɔŋ lɛ nɔ kɛ nineshiwalɛ kɛ ohewalɛ lɛ ahiɛ.

5 Mose 9:29

Bɔ fɛɛ bɔ ni fee lɛ, bo diɛŋtsɛ omɛi ni oje gbɛ oŋɔ ji amɛ, ni oyakpɔ̃ amɛ yɛ Ijipt shikpɔŋ lɛ nɔ kɛ nineshiwalɛ yɛ ohewalɛ lɛ naa.’

Yuda 1:10

Shi mɛnɛɛmɛi lɛ, amɛ lɛ nii fɛɛ ni amɛleee lɛ amɛyeɔ he osheku, shi nii ni amɛle yɛ amɛfɔmɔ su lɛ naa tamɔ kooloi ni bɛ jwɛŋmɔ lɛ, nomɛi nɔŋŋ amɛkɛfiteɔ amɛhe.

Kojolɔi 2:17

Shi amɛhiɛnyiɛlɔi lɛ hu amɛbooo amɛ toi, ejaakɛ amɛjeɔ Yehowa sɛɛ amɛyanyiɛɔ nyɔŋmɔi krokomɛi asɛɛ ni amɛjaa amɛ. Etsɛɛɛ kɛkɛ lɛ amɛŋmɛɛ shihilɛ ni amɛtsɛmɛi lɛ hi ni amɛye Yehowa kitãi lɛ anɔ lɛ he; amɛ lɛ amɛyeee kitãi lɛ anɔ.