5 Mose 9:1 - ŊMALƐ KRƆŊKRƆŊ LƐ

¹ “Nyɛboa toi, Israelbii! Nyɛbaafo Yordan Faa lɛ ŋmɛnɛ gbi nɛɛ koni nyɛya nyɛyaŋɔ shikpɔji yɛ maji ni dara, ni asaŋ amɛhe wa hu fe nyɛ adɛŋ, shikpɔji kɛ amɛnɔ maji wuji kɛ amɛhe gbogboi ni atswa kɛtee ŋwɛi shɔŋŋ akɛwaje amɛ.

Ṅmãle̱ Kroṅkroṅ Le̱

¹ Bo toi, Israel! obafo Iordan ṅme̱ne̱, koni oya ní oyaſie dšeṅmãdši ní dăra ní ame̱he wa fèo le̱, *mãdši wudši ní atſa gbogbo awo he ke̱-yaši ṅwei le̱, *1,28.

5 Mose 9:1 ပူးပေါင်းရင်းမြစ်များ

1 Mose 11:4

Amɛkɛɛ akɛ, “Agbɛnɛ nyɛhãa wɔtoa maŋ wɔhãa wɔhe, ni emli mɔɔ yiteŋ ayashi ŋwɛi, ni wɔkɛhe gbɛi koni wɔkagbɛ wɔshwã shikpɔŋ muu lɛ fɛɛ nɔ.”

2 Mose 32:1

Be ni Israelbii lɛ na akɛ Mose eyatsɛ yɛ gɔŋ lɛ nɔ ni ekpelekeee shi lɛ, amɛbua amɛhe naa, ni amɛtee Aaron ŋɔɔ amɛyakɛɛ lɛ akɛ, “Tee shi ni ofee nyɔŋmɔ kroko ohã wɔ koni enyiɛ wɔhiɛ kɛya, shi nɛkɛ Mose nɛɛ, ni ji nuu ni yajie wɔ kɛjɛ Ijipt shikpɔŋ lɛ nɔ kɛba biɛ nɛɛ lɛ, wɔleee nɔ koome ni efee lɛ.”

Daniel 4:11

Tso lɛ wo dalɛ nɔ, ni ekwɔ kɛtee kɛyashɛ ŋwɛi bɔ ni anaa lɛ yɛ je lɛ mli he fɛɛ he.

Amos 2:9

“Shi kɛ̃lɛ mikpãtã Amorbii ni kwɔlɔ tamɔ tsenedru tsei, ni amɛhe wa hu tamɔ odum lɛ ahiɛ yɛ amɛ, Israelbii, ahiɛ. Mikpãtã amɛnɔ yibii lɛ ahiɛ, ni mifite amɛshishi fãi lɛ fɛɛ hu.

4 Mose 13:22

Bɔfoi nɛɛ tsɔ̃ wuoyigbɛ lɛ kɛyashɛ Hebron he ni Ahimanbii lɛ kɛ Sheshaibii lɛ kɛ Talmaibii lɛ yɔɔ lɛ. Gbɔmɛi nɛɛ lɛ, gbɔmɛi gojogojoo ni, ni mɛi ni atsɛɔ amɛ akɛ Anakbii lɛ ashwiei ni. Ato Hebron maŋ lɛ afii kpawo dani ato Zoan maŋ ni yɔɔ Ijipt lɛ.

4 Mose 33:51

“Kɛɛmɔ Israelbii lɛ akɛ, kɛji nyɛfo Yordan lɛ kɛtee Kanaan shikpɔŋ lɛ nɔ lɛ,

5 Mose 1:28

Nɛgbɛ wɔɔtsɔ̃ kɛya?’ Wɔnyɛmimɛi lɛ ehã wɔtsui efã, ejaakɛ amɛkɛɛ, ‘Gbɔmɛi lɛ dara ni amɛkwɔlɔ fe wɔ; amɛmaji lɛ hu dara, ni atswa gbogboi ni kwɔlɔ kɛyashi ŋwɛi awowoo amɛhe; ni wɔna Anakbii tete yɛ jɛi.’

5 Mose 11:23

no lɛ Yehowa baashwie maji nɛɛ fɛɛ yɛ nyɛhiɛ, ni nyɛbaashɔ̃shɔ̃ɔ maji ni dara ni amɛhe wa fe nyɛ ashikpɔji yɛ amɛdɛŋ, ni nyɛbaaŋɔ akɛ nyɛnɔ.

5 Mose 11:31

Ejaakɛ nyɛbaafo Yordan lɛ koni nyɛyaŋɔ shikpɔŋ lɛ ni Yehowa, nyɛNyɔŋmɔ lɛ, kɛhãa nyɛ lɛ. Kɛji nyɛtee nyɛyaŋɔ shikpɔŋ nɛɛ, ni nyɛhi nɔ lɛ,

5 Mose 27:2

Ni gbi nɔ ni nyɛaafo Yordan Faa lɛ kɛya shikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ lɛ, nyɛholea tɛi kpelei nyɛmamɔa shi, ni nyɛmaa hiɛ ni amɛnɔ afee trotro,

5 Mose 3:18

“Mikɛɛ nyɛ nakai be lɛ mli akɛ, ‘Yehowa, nyɛNyɔŋmɔ lɛ, kɛ nɛkɛ Yordan bokãgbɛ shikpɔŋ nɛɛ ehã nyɛ akɛ nyɛnɔ. Nyɛteŋ tabilɔi lɛ fɛɛ amia koni nyɛnyiɛ nyɛnyɛmimɛi Israelbii lɛ ahiɛ.

5 Mose 4:1

Agbɛnɛ Mose kɛɛ Israelbii lɛ akɛ, “Nyɛyea akpɔi kɛ mlai ni mitsɔ̃ɔ nyɛ lɛ anɔ koni nyɛyi ana wala koni nyɛya nyɛyaŋɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhãa nyɛ lɛ.

5 Mose 4:38

Eshwie maji wuji ni ahe wa kwraa fe nyɛ yɛ nyɛhiɛ, bɔ ni afee ni ekɛ nyɛ aba ni eŋɔ amɛshikpɔŋ lɛ ehã nyɛ akɛ nyɛnɔ tamɔ bɔ ni eba mli ŋmɛnɛ nɛɛ lɛ.

5 Mose 6:10

“Kɛji Yehowa, nyɛNyɔŋmɔ lɛ, kɛ nyɛ yashɛ shikpɔŋ lɛ ni ewo nyɛtsɛmɛi, Abraham kɛ Isak kɛ Yakob, he shi akɛ ekɛbaahã nyɛ lɛ nɔ, shikpɔŋ kɛ enɔ maji wuji fɛɛfɛji ni jeee nyɛ nyɛto;

5 Mose 7:1

“Yehowa, nyɛNyɔŋmɔ lɛ, kɛ nyɛ baaya ayashɛ shikpɔŋ ni nyɛyaa nyɛyaŋɔ lɛ nɔ. Ebaashwie maji kpawo ni dara, asaŋ ni amɛhe wa fe nyɛ kɛje nyɛhiɛ. Maji nɛɛ ji Hitbii lɛ kɛ Girgashbii lɛ kɛ Amorbii lɛ kɛ Kanaanbii lɛ kɛ Perizbii lɛ kɛ Hivbii lɛ kɛ Yebusbii amaji lɛ.

Yoshua 1:11

“Nyɛkpaa maŋ lɛŋ koni nyɛwoa maŋbii lɛ shi. Nyɛkɛa amɛ akɛ, ‘Nyɛtaoa gbɛ nɔ niyenii nyɛtoa, ejaakɛ biɛ gbii etɛ̃ lɛ, nyɛbaafo Yordan Faa nɛɛ koni nyɛya nyɛyaŋɔ shikpɔŋ ni Yehowa, nyɛNyɔŋmɔ lɛ, kɛhãa nyɛ akɛ nyɛnɔ lɛ.’ ”

Yoshua 1:15

kɛyashi beyinɔ ni Yehowa aaahã nyɛnyɛmimɛi lɛ hu ana he ko ni amɛjɔɔ amɛhe yɛ, tamɔ bɔ ni ehã nyɛjɔɔ nyɛhe lɛ, be mli ni amɛ hu shikpɔŋ ni Yehowa, nyɛNyɔŋmɔ lɛ, kɛhãa amɛ lɛ aaashɛ amɛdɛŋ lɛ. No sɛɛ dani nyɛku nyɛsɛɛ kɛba nyɛshikpɔŋ ni Yehowa tsulɔ Mose kɛhã nyɛ yɛ Yordan Faa nɛɛ sɛɛ yɛ bokãgbɛ lɛ nɔ, ni nyɛbahi nɔ.”

Yoshua 14:12

No hewɔ lɛ, agbɛnɛ okɛ nɛkɛ gɔŋ nɛɛ nɔ shikpɔŋ lɛ ahã mi, nɔ ni Yehowa wo shi yɛ he nakai gbi lɛ. Nakai bo diɛŋtsɛ onu kɛ otoi akɛ Anakbii lɛ ji mɛi ni yɔɔ jɛi yɛ maji wuji ni atswa gbogbo awo amɛhe akɛwaje amɛ lɛ mli. Eko lɛ Yehowa aaaye abua mi koni mashwie amɛ yɛ jɛi tamɔ bɔ ni Yehowa ekɛɛ lɛ.”

Yoshua 3:14

Lɛɛlɛŋ be ni maŋbii lɛ famɔ amɛbui lɛ koni amɛyafo Yordan lɛ, ni osɔfoi tere Kpãŋmɔ Adeka lɛ kɛnyiɛ amɛhiɛ,

Yoshua 3:16

kɛkɛ ni nu ni jɛ yiteŋgbɛ baa lɛ wa, ni ekwɔ kɛtee ŋwɛi shɔŋŋ, yɛ Adam ni ji maŋ ko ni bɛŋkɛ Zaretan lɛ he. Kɛkɛ ni nu ni kpelekeɔ shi kɛyaboteɔ Araba ŋshɔ, ni ji Ŋoo Ŋshɔ, lɛ mli lɛ tã, ni esɛɛ fo kwraa. Kɛkɛ ni Israelbii lɛ fo faa lɛ yɛ Yeriko ŋlɛnɔ tuuŋtu.

Yoshua 3:6

Ni ekɛɛ osɔfoi lɛ akɛ, “Nyɛwoa Kpãŋmɔ Adeka lɛ koni nyɛkɛnyiɛa maŋ lɛ hiɛ.” Osɔfoi lɛ wo Kpãŋmɔ Adeka lɛ, ni amɛkɛnyiɛ maŋ lɛ hiɛ.

Yoshua 4:19

Israelbii lɛ fo Yordan lɛ yɛ klɛŋklɛŋ nyɔŋ lɛ nɔ gbi ni ji nyɔŋma lɛ nɔ, ni amɛyato shi yɛ Gilgal yɛ Yeriko bokãgbɛ husu lɛ nɔ.

Yoshua 4:5

ni ekɛɛ amɛ akɛ, “Nyɛtsɔ̃a Yehowa Adeka lɛ hiɛ kɛyaa Yordan teŋ, ni nyɛteŋ mɔ fɛɛ mɔ awo tɛ kome atswa ekɔŋ yɛ Israelbii akutsei lɛ ayibɔ naa.