5 Mose 8:9 - ŊMALƐ KRƆŊKRƆŊ LƐ

⁹ Daaŋŋmãa ni nyɛaaye he esɛŋ, ni nɔ ko nɔ ko he ehiaŋ nyɛ yɛ shikpɔŋ nɛɛ nɔ. Dade yɛ emli tɛi lɛ amli; ni nyɛaana akɔɔble hu nyɛtsa yɛ shikpɔŋ nɛɛ nɔ gɔji lɛ amli.

Ṅmãle̱ Kroṅkroṅ Le̱

⁹ šikpoṅ ní odāṅ ṅmā̃ ní ooye le̱ he esẽṅ ye̱ no̱, ni nokonoko ehĩaṅo ye̱ dše̱i; šikpoṅ ní te̱i ní yo̱ mli dši dade, ni ootša akō̱ble ke̱-adše̱ eno̱ gõdši le̱ amli le̱.

5 Mose 8:9 ပူးပေါင်းရင်းမြစ်များ

1 Kronika 22:14

Naa, migbo deŋme misaa nibii nɛɛ mito miha Yehowa Shihilɛhe lɛ maa: shika ŋmiiŋmi ni tsiimɔ ji talentai akpei oha, kɛ jwiɛtɛi hu ni tsiimɔ ji talentai akpe toi akpe, kɛ akɔɔble kɛ dade ni anyɛɛɛ aŋmɛ tete, ejaakɛ amɛfa fe nine; tsei kɛ tɛi hu yɛ. Shi obaatao nibii nɛɛ eko ogbe yi.

1 Kronika 22:3

David hã nitsulɔi lɛ dade babaoo koni akɛfolɔ plɛkoobii kɛ klampii ahã agboi lɛ anaa shinai lɛ. Ehã amɛ akɔɔble hu babaoo ni anyɛɛɛ aŋmɛ.

Hiob 28:2

Atsaa dade yɛ shikpɔŋ ni asereɔ akɔɔble kɛjɛɔ tɛ mli.

5 Mose 33:25

Akɛ dade kɛ akɔɔble adabãi aaalalaa omaŋ agboi asɛɛ; ni bɔ ni ogbii falɛ yɔɔ lɛ, nakai nɔŋŋ ohewalɛ aaahi.

5 Mose 8:10

Nyɛbaaye nii nyɛtɔrɔ, ni nyɛbaajie Yehowa, nyɛNyɔŋmɔ lɛ, yi yɛ shikpɔŋ kpakpa ni ehã nyɛ lɛ hewɔ.

5 Mose 8:8

shikpɔŋ ni ebaa ŋmãa kɛ abele kɛ wainyibii kɛ agbãmi kɛ akutu kɛ mutso kɛ wo hu.

Yoshua 22:8

ekɛɛ amɛ akɛ: “Nyɛmiiku nyɛsɛɛ kɛya shĩa kɛ nyɛdɛŋnii babaoo ni nyɛna: tsinai babaoo diɛŋtsɛ, kɛ jwiɛtɛi kɛ shika kɛ akɔɔble kɛ dade kɛ mamai pii. Nyɛkɛ nyɛmimɛi lɛ ayajaa nyɛhenyɛlɔi lɛ anibii ni nyɛna lɛ.”

Kojolɔi 18:10

Kɛ nyɛtee lɛ, nyɛbaaya nyɛyanina gbɔmɛi ni kwɛɛɛ nɔ fɔŋ ko gbɛ. Shikpɔŋ ni da ni. Anɔkwale mli lɛ, Nyɔŋmɔ kɛhã nyɛ. Eji he ko ni shikpɔŋ nɛɛ nɔ nibii fɛɛ mli ekoeko he bɛ ona yɛ.”