5 Mose 8:8 - ŊMALƐ KRƆŊKRƆŊ LƐ

⁸ shikpɔŋ ni ebaa ŋmãa kɛ abele kɛ wainyibii kɛ agbãmi kɛ akutu kɛ mutso kɛ wo hu.

Ṅmãle̱ Kroṅkroṅ Le̱

⁸ šikpoṅ ní ṅmā̃ ke̱ able ke̱ weintšei ke̱ agbamitšei ke̱ akututšei yo̱ no̱ le̱, šikpoṅ ní mũtšei ke̱ wò yo̱ no̱ le̱;

5 Mose 8:8 ပူးပေါင်းရင်းမြစ်များ

1 Mose 49:11

Ekɛ etejibi aaaŋmɔ wain tso, ekɛ etejiyoo bi aaaŋmɔ wain tso ni wa. Ekɛ wain aaafɔ etade he, ekɛ wain tsuru fɔɔ aaafɔ ehebo he.

2 Samuel 4:6

Yoo ni buɔ shĩa lɛ agbo lɛ naa lɛ miisha ŋmãa mli nɔŋŋ ni wɔ sha lɛ ni ewɔ. No hewɔ lɛ, Rekab kɛ enyɛminuu Baana shara ehe kɛbote shĩa lɛ mli.

1 Maŋtsɛmɛi 5:11

Ni Solomon hã Hiram ŋmãa ni tsiimɔ ji talentai akpei nyɔŋmai enyɔ kɛ mu tɔi litai ohai ejwɛ ni ji Hiram webii lɛ niyenii daa afi.

2 Maŋtsɛmɛi 18:32

kɛyaashi beyinɔ ni maba ni mabaŋɔ nyɛ kɛya shikpɔŋ ni tamɔ nyɛ diɛŋtsɛ nyɛshikpɔŋ lɛ nɔ, abele kɛ wain shikpɔŋ, aboloo kɛ waintromi ashikpɔŋ, mutsei kɛ wo shikpɔŋ nɔ; ni nyɛyi aaana wala ni nyɛgboiŋ. Ni nyɛkaboa Hezekia toi, kɛji eelaka nyɛ akɛ Yehowa baahere wɔyiwala lɛ.

Lalai 147:14

Ehãa ohusui anɔ jɔɔ; ehãa otɔɔ kɛ ŋmãa kpakpa.

Lalai 81:16

Malɛ nyɛ kɛ ŋmãa kpakpa fe fɛɛ, ni mahã nyɛ tɛsaa mli wo ni nyɛye nyɛtɔrɔ.”

Yesaia 7:23

“Nakai be lɛ, he fɛɛ he ni sá lɛ waintsei akpe ŋmɔ yɔɔ, nɔ ni ahɔ̃ɔ aheɔ jwiɛtɛi talentai akpe lɛ, jɛi baatsa kɛ kpitikpitii kɛ ŋmeii sɔŋŋ shikpɔŋ.

Yeremia 2:7

Mikɛ nyɛ ba shikpɔŋ ni baa nii nɔ koni nyɛye enɔ ŋmãa kɛ enɔ nibii kpakpai lɛ. Shi be ni nyɛbashɛ nɔ lɛ, nyɛbule mishikpɔŋ lɛ, ni nyɛhã migboshinii lɛ tsɔ̃ musubɔɔnii.

Yeremia 5:17

ni amɛbaaye nyɛŋmɔshinii ni nyɛkpa kɛ niyenii fɛɛ, ni amɛbaagbegbee nyɛbihii kɛ nyɛbiyei lɛ amɛye; amɛbaagbegbee nyɛtoi kɛ tsinai amɛye, ni amɛbaaye nyɛwaintsei kɛ agbãmitsei ayibii fɛɛ; ni nyɛmaji ni atswa gbogbo awo amɛhe ni nyɛhiɛ kã nɔ lɛ, amɛbaafite fɛɛ.”

Ezekiel 27:17

Yuda kɛ Israel kɛ bo ye jara, amɛkɛ ŋmãa kɛ mu kɛ agbãmi kɛ wo kɛ mu kɛ tsofakɛŋma baa, ni amɛkɛbatsakeɔ oguɔ nibii lɛ.

Hosea 2:22

Mahã nu anɛ shikpɔŋ lɛ nɔ koni shikpɔŋ lɛ aba abele kɛ wain kɛ mu ahã Israel.

Hosea 2:8

Te eŋɔɔɔ nɔ akɛ mi ji mɔ ni hã lɛ abele kɛ wain kɛ mu kɛ jwiɛtɛi kɛ shika lɛ fɛɛ ni amɛkɛjaa jemawɔŋ Baal lɛ.

Mika 4:4

Mɔ fɛɛ mɔ aaata lɛ diɛŋtsɛ ewaintsei kɛ lɛ diɛŋtsɛ egbãmitsei ashishi yɛ hejɔlɛ mli. Yehowa, Taiatsɛ lɛ ni kɛɛ enɛ.

Habakuk 3:17

Eyɛ mli akɛ agbãmi tso gbaŋ afofro, ni yibii ehiŋ wain tsei anɔ; eyɛ mli akɛ mu tsei ayibii baafee yaka, ni anaŋ ŋmɔshi niyenii; eyɛ mli akɛ toi fɛɛ aaagboi, ni tsinai aaatã yɛ tsina tsui amli nɛ.

4 Mose 13:23

Kɛkɛ ni bɔfoi lɛ bashɛ Eshkol Jɔɔ lɛ mli. Amɛfo wain tso nine kome kɛ enɔ yibii shao yɛ jɛi, ni gbɔmɛi enyɔ wo yibii shao lɛ tsoŋ, ni amɛtere kɛba. Amɛtserɛ akutui lɛ eko kɛ agbãmii lɛ hu eko kɛba.

Yohane 6:13

Kɛkɛ ni amɛbua aboloi enumɔ lɛ afufuji ni mɛi ni ye lɛ shwɛ lɛ anaa amɛwo kafui nyɔŋma kɛ enyɔ obɔ̃bɔ̃.

Yohane 6:9

“Gbekɛ nuu ko yɛ biɛ ni yɔɔ aboloi enumɔ kɛ loi bibii enyɔ; shi mɛi pii nɛɛ, amɛnɛgbɛ enɛ shɛɔ?”

5 Mose 32:13

“Ehã Israel ye gɔji anɔ shikpɔji lɛ anɔ; Israel ye shikpɔŋ lɛ nɔ nibaanii lɛ. Ena wo kɛjɛ tɛsai amli, ni emutsei shwere yɛ tɛ shikpɔŋ nɔ.

5 Mose 32:14

Tsinai kɛ gwantɛŋi hã fufɔ ni efĩ; egwaŋtɛŋ yei kɛ gwantɛŋ hii shwishwii kɛ fɔ tamɔ Bashan tsinai kɛ abotiai; ni enu wain kpakpa.

5 Mose 6:3

No hewɔ lɛ, Israelbii, nyɛboa toi, ni nyɛjwɛŋa nɔ, ni nyɛyea nɔ koni ahi ahã nyɛ, koni nyɛshwere yɛ shikpɔŋ kpakpa ni baa nii lɛ nɔ tamɔ bɔ ni Yehowa, nyɛtsɛmɛi lɛ aNyɔŋmɔ lɛ, ewo nyɛ shi lɛ.

5 Mose 8:7

Ejaakɛ Yehowa, nyɛNyɔŋmɔ lɛ, kɛ nyɛ miiya shikpɔŋ kpakpa nɔ, shikpɔŋ kɛ enɔ fai kɛ kpaakpoi kɛ shikpɔŋ nu ni tueɔ kɛjɛɔ jɔi kɛ gɔji amli;

5 Mose 8:9

Daaŋŋmãa ni nyɛaaye he esɛŋ, ni nɔ ko nɔ ko he ehiaŋ nyɛ yɛ shikpɔŋ nɛɛ nɔ. Dade yɛ emli tɛi lɛ amli; ni nyɛaana akɔɔble hu nyɛtsa yɛ shikpɔŋ nɛɛ nɔ gɔji lɛ amli.