5 Mose 8:7 - ŊMALƐ KRƆŊKRƆŊ LƐ

⁷ Ejaakɛ Yehowa, nyɛNyɔŋmɔ lɛ, kɛ nyɛ miiya shikpɔŋ kpakpa nɔ, shikpɔŋ kɛ enɔ fai kɛ kpaakpoi kɛ shikpɔŋ nu ni tueɔ kɛjɛɔ jɔi kɛ gɔji amli;

Ṅmãle̱ Kroṅkroṅ Le̱

⁷ Edšake̱ Iehowa, o-Nyoṅmo̱ le̱, ke̱o miya šikpoṅ kpakpa no̱, šikpoṅ ní fāi ke̱ nubui ke̱ kpākpoi yo̱ no̱, ni ame̱dše̱o̱ dšō̱i ke̱ gõdši le̱ amli ame̱hoo̱ le̱;

5 Mose 8:7 ပူးပေါင်းရင်းမြစ်များ

1 Mose 49:11

Ekɛ etejibi aaaŋmɔ wain tso, ekɛ etejiyoo bi aaaŋmɔ wain tso ni wa. Ekɛ wain aaafɔ etade he, ekɛ wain tsuru fɔɔ aaafɔ ehebo he.

2 Maŋtsɛmɛi 18:32

kɛyaashi beyinɔ ni maba ni mabaŋɔ nyɛ kɛya shikpɔŋ ni tamɔ nyɛ diɛŋtsɛ nyɛshikpɔŋ lɛ nɔ, abele kɛ wain shikpɔŋ, aboloo kɛ waintromi ashikpɔŋ, mutsei kɛ wo shikpɔŋ nɔ; ni nyɛyi aaana wala ni nyɛgboiŋ. Ni nyɛkaboa Hezekia toi, kɛji eelaka nyɛ akɛ Yehowa baahere wɔyiwala lɛ.

Lalai 104:10

Ohãa nuhiŋmɛii tueɔ kɛjɛɔ jɔi amli, ni amɛhoɔ yɛ gɔji lɛ ateŋ.

Lalai 106:24

Amɛgbe shikpɔŋ fɛɛfɛo lɛ he guɔ, ejaakɛ amɛheee Nyɔŋmɔ shiwoo lɛ amɛyeee.

2 Mose 3:8

Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

Yesaia 36:17

kɛyaashi beyinɔ ni maba mabaloo nyɛ kɛya shikpɔŋ ni tamɔ nyɛ diɛŋtsɛ nyɛshikpɔŋ lɛ nɔ, shikpɔŋ ko ni abelei kɛ wain yɔɔ nɔ, aboloo kɛ waintromi ashikpɔŋ.

Yesaia 5:1

Hã mala suɔmɔ lala mahã mishieŋtsɛ lɛ yɛ ewaintrom lɛ he. Mishieŋtsɛ lɛ yɛ waintrom yɛ gɔŋ ni baa nii jogbaŋŋ nɔ.

Yeremia 2:7

Mikɛ nyɛ ba shikpɔŋ ni baa nii nɔ koni nyɛye enɔ ŋmãa kɛ enɔ nibii kpakpai lɛ. Shi be ni nyɛbashɛ nɔ lɛ, nyɛbule mishikpɔŋ lɛ, ni nyɛhã migboshinii lɛ tsɔ̃ musubɔɔnii.

Ezekiel 17:5

Agbɛnɛ esaa ekɔ Israel shikpɔŋ lɛ nɔ dumɔ wu lɛ eko ni ekɛtee eyadu yɛ shikpɔŋ kpakpa nɔ. Ekɛ dumɔ wu lɛ tee he ni nu pii yɔɔ, ni edu yɛ faa lɛ toi kpaakpa.

Ezekiel 20:6

Nakai gbi lɛ mikã amɛ kitã akɛ majie amɛ kɛjɛ Ijipt shikpɔŋ lɛ nɔ kɛya shikpɔŋ ko ni mito miha amɛ lɛ nɔ; shikpɔŋ ni hi ni ebaa nii, ni eji shikpɔji lɛ ateŋ nɔ ni hi fe fɛɛ lɛ.

5 Mose 8:6

No hewɔ lɛ, nyɛyea Yehowa, nyɛNyɔŋmɔ lɛ, kitãi lɛ anɔ; nyɛbaa nyɛjeŋ bɔ ni etsɔ̃ɔ nyɛ lɛ, ni nyɛshea lɛ gbeyei.

5 Mose 8:8

shikpɔŋ ni ebaa ŋmãa kɛ abele kɛ wainyibii kɛ agbãmi kɛ akutu kɛ mutso kɛ wo hu.

Kojolɔi 18:10

Kɛ nyɛtee lɛ, nyɛbaaya nyɛyanina gbɔmɛi ni kwɛɛɛ nɔ fɔŋ ko gbɛ. Shikpɔŋ ni da ni. Anɔkwale mli lɛ, Nyɔŋmɔ kɛhã nyɛ. Eji he ko ni shikpɔŋ nɛɛ nɔ nibii fɛɛ mli ekoeko he bɛ ona yɛ.”